David Warner Telugu Movie : ఆస్ట్రేలియా స్టార్ క్రికెటర్ డేవిడ్ వార్నర్కు ఇండియన్ సినిమాలంటే ఎంత ఇష్టమో ప్రత్యేకంగా చెప్పనక్కర్లేదు. ముఖ్యంగా సౌత్లోని పలు చిత్రాలకు సంబంధించిన సాంగ్స్, డైలాగ్స్కు వార్నర్ చేసిన రీల్స్ సోషల్ మీడియాలో తెగ ట్రెండ్ అయ్యాయి. 'పుష్ప' సినిమాలోని శ్రీ వల్లి పాట, అలాగే తగ్గేదేలే మేనరిజం చేస్తూ కూడా ఈయన ఇక్కడి అభిమానులకు చేరువయ్యాడు. అయితే ఎప్పటి నుంచో ఆయన మన సినిమాల్లో నటిస్తే బాగున్ను అని అనుకున్న ప్రేక్షకుల కోసం ఓ టాలీవుడ్ స్టార్ డైరెక్టర్ స్వీట్ సర్ప్రైజ్ ఇచ్చారు. తన అప్కమింగ్ మూవీలో ఓ కేమియో రోల్లో మెరిసేలా చేశారు.
ఇటీవలె డేవిడ్ వార్నర్ గన్ పట్టుకుని ఓ షూటింగ్లో పాల్గొన్న ఫొటోలు నెట్టింట లీక్ అవ్వగా, అందరూ ఆయన 'పుష్ప-2'లో అతిథిలా కనిపించనున్నాడని అనుకున్నారు. కానీ ఇప్పుడు వేరే హీరో మూవీతో ఇండస్ట్రీలోకి ఎంట్రీ ఇవ్వనున్నాడు. ఇంతకీ ఆ మూవీ ఎవరిదో కాదు స్టార్ హీరో నితిన్ 'రాబిన్ హుడ్'. ప్రస్తుతం శరవేగంగా షూటింగ్ జరుపుకుంటున్న ఈ చిత్రంలో డేవిడ్ వార్నర్ గెస్ట్ రోల్లో తళుక్కున మెరిసినట్లు సినీ వర్గాల మాట. ఇటీవలే ఆస్ట్రేలియాలో ఆయన పాత్రకు సంబంధించిన షూట్‌ పూర్తి చేయగా, ఆ సమయంలో తీసిన కొన్ని స్టిల్సే సోషల్ మీడియాలో ట్రెండ్ అయ్యాయి.
అలా తెలుగు ప్రేక్షకులకు దగ్గర
అయితే వార్నర్ - తెలుగు ప్రజల మధ్య మంచి బాండింగ్ ఉంది. వార్నర్ ఐపీఎల్‌లో సన్‌రైజర్స్‌ హైదరాబాద్‌కి ప్రాతినిధ్యం వహించాడు. వార్నర్‌కి తెలుగు అభిమానులు చాలా సపోర్ట్‌ చేశారు. ఈ ప్రేమతో వార్నర్ అప్పుడప్పుడు తెలుగు సాంగ్స్‌కి డ్యాన్స్‌ చేస్తు, సినిమా డైలాగులు చెబుతూ రీల్స్ చేసేవాడు. ఇలా తెలుగువారికి మరింత దగ్గరయ్యాడు.