First-Party Insurance Vs Third-party Car Insurance : కారు కొనాలని అనుకునేవాళ్లు కచ్చితంగా ఫస్ట్-పార్టీ ఇన్సూరెన్స్, థర్డ్-పార్టీ ఇన్సూరెన్స్ గురించి తెలుసుకోవాలి. ఎందుకంటే ఈ వెహికల్ ఇన్సూరెన్స్లు ప్రమాదాలు జరిగినప్పుడు లేదా నష్టం సంభవించినప్పుడు పాలసీదారులకు ఆర్థిక రక్షణ కల్పిస్తాయి. అయితే వీటి పరిధి, ప్రయోజనాలు, ప్రీమియంలు చాలా భిన్నంగా ఉంటాయి. అందుకే ఈ రెండు రకాల బీమా పథకాల గురించి ప్రతి కారు ఓనర్ కచ్చితంగా తెలుసుకోవాలి.
What Is Car Insurance?
ప్రమాదం, దొంగతనం, నష్టం (డ్యామేజ్) జరిగినప్పుడు పాలసీదారుకు ఆర్థిక రక్షణ కల్పించేదే కారు ఇన్సూరెన్స్. ఈ బీమా పాలసీల్లో ప్రధానంగా మూడు పార్టీలవారు ఉంటారు. వారు ఎవరంటే?
1. ఫస్ట్ పార్టీ :వెహికల్ ఇన్సూరెన్స్ కొనుగోలు చేసిన వ్యక్తినే 'ఫస్ట్ పార్టీ' అని అంటారు. సాధారణంగా వాహనం కొనుగోలు చేసిన వ్యక్తులే, బీమా పాలసీ కూడా తీసుకుంటారు. కనుక ఈ ఫస్ట్ పార్టీ వారే బీమా పాలసీ ప్రీమియం చెల్లిస్తారు. అవసరమైనప్పుడు క్లెయిమ్ చేసుకుని, పరిహారం పొందుతారు.
2. సెకెండ్ పార్టీ :ఇన్సూరెన్స్ కంపెనీని సెకెండ్ పార్టీగా పేర్కొంటారు. పాలసీదారు నుంచి ప్రీమియం తీసుకుని ఈ బీమా కంపెనీలు వెహికల్ ఇన్సూరెన్స్ను అందిస్తూ ఉంటాయి. ఒకవేళ పాలసీదారుని వాహనానికి ఏదైనా డ్యామెజ్ జరిగితే, దానికి పరిహారం చెల్లించాల్సిన బాధ్యత ఇన్సూరెన్స్ కంపెనీకి ఉంటుంది.
3. థర్డ్ పార్టీ : ఫస్ట్ పార్టీ, సెకెండ్ పార్టీ వారు కాకుండా, వాహన ప్రమాదంలో నష్టపోయిన ఇతరులను థర్డ్ పార్టీ అంటారు.
Primary Insurance Categories
వాహన బీమాలో రెండు ప్రాథమిక కేటగిరీలు ఉంటాయి. అవి: ఫస్ట్ పార్టీ ఇన్సూరెన్స్, థర్డ్ పార్టీ ఇన్సూరెన్స్. వీటి గురించి ఇప్పుడు వివరంగా తెలుసుకుందాం.
First-Party Car Insurance : ఫస్ట్ పార్టీ ఇన్సూరెన్స్నే 'కాంప్రిహెన్సివ్ ఇన్సూరెన్స్' అని కూడా అంటారు. ఇది ప్రమాదానికి గురైన వాహనానికి, అందులో ఉన్నవారికి జరిగిన నష్టాన్ని కవర్ చేస్తుంది.
- వాహనాలు పరస్పరం ఢీకొనప్పుడు జరిగిన నష్టానికి ఫస్ట్-పార్టీ ఇన్సూరెన్స్ పరిహారం అందిస్తుంది.
- వాహనం దొంగతనానికి గురైనా, విధ్యంసంలో పాడైపోయినా, ప్రకృతి వైపరీత్యాల వల్ల దెబ్బతిన్నా పరిహారం అందిస్తుంది.
- ప్రమాదానికి గురైన డ్రైవర్కు వైద్య ఖర్చులను కూడా చెల్లిస్తుంది. దీని వల్ల పాలసీదారునికి ఆర్థిక రక్షణ లభిస్తుంది.
- ఫస్ట్-పార్టీ ఇన్సూరెన్స్లో రోడ్సైడ్ అసిస్టెన్స్, రెంటల్ కార్ రీయింబర్స్మెంట్, జీరో డిప్రిసియేషన్, ఇంజన్ ప్రొటెక్షన్, ఇన్వాయిస్ రిటర్న్, ఎన్సీబీ ప్రొటెక్షన్ ఉంటాయి. అంతేకాదు వాహనంలో ఉన్న వ్యక్తిగత వస్తువులకు కూడా కవరేజ్ పొందవచ్చు. అయితే ఈ అదనపు ప్రయోజనాల కోసం కాస్త ఎక్కువ ప్రీమియం చెల్లించాల్సి ఉంటుంది.
- విస్తృతమైన కవరేజ్ ఉండడం వల్ల థర్డ్-పార్టీ బీమాతో పోలిస్తే ఈ ఫస్ట్-పార్టీ ఇన్సూరెన్స్ ప్రీమియం అనేది చాలా ఎక్కువగా ఉంటుంది.
- వాస్తవానికి ఈ ఫస్ట్ పార్టీ ఇన్సూరెన్స్ అనేది ఒక ఆప్షనల్. కనుక వాహనదారులు తమ బడ్జెట్కు, అవసరాలకు అనుగుణంగా ఈ కాంప్రిహెన్సివ్ ఇన్యూరెన్స్ను తీసుకోవాల్సి ఉంటుంది.
Third-Party Car Insurance :ఈ థర్డ్ పార్టీ ఇన్సూరెన్స్ను 'లయబిలిటీ ఇన్సూరెన్స్' అని కూడా అంటారు.
- భారతదేశంలో వాహనం రిజిస్టర్ చేయాలన్నా, దానిని రోడ్లపై నడపాలన్నా కచ్చితంగా థర్డ్-పార్టీ ఇన్సూరెన్స్ తీసుకోవాల్సిందే.
- వాహనాన్ని నడిపే వ్యక్తివల్ల ప్రమాదానికి గురైన థర్డ్ పార్టీ వ్యక్తులకు ఈ పాలసీ కింద పరిహారం లభిస్తుంది.
- వాహన ప్రమాదం జరిగినప్పుడు, పాలసీదారునకు ఫస్ట్-పార్టీ ఇన్సూరెన్స్ వల్ల పరిహారం లభిస్తుంది. కానీ సదరు పాలసీదారు వల్ల జరిగిన యాక్సిడెంట్లో గాయపడిన వారికి, ఆర్థికంగా నష్టపోయిన వారికి థర్డ్ పార్టీ ఇన్సూరెన్స్ ద్వారా పరిహారం అందుతుంది.
- ప్రమాదం వల్ల నష్టపోయిన వాళ్లు కోర్టులో దావా వేస్తే, అందుకు అయ్యే చట్టపరమైన ఖర్చులను (లీగల్ ఫీజులను) కూడా అందిస్తుంది.
- ఫస్ట్-పార్టీ ఇన్సూరెన్స్తో పోలిస్తే, థర్డ్-పార్టీ ఇన్సూరెన్స్ అనేది పరిమితమైన కవరేజ్ను అందిస్తుంది.
బెస్ట్ స్కీమ్ - రోజుకు రూ.13 కడితే చాలు - జీవితాంతం నెలకు రూ.5000 పెన్షన్! - Atal Pension Yojana
మంచి ఎలక్ట్రిక్ కార్ కొనాలా? లాంగెస్ట్ రేంజ్ కలిగిన టాప్-5 మోడల్స్ ఇవే! - Top Range Electric Cars
