Anushka Ghaati Glimpse :టాలీవుడ్ స్టార్ హీరోయిన్ అనుష్క ప్రస్తుతం వరుస సినిమాలతో బిజీగా ఉంది. గతకొంతకాలంగా సినిమాలకు దూరంగా ఉన్న ఆమె, గతేడాది వచ్చిన మిస్ శెట్టి మిస్టర్ పోలిశెట్టితో మరో బ్లాక్బస్టర్ను తన ఖాతాలో వేసుకుంది. అయితే ఇప్పుడు డైరెక్టర్ క్రిష్ తెరకెక్కిస్తున్న ఓ పాన్‌ ఇండియాతో అభిమానులను అలరించేందుకు సిద్ధమైంది. 'ఘాటి' అనే టైటిల్తో ఈ సినిమా తెరకెక్కనుంది.
గతంలోనే క్రిష్ ఈ సినిమా గురించి ప్రకటించగా, నేడు (నవంబర్ 7) అనుష్క బర్త్డే సందర్భంగా ఓ స్పెషల్ పోస్టర్ అలాగే గ్లింప్స్ను విడుదల చేశారు మేకర్స్. ఇందులో ఆమె నేరస్థురాలిగా మారిన ఓ బాధితురాలిగా కనిపించనున్నట్లు తెలుస్తోంది. చేతిపైన ఓ విచిత్రమైన టాటూతో గొడ్డలి పట్టుకుని ఫుల్ పవర్ఫుల్గా కనిపిచింది. అంతేకాకుండా ఓ వ్యక్తిని నరికి అతడి తలను చేతిలో పట్టుకుని వస్తుంది. అనుష్క ఇటువంటి రోల్ మునుపెన్నడు చేయన్నట్లు తెలుస్తోంది. దీంతో ఆద్యంతం ఎంతో థ్రిల్లింగ్గా ఉన్నఆ వీడియో ప్రస్తుతం నెట్టింట తెగ ట్రెండ్ అవుతోంది.
ఇక ఉదయం రివీలైన పోస్టర్లోనూ అనుష్క చుట్ట కాలుస్తూ డిఫరెంట్ షేడ్స్ ఉన్న లుక్లో కనిపించింది. దీంతో ఈ సినిమాతో ఆమె మరో హిట్ను ఖాతాలో వేసుకోవడం ఖాయమంటూ అభిమానులు కామెంట్లు పెడుతున్నారు. స్వీటీకి నెట్టింట బర్త్డే విషెస్ తెలుపుతున్నారు.