మూవీ ఇండస్ట్రీలో క్రేజీ కాంబినేషన్లకు వచ్చే హైప్‌ వేరే లెవల్లో ఉంటుంది. తమ ఫేవరెట్‌ హీరో, స్టార్ డైరెక్టర్ కాంబోలో వచ్చే మూవీలపై ఫ్యాన్స్‌లో అంచనాలు భారీగా ఉంటాయి. మూవీకి ఏ టైటిల్ ఉంటే బాగుంటుందో కొన్నిసార్లు అభిమానులే నిర్ణయిస్తారు. లేదంటే ఆయా సినిమాకు ఈ టైటిల్ ఖరారు చేయబోతున్నారంటూ ఏదో ఒక పేరు ట్రెండ్ అవుతూనే ఉంటుంది. అయితే ఈ మధ్య ఓ కొత్త ట్రెండ్ మొదలైంది. ఓ సినిమాకి సంబంధించి వైరల్‌ అయిన టైటిల్‌తో మరో హీరో సినిమా వచ్చేస్తోంది. అలాంటి సినిమాలు ఏవో ఇప్పుడు చూద్దాం.
డ్రాగన్‌గా రాబోతున్న ప్రదీప్‌ -ప్రశాంత్‌ నీల్‌ డైరెక్షన్‌లో ఎన్టీఆర్ ఓ మూవీ చేయనున్నారు. ‘సలార్‌-2’ తర్వాత నీల్‌ తీయబోయే మూవీ కావడంతో దీనిపై అంచనాలు భారీగా ఉన్నాయి. రీసెంట్గా ఎన్టీఆర్ బర్త్‌ డే సందర్భంగా ఈ సినిమా టైటిల్ ‘డ్రాగన్’ అంటూ ట్రెండ్ అయింది. అయితే కొద్ది రోజులకే అదే టైటిల్‌తో తన సినిమాను ప్రకటించి డైరెక్టర్, యాక్టర్‌ ప్రదీప్‌ రంగనాథన్‌ అందరికీ షాక్ ఇచ్చారు. అశ్వత్‌ మరిముత్తు ఈ మూవీకి డైరెక్ట్‌ చేయనున్నాడు. దీంతో ఎన్టీఆర్, నీల్‌ మూవీ టైటిల్ ట్రెండింగ్‌ ఆగిపోయింది.
కల్కి కన్ఫ్యూజన్ - ప్రభాస్‌ హీరోగా, నాగ్‌ అశ్విన్‌ డైరెక్షన్‌లో ‘కల్కి 2898 ఏడీ’ రాబోతున్న సంగతి తెలిసిందే. దీంతో ఈ చిత్రం పేరు తెగ ట్రెండ్ అయింది. అయితే ఇప్పుడు ‘కల్కి’ పేరుతో మరో రెండు సినిమాలు ట్రెండింగ్‌లో వచ్చాయి. ఒకటి ప్రశాంత్‌ వర్మ దర్శకత్వంలో రాజశేఖర్‌ నటించని ‘కల్కి’ కాగా, మరొకటి మలయాళ హీరో టొవినో థామస్‌ నటించిన ‘కల్కి’. టొవినో థామస్‌ కల్కి మూవీ ప్రస్తుతం ‘ఈటీవీ విన్‌’లో స్ట్రీమింగ్‌ అవుతోంది. ఇలా ఒకే టైటిల్‌తో మూడు సినిమాలు సోషల్‌ మీడియాలో ట్రెండ్ అవుతున్నాయి.