Akhanda 2 Shooting : నందమూరి బాలక‌ృష్ణ, బోయపాటి శీను కాంబినేషన్‌లో వచ్చిన 'అఖండ' సినిమా ఎంతటి సెన్సేషన్ సృష్టించిందో ప్రత్యేకంగా చెప్పనక్కర్లేదు. భారీ అంచనాల నడుమ వచ్చిన ఆ చిత్రం అప్పట్లోనే మంచి వసూళ్లు సాధించి రికార్డుకెక్కింది. స్టోరీ, బాలయ్య యాక్టింగ్ ఇలా సినిమాలో పలు ప్లస్ పాయింట్స్ ఉండటం వల్ల ఈ చిత్రం అభిమానులకు బాగా రీచ్ అయ్యింది. దీంతో ఈ సినిమా సీక్వెల్ కోసం ఫ్యాన్స్ ఎంతగానో ఎదురుచూస్తున్నారు.
తాజాగా బోయపాటి కూడా ఈ మూవీకి సీక్వెల్ ఉండనున్నట్లు వెల్లడించారు. ప్రస్తుతం ప్రీ ప్రొడక్షన్ పనుల్లో బిజీగా ఉన్నామని, డైరెక్టర్ క్లారిటీ ఇచ్చారు. అయితే ఈ మూవీ రెగ్యులర్ షూటింగ్ గురించి ఓ వార్త నెట్టింట ట్రెండ్ అవుతోంది. ప్రీ పొడక్షన్ పనులు, ఎలక్షన్స్ తర్వాత బాలయ్య కాల్షీట్స్ డేట్స్ ఫిక్స్ చేసుకుని ఈ షూటింగ్ సెప్టెంబర్లో ప్రారంభించనున్నారట. అయితే ఈ విషయంపై అధికారిక ప్రకటన ఇంకా రావాల్సి ఉంది.
మరోవైపు ఈ సినిమాలో బాలయ్యా గతం కంటే విభిన్నంగా కనిపించనున్నారని టాక్ నడుస్తోంది. తొలి పార్ట్‌లో డ్యూయెల్ రోల్ పోషించగా, రానున్న సీక్వెల్‌లో అఘోరా పాత్రను ఇంకాస్త హైలెట్ చేయనున్నామని బోయపాటి వెల్లడించారు. అయితే ఈ స్టోరీ మొత్తం పూర్తిగా శైవత్వంపై సాగుతుందని, దక్షిణ భారతదేశంలో హిందూత్వానికి ఉన్న విలువలను చూపించే కోణంలో సీన్స్ ఉంటాయని సమాచారం. హిందూ దేవాలయాల గొప్పతనాన్ని వివరిస్తూనే దక్షిణ భారత దేశ ఔన్నత్యాన్ని చాటి చెప్పే సన్నివేశాలను కూడా రూపొందించాలని మేకర్స్ అనుకుంటున్నారట.