Bigg Boss 8 Telugu Winner Voting Results: బిగ్బాస్ సీజన్ 8కు మరికొన్ని గంటల్లో ఎండ్కార్డ్ పడనుంది. డిసెంబర్ 15న అట్టహాసంగా జరగబోయే గ్రాండ్ ఫినాలేతో ఈ సీజన్ విన్నర్ ఎవరో తేలనుంది. ప్రస్తుతం హౌజ్లో టాప్ 5 కంటెస్టెంట్స్ ఉండగా.. అన్అఫీషియల్ పోలింగ్లో ఇద్దరు హోరాహోరీగా తలపడుతున్నారు. మరి విజేత కాబోయేది ఎవరో చూద్దాం..
ప్రస్తుతం హౌజ్లో టాప్ 5 ఫైనలిస్టులుగా అవినాష్, నిఖిల్, గౌతమ్, ప్రేరణ, నబీల్ మిగిలారు. వీరిలో విన్నర్ ఎవరో తేల్చేందుకు గత ఆదివారం అర్ధరాత్రి నుంచి పోలింగ్ స్టార్ట్ అయ్యింది. సుమారు 5 రోజులపాటు సాగిన ఓటింగ్ శుక్రవారం అర్ధరాత్రితో క్లోజ్ అయ్యింది. తమ ఫేవరెట్ కంటెస్టెంట్ను గెలిపించుకునేందుకు ఆడియన్స్ అధిక సంఖ్యలో ఓట్లు వేశారు. అయితే.. ఈ ఐదుగురిలో ఇద్దరే దాదాపు 80 శాతం ఓట్లను కొల్లగొట్టినట్టు సమాచారం. వారే.. నిఖిల్ అండ్ గౌతమ్!
షో మొదలైనప్పటి నుంచి ఉన్న నిఖిల్, వైల్డ్ కార్డ్ ద్వారా ఎంట్రీ ఇచ్చిన గౌతమ్ మధ్య పోటీ చాలా టఫ్గా ఉంది. సాధారణంగా విన్నర్ ఓటింగ్ మొదలైన తర్వాత.. రెండు మూడు రోజుల్లోనే విజేత ఎవరో ఓ అంచనా వచ్చేస్తుంది. కానీ.. ఇప్పుడు ఈ సీజన్లో ఆ పరిస్థితి కనిపించడం లేదు. గౌతమ్, నిఖిల్ ఇద్దరూ స్వల్ప ఓటింగ్ తేడాతో.. టాప్ ప్లేస్లో దూసుకుపోతున్నారు. మూడు రోజులపాటు ఓటింగ్ మామూలుగానే జరిగినా.. ఆఖరు రోజు మాత్రం టాప్ 2 కంటెస్టెంట్స్ ఓటింగ్ విపరీతంగా పెరిగింది. ఈ రేంజ్లో ఓటింగ్ నమోదైన విన్నర్ ఎవరనేది మాత్రం స్పష్టం కావడం లేదు. యూట్యూబ్ ఓటింగ్లో గౌతమ్.. సోషల్ మీడియాలో నిఖిల్ విజేత అన్నట్టుగా ఉంది పరిస్థితి.
ఎవరికి అవకాశం ఎక్కువ:షో మొదలైనప్పటి నుంచి టైటిల్ రేస్లో నిఖిల్ ముందంజలో ఉన్నాడు. గేమ్స్ పరంగా, బిహేవియర్ పరంగా హీరోగా మారాడు. గేమ్ ఏదైనా సరే స్ట్రాంగ్ కంటెస్టెంట్ అనే పేరు తెచ్చుకున్నాడు. ఎంత మంది ఎన్ని రకాలుగా కామెంట్ చేసినా ఏదీ పట్టించుకోకుండా గేమ్ మీద ఫోకస్ చేసి విన్నర్ రేస్లో ఉన్నాడు. ఇప్పటివరకు ఎలిమినేట్ అయిన చాలా మంది నిఖిల్ విన్నర్ మెటిరీయల్ అని చెప్పినవాళ్లే.