kalki 2898 AD Bookings : 'కల్కి' 2898 ఏడీ చిత్రం బుకింగ్స్లో అదరగొడుతోంది. సాధారణంగానే ప్రభాస్ సినిమా అంటే భారీ స్థాయిలో ఓపెనింగ్స్ ఉంటాయి. కానీ ఇప్పుడు అంతకుమించి అనేలా ఎపిక్ సైన్స్ ఫిక్షన్ కల్కి బుకింగ్స్ అవుతున్నాయి. సోషల్ మీడియాలో కనిపించే పోస్ట్ల ప్రకారం ఒక్క గంటలోనే 60 వేల టికెట్లు బుక్ అయినట్లుగా ఫ్యాన్స్ చెబుతున్నారు. ఓ పోస్ట్ ప్రకారం - హైదరాబాద్‌లో టాప్ 5 అడ్వాన్స్ డే1 గ్రాస్‌లో కల్కి టాప్లో నిలిచింది. ఇప్పటివరకూ కేవలం బుకింగ్స్‌లోనే హైదరాబాద్‌లో కల్కి రూ.14.5 కోట్లు వసూలు చేసిందట. అది కూడా ఇంకా రిలీజ్కు రెండు రోజుల సమయం ఉండగానే. తర్వాతి స్థానంలో రూ.12.5 కోట్లతో సలార్ ఉంది. ఆ తర్వాత రూ.10.5 కోట్లతో ఆర్ఆర్ఆర్, రూ.9.5కోట్లతో ఆదిపురుష్ ఉంది. దీంతో రిలీజ్కు ముందు కల్కి రికార్డులు క్రియేట్ చేయడం పక్కా అని ప్రభాస్ ఫ్యాన్స్ సంబరపడిపోతున్నారు.
ఇక Sacnilk డేటా ప్రకారం - ఇప్పటివరకు అడ్వాన్స్ బుకింగ్స్లో మొత్తంగా దాదాపు 5 లక్షలకు పైగా టికెట్లు అమ్మడుపోయాయని తెలిసింది. 15.92 కోట్లు గ్రాస్ కలెక్ట్ చేసిందట. తెలుగు వెర్షన్కు 4.5 లక్షలు టికెట్లు(రూ.14.46 కోట్లు), తమిళ వెర్షన్కు 8, 934 టికెట్లు(రూ.14.75 లక్షలు), హిందీ వెర్షన్కు 37,952 టికెట్లు(రూ.1.15 కోట్లు), మలయాళ వెర్షన్కు 1,126 టికెట్లు (రూ.1.9 లక్షలు), కన్నడ వెర్షన్కు 182 టికెట్లు(రూ.42,300) అమ్ముడుపోయాయట.
ఓవర్సీస్లో ప్రభాస్ క్రేజ్ - అంతర్జాతీయ స్థాయిలోనూ ప్రభాస్కు చాలా మంది ఫ్యాన్స్ ఉన్నారు. దీంతో అక్కడ కూడా కల్కి బుకింగ్స్ భారీగానే జరుగుతున్నాయి. నార్త్ అమెరికాలో ఇప్పటికే లక్ష 25 వేల టికెట్లు అమ్ముడుపోయినట్లు తెలిసింది.