మార్చి నెల థియేటర్లలో విడుదలయ్యే సినిమాలివే - ఆ 3 చిత్రాలు వెరీ స్పెషల్​!

March 2024 Movie Releases : ఎండకాలం వచ్చేస్తోంది. ఉష్ణోగ్రతలు క్రమక్రమంగా పెరుగుతున్నాయి. దీంతో మార్చిలో ఆ వేడి నుంచి కాస్త ఉపశమనం కలిగించి, వినోదం పంచేందుకు పలు సినిమాలు రిలీజ్​కు రెడీ అవుతున్నాయి. థియేటర్లలో ప్రేక్షకులను పలకరించేందుకు సిద్ధమవుతున్నాయి. మరి ఈ చిత్రాలు ఏంటి? ఎందులో ఎవరు నటించారో వంటి వివరాలను తెలుసుకుందాం.

March 2024 Movie Releases : ఫిబ్రవరి నెల ముగిసింది. మార్చి మొదలుకానుంది. ఎప్పటిలాగే ఈ నెల కూడా పలు చిత్రాలు ప్రేక్షకుల్ని అలరించేందుకు రెడీ అయ్యాయి. వీటిలో ఆపరేషన్ వాలెంటైన్, భీష్మ, డీజే టిల్లు స్క్వేర్​ ఆసక్తిని పెంచుతున్నాయి. వాటి వివరాలను తెలుసుకుందాం.

ఆపరేషన్‌ వాలాంటైన్(Varun Tej Operation Valentine) : కెరీర్‌ మొదలు నుంచి వైవిధ్య కథలను ఎంచుకుంటూ ప్రేక్షకుల్ని అలరిస్తున్నారు మెగా హీరో వరుణ్‌ తేజ్‌. ఇప్పుడాయన ఇండియన్‌ ఎయిర్‌ ఫోర్స్‌ బ్యాక్​డ్రాప్​తో రూపొందించిన చిత్రం ఆపరేషన్‌ వాలెంటైన్​లో నటించారు. మానుషి చిల్లర్‌ హీరోయిన్. శక్తి ప్రతాప్‌ సింగ్‌ హడా దర్శకుడు. మార్చి 1న(Operation Valentine Release Date) ఈ సినిమా రిలీజ్ కానుంది.

Bhoothaddam Bhaskar Narayana : వెన్నెల కిశోర్‌ ప్రధాన పాత్రలో టీజీ కీర్తికుమార్‌ తెరకెక్కించిన సినిమా చారి 111 (Chaari 111). సంయుక్త విశ్వనాథన్‌ హీరోయిన్‌. ఇకపోతే శివ కందుకూరి, రాశీసింగ్‌ నటించిన చిత్రం భూతద్దం భాస్కర్‌ నారాయణ. పురుషోత్తం రాజ్‌ దర్శకుడు. గ్రామీణ నేపథ్యంలో సాగే డిటెక్టివ్‌ కథ ఇది. అలా ఈ రెండు చిత్రాలు మార్చి 1నే రిలీజ్ కానున్నాయి.

Bhimaa Gopichand : గోపీచంద్‌ లేటెస్ట్ మూవీ ఫాంటసీ యాక్షన్‌ డ్రామా భీమా. ఎ. హర్ష దర్శకుడు. ప్రియా భవానీ శంకర్‌, మాళవిక శర్మ హీరోయిన్లు. శివరాత్రిని పురస్కరించుకుని మార్చి 8న ఈ చిత్రం రానుంది. విశ్వక్‌ సేన్‌ నటించిన గామి(Vishwak Sen Gaami) మార్చి 8నే రిలీజ్‌ కానుంది. విద్యాధర్‌ కాగిత దర్శకుడు. చాందినీ చౌదరి కథానాయిక. ఇక బాలీవుడ్‌హీరో నటుడు అజయ్‌ దేవగణ్‌, మాధవన్‌, జ్యోతిక ప్రధాన పాత్రల్లో నటించిన హారర్‌ థ్రిల్లర్‌ షైతాన్‌ కూడా మార్చి 8నే రానుంది. దీనికి వికాస్‌ భల్‌ దర్శకుడు. మలయాళ సూపర్ హిట్ ప్రేమలు డబ్బింగ్ మూవీ కూడా మార్చి 8నే ప్రేక్షకుల ముందుకు రానుంది.

ఇదీ చదవండి :మార్చి నెల ఓటీటీ సినిమా సిరీస్​ల ఫుల్ లిస్ట్​ - హనుమాన్​తో పాటు ఏం వస్తున్నాయంటే?

ఇక మార్చి 15నఅనన్య నాగళ్ల ప్రధాన పాత్రలో నటించిన హారర్‌ చిత్రం తంత్ర(Ananya Nagalla Tantra), మరో చిత్రం లైన్‌మ్యాన్‌ రానుంది. బాలీవుడ్‌ హీరో సిద్ధార్థ్‌ మల్హోత్రా, రాశీఖన్నా జంటగా నటించిన యోధ ఇదే రోజు రిలీజ్‌ కానుంది.

మార్చి 22న శ్రీవిష్ణు, రాహుల్‌ రామకృష్ణ, ప్రియదర్శి ముగ్గురు ప్రధాన పాత్రల్లో నటించిన ఓం భీమ్‌ బుష్‌(Om Bheem Bush), అల్లరి నరేశ్‌ - ఫరియా అబ్దుల్లా జంటగా మల్లి అంకం తెరకెక్కించిన ఆ ఒక్కటీ అడక్కు(Allari Naresh Aa Okkati Adakku), రోటి కపడా రొమాన్స్‌, కలియుగం పట్టణంలో సినిమాలు విడుదల కానున్నాయి.

Siddu Jonnalagadda Tillu Square : ఇక డీజె టిల్లుతో యూత్​లో ఫుల్​ క్రేజ్‌ సంపాదించుకున్న యంగ్‌ హీరో సిద్ధు జొన్నలగడ్డ నటించిన తాజా చిత్రం టిల్లు స్క్వేర్‌ మార్చి 29న ప్రేక్షకుల ముందుకు రానుంది. మల్లిక్‌ రామ్‌ దర్శకత్వం వహించారు. ఇక ఇదే రోజు ది క్రూ చిత్రంతో అలరించేందుకు బాలీవుడ్‌ తారలు కరీనా కపూర్‌, టబు, కృతిసనన్‌ రెడీ అయ్యారు.