Kriti Kharbanda Wedding Card :బాలీవుడ్ బ్యూటీ కృతి కర్బంద, నటుడు పుల్కిత్ సామ్రాట్ త్వరలో పెళ్లి పీటలెక్కనున్నారు. గతంలోనే తాము మార్చిలో పెళ్లి చేసుకుంటున్నట్లు ఈ జంట హింట్ ఇవ్వగా, ఇప్పుడు వీళ్ల పెళ్లి కార్డు సోషల్ మీడియాలో సందడి చేస్తోంది. ఎంతో క్యూట్ అండ్ సింపుల్గా ఉన్న ఆ వెడ్డింగ్ కార్డు నెటిజన్లను తెగ ఆకర్షిస్తోంది. అందులో కృతి, పుల్కిత్తో పాటు తమ పెంపుడు జంతువులు కూడా ఉన్నాయి. కానీ వెడ్డింగ్ వెన్యూ, ఇంకా ఈ పెళ్లికి సంబంధించిన ఆ కార్డులో ఇంకేం డీటైల్స్ లేవు. అయితే సినీ వర్గాల సమాచారం ప్రకారం ఈ జంట మార్చి 13న ఒక్కటి కానున్నట్లు తెలుస్తోంది.
Kriti Kharbanda Movies : ఇక కృతి సినిమాల విషయానికి వస్తే - 'బోణీ' అనే తెలుగు సినిమాతో కృతి టాలీవుడ్లోకి ఎంట్రీ ఇచ్చింది. ఈ సినిమాతోనే ఆమె తన కెరీర్ను మొదలుపెట్టింది. తొలి సినిమా ఆమెకు గుర్తింపు తెచ్చిపెట్టనప్పటికీ, నటిగా ఆమెకు మంచి మార్కులు పడ్డాయి. దీంతో తెలుగులో వరసు ఆఫర్లు వచ్చాయి. దీంతో 'బోణీ' తర్వాత 'తీన్మార్', 'అలా మొదలైంది'. 'మిస్టర్ నూకయ్య', 'ఒంగోలు గిత్త', 'ఓం త్రీడీ', 'బ్రూస్ లీ' ఇలా టాలీవుడ్లో వరుస ఆఫర్లు అందుకుని ఇక్కడి ప్రేక్షకులకు చేరువైంది.
ఆ తర్వాత కొంతకాలానికి బీటౌన్కు షిష్ట్ అయ్యి అక్కడి ఆడియెన్స్ను అలరించింది. అలా గత ఆరేళ్ల నుంచి పూర్తిగా హిందీ సినిమాలపై ఫోకస్ పెట్టింది. అప్పుడప్పుడు కన్నడ, తమిళ సినిమాల్లో కనిపించి ప్రేక్షకులను ఆకట్టుకుంది. అయితే బాలీవుడ్ హీరో పులకిత్ సామ్రాట్తో ఈమె రిలేషన్‌లో ఉన్నట్లు గతంలో రూమర్స్ వచ్చాయి.