Devara Movie USA Pre Sales :జూనియర్ ఎన్టీఆర్ 'దేవర' మూవీ రిలీజ్కంటే ముందే అనేక రికార్డులను సాధించి ఫుల్ ట్రెండింగ్లో ఉంది. తాజాగా మరో ఘనతను తన ఖాతాలో వేసుకుంది. ఓవర్సీస్లో ఈ మూవీ ప్రీసేల్‌ టికెట్‌ బుకింగ్స్లో వన్ మిలియన్ సేల్ చేసింది. ఈ క్రమంలో నార్త్‌ అమెరికన్‌ బాక్సాఫీస్‌ వద్ద అత్యంత వేగంగా టికెట్ల ప్రీసేల్‌ ద్వారా వన్ మిలియన్ మార్క్‌ దాటిన సినిమాగా రికార్డుకెక్కింది.
ఇదిలా ఉండగా, ట్రైలర్ కూడా రిలీజ్ అవ్వకముందే ప్రతిష్టాత్మక వన్ మిలియన్ క్లబ్‌లో చేరిన తొలి భారతీయ చిత్రంగానూ ఇది చరిత్రకెక్కింది. అయితే ట్రైలర్ రిలీజ్ అయ్యాక ఈ సంఖ్య మరింత పెరిగే అనేక రికార్డులు నెలకొల్పే అవకాశముందని సినీ క్రిటిక్స్ అభిప్రాయపడుతున్నారు.
ట్రైలర్ ఎప్పుడంటే?
దేవర సినిమా పక్కా యాక్షన్‌ డ్రామాగా ముస్తాబవుతోంది. అయితే ఈ మూవీ ట్రైలర్ను రేపు(సెప్టెంబర్ 10) రిలీజ్ చేయనున్నట్లు మూవీ టీమ్ అఫీషియల్గా అనౌన్స్ చేసింది. సెప్టెంబర్ 10 సాయంత్రం 5.04 గంటలకు ట్రైలర్ను విడుదల చేయనున్నట్లు ప్రకటించింది. ఓ స్పెషల్ పోస్టర్ను కూడా రిలీజ్ చేసింది. ఇందులో తారక్ పవర్ఫుల్గా కనిపిస్తున్నారు. కత్తి పట్టుకొని సముద్రంలో నడుస్తున్నట్లు కనిపించారు. దీంతో ఎన్టీఆర్ ఫ్యాన్స్ తెగ సంతోషం వ్యక్తం చేస్తున్నారు.