Dil Raju Comments On Movie Collections : సినిమాల వసూళ్లపై టాలీవుడ్ ప్రముఖ నిర్మాత దిల్ రాజు కీలక వ్యాఖ్యలు చేశారు! పెద్ద సినిమా విడుదలైన రోజు అభిమానులు, సినీ ప్రియులు నానా హంగామా చేస్తారని, ఆ తర్వాత రెండో రోజు వచ్చేసరికి కొన్ని సందర్భాల్లో పరిస్థితి మారిపోతుంటుందని అన్నారు. తన కొత్త చిత్రం జనక అయితే గనక ఈవెంట్‌లో దిల్రాజు ఈ విధంగా కామెంట్స్ చేశారు. ఈ సినిమా నచ్చితే బలగం తరహాలో ఆదరించండి అని చెప్పారు. తమ సినిమా కచ్చితంగా నచ్చుతుందని పేర్కొన్నారు.
"సినిమా హిట్ అవుతుందని ఎంత నమ్మకం ఉన్నా, కానీ 5 నుంచి 10 శాతం కచ్చితంగా చెప్పలేం! ఎందుకంటే థియేటర్లలో ఓ సినిమా 100 మందికి నచ్చితే అది క్లాసిక్. 70 మందికి నచ్చితే సూపర్ హిట్, 50 మందికి నచ్చితే హిట్ అవుతుంది. అది క్యాల్కులేషన్. పెద్ద సినిమాల విషయానికొస్తే మొదటి రోజు సినిమాను తెగ మోసేస్తారు. రెండో రోజు కలెక్షన్స్ చూసి 'మాకు నచ్చలేదండి, సినిమా హిట్ అండి' అంటారు. అలా రెండో రోజు స్టేట్మెంట్స్ మారిపోతుంటాయి. మెజారిటీ సినీ ప్రియులు సినిమా చూస్తున్నప్పుడు రకరకాల ఒపినియన్స్ ఉంటాయి. ఓ సినిమా అందరికీ నచ్చడం అరుదు. మా సినిమా కచ్చితంగా 70 మందికి నచ్చుతుందని నమ్ముతున్నాను. బ్లాక్ బస్టర్ అవుతుంది" అని పేర్కొన్నారు.
Janaka Aithe Ganaka Suhas : కాగా, సుహాస్‌ హీరోగా జనక అయితే గనక తెరకెక్కింది. దర్శకుడు సందీప్‌ బండ్ల తెరకెక్కించారు. దసరా కానుకగా ఈ నెల 12న సినిమా రిలీజ్ కానుంది. ఈ నేపథ్యంలో మీడియాకు ప్రివ్యూ వేసేందుకు సన్నాహాలు చేస్తున్నట్టు ప్రెస్‌మీట్‌లో నిర్మాత దిల్ రాజు తెలిపారు. సినిమా నచ్చితే బలగం చిత్రంలా ప్రోత్సహించాలని, నచ్చకపోతే విడుదల వరకు సైలెంట్‌గా ఉండాలంటూ సరదాగా చెప్పుకొచ్చాారు.