Kaiva OTT Release : మూవీ లవర్స్ను ఆకట్టుకునేందుకు ఎప్పుడు ఏదో ఒక సరికొత్త కంటెంట్తో వస్తుంటాయి ఓటీటీ ప్లాట్ఫామ్స్. అలా ఈ వారం కూడా ఓ కన్నడ సూపర్ హిట్ లవ్ అండ్ రివెంజ్ స్టోరీ వచ్చింది. ఆ చిత్రం పేరే 'కైవా'. 1980 బ్యాక్ డ్రాప్లో హిందూ అబ్బాయి - ముస్లిం అమ్మాయి మధ్య ప్రేమ కథాతో వచ్చింది.
గతేడాది డిసెంబర్‌ 8న థియేటర్లలో విడుదలై హిట్ టాక్తో మంచి వసూళ్లను కూడా అందుకుంది. ఇప్పుడీ సినిమానే ఓటీటీ స్ట్రీమింగ్కు వచ్చేసింది. ప్రముఖ ఓటీటీ ప్లాట్ ఫామ్ అమెజాన్ ప్రైమ్ వీడియోలో(Kaiva Amazon Prime) స్ట్రీమింగ్ అవుతోంది. కానీ ప్రస్తుతానికి కన్నడ వెర్షన్లో మాత్రమే అందుబాటులో ఉంది. అయితే ఇంగ్లిష్ సబ్‌ టైటిల్స్‌ వస్తున్నాయి. త్వరలోనే తెలుగు వెర్షన్ కూడా అందుబాటులోకి రానుంది.
సినిమా కథ ఇదే(Kaiva Movie Story): నిజ జీవిత సంఘటనల ఆధారంగా 'కైవా'ను తెరకెక్కించారు. ఉద్యోగం కోసం ఓ గ్రామం నుంచి బెంగళూరు నగరానికి వచ్చిన కైవా (ధనవీర) ముస్లిం అమ్మాయి సల్మాతో(మేఘా శెట్టి) ప్రేమలో పడతాడు. అయితే కొంతమంది రౌడీ మూకలు సల్మాను ఓ గ్యాంగ్స్టర్ ప్రియురాలిగా భావించి ఆమెపై యాసిడ్ దాడి చేస్తారు. దీంతో కైవా అదే గ్యాంగ్స్టర్ సాయంతో ఆ ముగ్గురిపై ప్రతీకారం తీర్చుకునేందుకు పెద్ద యుద్ధమే చేస్తాడు. ఈ క్రమంలోనే బాధింపబడ్డ సల్మాను పెళ్లి చేసుకుంటాడు. అయితే యాసిడ్ దాడి చేసిన వారిలో ఇద్దరిని మాత్రమే చంపేస్తాడు. తర్వాత పోలీసులకు చిక్కి జైలుకు వెళ్లిపోతాడు. మరి కైవా జైలు నుంచి బయటకు వచ్చాడా? కైవా జైలుకు వెళ్లడం వల్ల సల్మా లైఫ్ ఎలా మారిపోయింది? మూడో వాడిని చంపడం కోసం కైవా ఏం చేశాడు? అసలు చంపాడా? లేదా? అనేది మిగిలిన కథ.