రికార్డ్​ క్లోజ్​ - సెన్సెక్స్@75,038 & నిఫ్టీ@22,753 - Stock Market Close Today 10th 2024

Stock Market Close Today April 10th 2024 : బుధవారం దేశీయ స్టాక్ మార్కెట్లు భారీ లాభాలతో ముగిశాయి. సెన్సెక్స్​ మొదటిసారిగా 75,000 మార్క్​ ఎగువన ముగిసింది; నిఫ్టీ 152 పాయింట్లు లాభపడి 22,753 వద్ద జీవన కాల గరిష్ఠాల వద్ద స్థిరపడింది.

Stock Market Close Today 10th 2024 : దేశీయ స్టాక్ మార్కెట్లు బుధవారం భారీ లాభాలతో ముగిశాయి. ప్రధానంగా ఎఫ్​ఎంసీజీ, మెటల్​, ఎనర్జీ స్టాక్స్​ భారీగా లాభపడ్డాయి. యూఎస్​ ఫెడరల్ రిజర్వ్​ వడ్డీ రేట్లు తగ్గించవచ్చనే అంచనాలు సహా, దేశీయ ఆర్థిక వ్యవస్థపై మదుపరుల విశ్వాసం పెరుగుతుండడమే ఇందుకు కారణం.

బొంబాయి స్టాక్ ఎక్స్ఛేంజ్​ సూచీ సెన్సెక్స్​ 354 పాయింట్లు లాభపడి మొదటిసారిగా 75,000 మార్క్​ ఎగువన ముగిసింది; జాతీయ స్టాక్ ఎక్స్ఛేంజీ సూచీ నిఫ్టీ 111 పాయింట్లు వృద్ధి చెంది 22,753 వద్ద జీవన కాల గరిష్ఠాల వద్ద స్థిరపడింది.

• లాభపడిన స్టాక్స్​ :ఐటీసీ, కోటక్​ బ్యాంక్​, భారతీ ఎయిర్​టెల్​, ఎస్​బీఐ, ఏసియన్ పెయింట్స్, టెక్ మహీంద్రా, రిలయన్స్​, టీసీఎస్​
• నష్టపోయిన షేర్స్​ :మారుతి సుజుకి, హెచ్​డీఎఫ్​సీ బ్యాంక్​, ఎల్​ అండ్ టీ, ఎం అండ్ ఎం, టాటా స్టీల్​, బజాజ్ ఫిన్​సెర్వ్​

విదేశీ పెట్టుబడులు
FIIs Investments :స్టాక్ ఎక్స్ఛేంజ్​ డేటా ప్రకారం, మంగళవారం విదేశీ సంస్థాగత పెట్టుబడిదారులు రూ.593.20 కోట్ల విలువైన ఈక్విటీలు కొనుగోలు చేశారు.

అంతర్జాతీయ మార్కెట్లు
Global Markets : ఆసియా మార్కెట్లలో టోక్యో, షాంఘై నష్టాలతో ముగియగా, హాంకాంగ్​ మార్కెట్ లాభాలతో స్థిరపడింది. ఎన్నికల సందర్భంగా దక్షిణ కొరియా స్టాక్ మార్కెట్లు ఇవాళ పనిచేయలేదు. ప్రస్తుతానికి యూరోపియన్ మార్కెట్లు మంచి లాభాలతో దూసుకుపోతున్నాయి. మంగళవారం యూఎస్​ మార్కెట్లు లాభాలతో ముగిసిన విషయం తెలిసిందే.

రూపాయి విలువ
Rupee Open March April 10th 2024 :అంతర్జాతీయ మార్కెట్​లో రూపాయి విలువ 12 పైసలు పెరిగింది. ప్రస్తుతం డాలర్​తో పోలిస్తే రూపాయి మారకం విలువ రూ.83.19గా ఉంది.

పెట్రోల్, డీజిల్​​ ధరలు!
Petrol And Diesel Prices April 10th 2024 :తెలుగు రాష్ట్రాలైన ఏపీ, తెలంగాణల్లో పెట్రోల్​, డీజిల్​ ధరలు స్థిరంగా ఉన్నాయి. హైదరాబాద్​లో లీటర్ పెట్రోల్​ ధర రూ.107.39గా ఉంది. డీజిల్​ ధర రూ.95.63గా ఉంది. విశాఖపట్నం​లో లీటర్ పెట్రోల్​ ధర రూ.108.27గా ఉంది. డీజిల్​ ధర రూ.96.16గా ఉంది. దిల్లీలో లీటర్​ పెట్రోల్​ ధర రూ.94.76గా ఉంటే, డీజిల్​ ధర రూ.87.66గా ఉంది.

ముడిచమురు ధర
Crude Oil Prices April 10th 2024 :అంతర్జాతీయ మార్కెట్​లో ముడిచమురు ధరలు 0.18 శాతం మేర పెరిగాయి. ప్రస్తుతం బ్యారెల్​ క్రూడ్​ ఆయిల్ ధర 89.58 డాలర్లుగా ఉంది.