NTR Devara North Theatrical Rights :టాలీవుడ్ స్టార్ హీరో యంగ్ టైగ‌ర్ ఎన్టీఆర్ - కొరటాల శివ కాంబోలో వ‌స్తున్న లేటెస్ట్ మూవీ దేవర. అలనాటి అందాల తార శ్రీదేవి కూతురు జాన్వీ కపూర్ హీరోయిన్‌గా న‌టిస్తోంది. సైఫ్ అలీఖాన్ విల‌న్‌గా న‌టిస్తున్నారు. కొరటాల శివ దర్శకుడు. తాజాగా ఈ మోస్ట్ అవైటెడ్ మూవీ నార్త్ థియేట్రికల్ డిస్ట్రిబ్యూషన్ రైట్స్ గురించి అఫీషియల్ అనౌన్స్మెంట్ వచ్చింది. ప్ర‌ముఖ బాలీవుడ్ నిర్మాత కరణ్ జోహార్ దక్కించుకున్నారు.
2015లో రానాతో ఉన్న స్నేహంతో పాటు రాజమౌళి సినిమా మీద నమ్మకంతో బాహుబలి హిందీ వెర్షన్ను తన సంస్థ ధర్మ ప్రొడక్షన్స్ ద్వారా విడుదల చేశారు కరణ్ జోహార్. ఆ సినిమా కలెక్షన్స్ వర్షం కురిపించింది. ఇప్పుడు జూనియర్ ఎన్టీఆర్ కూడా ఆర్ఆర్ఆర్ సినిమాతో దేశవ్యాప్తంగా అభిమానులను సంపాదించుకున్నారు. దీంతో ఇప్పుడు అదే నమ్మకంతో ఎన్టీఆర్ నటిస్తున్న దేవర సినిమా నార్త్ ఇండియా డిస్ట్రిబ్యూషన్ రైట్స్ను కూడా కరణ్ జోహార్ ధర్మ ప్రొడక్షన్స్ సొంతం చేసుకుంది. దీంతో పాటు AA ఫిల్మ్స్ కూడా దక్కించుకుంది.
"ఈ సినిమా నార్త్ ఇండియా థియేటర్ డిస్ట్రిబ్యూషన్ రైట్స్ పార్టనర్ షిప్ అనౌన్స్ చేస్తున్నందుకు, ఒక మంచి సినిమా అనుభవాన్ని అందరికి ఇవ్వగలుగుతున్నందుకు మాకు చాలా గర్వంగా, థ్రిల్గా ఉంది" అంటూ కరణ్ జోహార్ తమ సోషల్ మీడియా ద్వారా ప్రకటించారు.