NBK 109 Title :గత ఏడాది బాలకృష్ణ - డైరెక్టర్ బాబీ కాంబోలో NBK 109 సినిమా అనౌన్స్ చేశారు. అప్పటి నుంచి ఆ సినిమా గురించి ఎన్నో అప్డేట్స్ వస్తూనే ఉన్నాయి. హై ఓల్టేజ్ యాక్షన్ డ్రామాగా ఇది రూపొందుతోంది. ఇప్పటికే విడుదలైన టీజర్ గ్లింప్స్ కూడా ఫ్యాన్స్కు పూనకాలు తెప్పించేసింది. ఈ సినిమాలో విలన్గా బాలీవుడ్ నటుడు, యానిమల్ ఫేమ్ బాబీ దేఓల్ నటించనున్నారని ప్రకటించారు. మలయాళ నటుడు మన టాలీవుడ్ సీతారాముడు దుల్కర్ సల్మాన్ కూడా ఇందులో కీలక పాత్రలో నటించున్నారని ఆ మధ్య ప్రచారం సాగింది.
అయితే ఇప్పుడు ఇదే సినిమా గురించి మరో క్రేజీ అప్డేట్ నెట్టింట చక్కర్లు కొడుతోంది. ఇప్పటి వరకు ఈ సినిమాను NBK 109 అనే వర్కింగ్ టైటిల్తో పిలుస్తున్న సంగతి తెలిసిందే. అయితే ఈ సినిమాను నిర్మిస్తున్న నిర్మాణ సంస్థ సితార ఎంటర్టైన్మెంట్స్ వీరమాస్ అనే సినిమా టైటిల్ రిజిస్టర్ చేసిందని సమాచారం అందుతోంది. అయితే ఈ టైటిల్ NBK 109 కోసమా లేదా ఆ సంస్థ నిర్మించబోతున్న మరొక సినిమా కోసం రిజిస్టర్ చేసుకున్నారా అనేది క్లారిటీ లేదు. కానీ ఎన్బీకే 109 కోసమే అని సినీ వర్గాల్లో ప్రచారం సాగుతోంది. ఈ సినిమా యూనిట్ అఫీషియల్గా టైటిల్ అనౌన్స్ చేసిన తర్వాతే అసలు విషయంపై క్లారిటీ వస్తుంది.
ఈ సినిమాకు సంగీతం తమన్ అందిస్తున్నారు, ఈ సినిమాను సితార ఎంటర్టైన్మెంట్ సంస్థ, ఫార్చూన్ ఫోర్ సినిమాస్, శ్రీకర స్టూడియోస్ బ్యానర్లపై సాయి సౌజన్య, నాగ వంశీ కలసి నిర్మిస్తున్నారు. ఈ సినిమాలో ఊర్వశి రౌతేలా కూడా ఒక ప్రధాన పాత్రలో కనిపించనుంది. వీరమాస్గా బాలకృష్ణ ఈ ఏడాదిలోనే థియేటర్లలో సందడి చేసే అవకాశం ఉందని సమాచారం అందుతోంది. ఈ సినిమాలో బాలకృష్ణ ఇప్పటివరకు కనిపించని పాత్రలో కనిపించనున్నారని మూవీటీమ్ అభిమానుల్లో సినిమాపై క్రేజ్ పెంచే ప్రయత్నం చేస్తోంది.
కాగా, డైరెక్టర్ బాబీ 2023లో చిరంజీవితో చేసిన వాల్తేరు వీరయ్య బాక్స్ ఆఫీసు దగ్గర హిట్ అయి మంచి వసూళ్లను సాధించింది. ఆ తర్వాత బాబీ డైరెక్ట్ చేస్తున్న సినిమా ఇదే. అందుకే ఈ చిత్రంపై బాలయ్య అభిమానులకు భారీ అంచనాలు ఉన్నాయి. పైగా బాలయ్య ఇప్పటికే హ్యాట్రిక్ హిట్లతో జోరు మీదున్నారు.