Ali Tho Saradaga Season 2 Latest Promo :తన కామెడీ టైమింగ్తో ప్రేక్షకులను కడుపుబ్బా నవ్విస్తారు నటుడు అలీ. అయితే ఆయన సినిమాలకే పరిమితం కాకుండా బుల్లితెరపై అప్పుడప్పుడు సందడి చేస్తుంటారు. అలా ఆయన టీవీల్లో పలు షోలకు యాంకరింగ్ చేశారు. అయితే అందులో 'అలీతో సరదాగా'కి ఓ ప్రత్యేకమైన స్థానం ఉంది. ఈటీవీలో ప్రసారమైన ఈ షో దాదాపు ఏడేళ్ల పాటు నిర్విరామంగా ప్రేక్షకులను అలరించింది. అయితే 2022లో చివరి సారిగా టెలికాస్ట్ అయింది. ఇక అప్పుడు ఎండ్ అయిన ఈ ప్రోగ్రామ్ దాదాపు రెండేళ్ల తర్వాత ఇప్పుడు నయా సీజన్తో మరోసారి బుల్లితెర ఆడియెన్స్ను ఆకట్టుకోనుంది.
తాజాగా దీనికి సంబంధించిన ప్రోమో నెట్టింట విడుదలైంది. ఇక తొలి ఎపిసోడ్కు గెస్ట్గా మ్యాచో మ్యాన్ గోపీచంద్ హాజరయ్యారు. తన అప్కమింగ్ మూవీ 'భీమా' ప్రమోషన్స్లో భాగంగా ఆయన ఈ షోకు వచ్చారు. ఈ నేపథ్యంలో ఆలీకి గోపీచంద్కు మధ్య సరదా సంభాషణ సాగింది.
మాటల మధ్యలో ఆలీ అడిగిన ఓ ప్రశ్న ప్రస్తుతం సోషల్ మీడియాను షేక్ చేస్తోంది. 'మీరిద్దరూ కలిసి ఓ సినిమా చేస్తున్నట్లు వార్తలు వస్తున్నాయి. దాని పోస్టర్ కూడా మా దగ్గర ఉంది' అంటూ ఆలీ అడిగారు. దానికి గోపిచంద్ కాసేపు నవ్వుకున్నారు. అయితే అసలు విషయం ఏంటో తెలియాలంటే ఫుల్ ఎపిసోడ్ వచ్చేంతవరకు వెయిట్ చేయాల్సిందే.