Prabhas Salaar dialogues : 'సలార్' సినిమా రీసెంట్గా ఓటీటీలోకి వచ్చిన సంగతి తెలిసిందే. ఈ చిత్రాన్ని థియేటర్లలో చూసిన వారు మరోసారి, మిస్ అయిన వారు తొలిసారి చూసేస్తున్నారు. అయితే ఈ మూవీ ఓటీటీలోకి(Salaar OTT) వచ్చిన తర్వాత ఓ వీడియో సోషల్ మీడియాలో విపరీతంగా వైరల్ అవ్వడం మొదలైంది. అదేంటంటే సలార్లోని ప్రభాస్ డైలాగ్స్.
ఈ మూవీలో ప్రభాస్ డైలాగ్స్ చాలా తక్కువగా ఉన్న మాట తెలిసిన విషయమే. కానీ ఎంత లెన్త్, ఎంత నిడివి ఉన్నాయో అనేది స్పష్టత లేదు. అయితే ఇప్పుడు కొంతమంది ఫ్యాన్స్ మొత్తం సినిమాలో డార్లింగ్ మాట్లాడిన డైలాగులన్నింటినీ ఒక చోటకు చేర్చి దాన్నో వీడియో క్లిప్గా మార్చి తెగ షేర్ చేస్తున్నారు. ఈ వీడియో చూస్తే ప్రభాస్ చెప్పిన డైలాగ్స్ నిడివి మొత్తం కేవలం నాలుగు నిమిషాల లోపే ఉంది. కొంచెం స్పీడ్ మోడ్లో పెడితే అది రెండున్నార నిమిషాలకు కుదించుకుపోతోంది. ప్రభాస్ కాస్త ఎక్కువగా డైలాగ్స్ చెప్పింది కేవలం సెకండాఫ్లోనే. అది కూడా పృథ్విరాజ్ సుకుమారన్తో మాత్రమే. ఆ తర్వాత డార్లింగ్ కాస్త మాట్లాడింది నటి ఈశ్వరిరావుతోనే. ఇక ఈ సినిమాలో కీలక పాత్రధారులైన శ్రేయ రెడ్డి, దేవరాజ్, బ్రహ్మాజీ తదితరులెవరితోనూ ప్రభాస్ సంభాషణలు లేవు.