త్వరలో మార్కెట్​లోకి రానున్న బెస్ట్​ ఈవీ స్కూటర్స్ ఇవే!

Best Upcoming Ev Scooters In India : మీరు ఎలక్ట్రిక్ స్కూటర్ కొనాలనుకుంటున్నారా? మంచి మోడల్ కోసం ఎదురుచూస్తున్నారా? అయితే మీకు శుభవార్త. త్వరలోనే ఆటో మొబైల్ మార్కెట్​లోకి 7 నూతన ఈవీ స్కూటర్లు రాబోతున్నాయి. వీటి గురించి మరింత సమాచారం తెలుసుకోవాలనుందా? అయితే ఈ స్టోరీ పై ఓ లుక్కేయ్యండి.

Best Upcoming Ev Scooters In India :ప్రస్తుత కాలంలో మార్కెట్​లో హవా అంతా ఎలక్ట్రిక్ వెహికల్స్​దే. పెరుగుతున్న పెట్రోల్, డీజిల్ ధరలు, వాతావరణ కాలుష్యం తదితర కారణాల దృష్ట్యా వినియోగదారులు ఈవీల కొనుగోలుకు మొగ్గు చూపుతున్నారు. ప్రభుత్వాలు సైతం వీటికి మంచి ప్రోత్సాహకాలు అందిస్తున్నాయి. ఇక విషయానికొస్తే భారత వాహన మార్కెట్లోకి త్వరలో కొత్త మోడల్ ఈవీ స్కూటర్లు అందుబాటులోకి రానున్నాయి. సుజుకీ, టీవీఎస్ లాంటి ప్రధాన వాహన తయారీ సంస్థలతో పాటు మరికొన్ని కంపెనీలు తమ నూతన ఈవీ మోడళ్లను మార్కెట్లోకి ప్రవేశ పెట్టనున్నాయి. వాటి వివరాలు మీ కోసం.

TVS Electric Scooter
ప్రముఖ వాహన తయారీ సంస్థ టీవీఎస్ త్వరలోనే తన కొత్త మోడల్ ఈవీ స్కూటర్​ను మార్కెట్​లోకి విడుదల చేయనున్నట్లు సమాచారం. ఈ iQube ST వేరియంట్ మోడల్​
కోసం కస్టమర్లు చాలా కాలం నుంచి ఎదురుచూస్తున్నారు.

Ather Rizta
ఏథర్ రిజ్టా మరో ఆరు నెలల్లో తన నూతన ఈవీ స్కూటర్​ను కస్టమర్లకు అందుబాటులోకి తీసుకురానుంది సంస్థ. ఇది తన చివరి మోడల్ ఏథర్ రిజ్టా 450 కంటే మరింత మెరుగ్గా ఉండనున్నట్లు సమాచారం.

Honda Activa-Based Electric Scoote
హోండా యాక్టివా ఎలక్ట్రిక్ స్కూటర్​ను త్వరలోనే మార్కెట్లోకి ప్రవేశపెట్టనుంది. 2040 నాటికి 100 శాతం ఎలక్ట్రిక్ వాహనాలు తయారు చేయాలని లక్ష్యంగా పెట్టుకున్న హోండా కంపెనీ ఆ లక్ష్యం దిశగా ఎలక్ట్రిక్ వాహనాలు తయారీ ప్రారంభించింది.

New Ola Scooter
ఓలా స్కూటర్ త్వరలోనే తన నూతన మోడల్ కోసం పేటెంట్ ఫైల్ చేసింది. సింగిల్ సీట్​తో తయారవుతున్న ఈ ఈవీ స్కూటర్​లో బ్యాటరీ మార్పు చేసుకునే సౌలభ్యం ఉంది. వీటితో పాటు మరిన్ని అదనపు ఫీచర్లు ఉండనున్నట్లు సమాచారం.

Suzuki Burgman Electric
ప్రముఖ వాహన తయారీ సంస్థ సుజుకీ త్వరలో suzuki eburgman మోడల్​ను ప్రవేశపెట్టే అవకాశం ఉంది. కంపెనీ నుంచి ఎటువంటి అధికారిక ప్రకటన రాకపోయినప్పటికీ ఈ ఏడాదే తన కొత్త మోడల్​ను ప్రవేశపెట్టనున్నట్లు సమాచారం.

Hero Vida models
ఈ ఏడాది హీరో స్కూటర్​కు సంబంధించిన రెండు కొత్త మోడళ్లను మార్కెట్​లోకి ప్రవేశ పెట్టనున్నట్లు కంపెనీ సీఈఓ నిరంజన్ గుప్తా తెలిపారు. వీటి ధర సైతం సామాన్యునికి అందుబాటులో ఉండనున్నట్లు ప్రకటించారు. ఈ ఏడాది మార్కెట్లోకి ప్రవేశించే నూతన మోడల్ ఈవీ స్కూటర్లు. వీటిలో మీకు సరిపోయేది ఏదో ఆలోచించి మంచి మోడల్​ను కొనుగోలు చేయండి.