Game Changer Pre Release Event : గ్లోబల్ స్టార్ రామ్ చరణ్- శంకర్ కాంబినేషన్లో తెరకెక్కుతున్న గేమ్ ఛేంజర్ మూవీ ఓ వైపు శరవేగంగా చిత్రీకరణ పనులు జరుపుకుంటూనే మరోవైపు ప్రమోషన్స్తోనూ నెట్టిటం సందడి చేస్తోంది. ఇటీవలే టీజర్ లాంఛ్ ఈవెంట్ కూడా గ్రాండ్గా జరిగి అభిమానులను తెగ ఆకట్టుకుంది. అయితే తాజాగా గేమ్ ఛేంజర్కు సంబంధించిన ఓ వార్త నెట్టింట తెగ ట్రెండ్ అవుతోంది.
సాధారణంగా డైరెక్టర్ శంకర్ తన మూవీ ప్రమోషన్స్ కూడా ఓ రేంజ్లో చేయడం మనం చాలా సార్లు చూసుంటాం. ముఖ్యంగా ఆడియో రిలీజ్, ప్రీ రిలీజ్ ఈవెంట్లకు ఈయన హాలీవుడ్ స్టార్స్ను ఆహ్వానించిన సందర్భాలూ ఉన్నాయి. అలా ఇపుడు ఈ 'గేమ్ ఛేంజర్' ప్రీ రిలీజ్ ఈవెంట్ కోసం శంకర్ ఏదో గట్టిగానే ప్లాన్ చేసినట్లు తెలుస్తోంది. ఈ సారి ఈ ఈవెంట్కు బాలీవుడ్ బాద్షా షారుక్ ఖాన్ని ఇన్వైట్ చేసే ప్లాన్లో ఉన్నారట. అయితే ఈ రూమర్లో ఎంతవరకు నిజం ఉందనే విషయం ఇంకా తెలియాల్సి ఉంది.
చెర్రీ డ్యూయెల్ రోల్
మరోవైపు ఈ సినిమాలో రామ్ చరణ్ ద్విపాత్రాభినయంలో కనిపించనున్నట్లు తెలుస్తోంది. కాలేజీ స్టూడింట్ నుంచి ఐఏఎస్ ఆఫీసర్‌గా మారిన రామ్ చరణ్ విలన్‌లను ఎలా ఎదుర్కొన్నాడు అనేది ఈ సినిమా కథగా చూపించనున్నట్లు అర్థమవుతోంది. మరో పాత్రలో చరణ్ రైతు నాయకుడిగా కనిపించనున్నారు. మొత్తంగా ఈ సినిమా టీజర్ ఆద్యంతం గ్రిప్పింగ్ స్క్రీన్‌ప్లేతో పవర్‌ఫుల్ ఎంటర్‌టైనింగ్‌గా ఉండటం వల్ల అభిమానులు బాగా థ్రిల్ అవుతున్నారు.