'మోదీకి 56అంగుళాల ఛాతీ ఇప్పుడు లేదు- మన్​ కీ బాత్​ కాదు, కామ్​ కీ బాత్​ సంగతేంటి?' - Rahul Gandhi Fires On BJP

Rahul Gandhi Fires On BJP : జమ్ముకశ్మీర్​లో ఎన్నికల ప్రచారం సందర్భంగా ప్రసంగించిన కాంగ్రెస్ అగ్రనేత రాహుల్​ గాంధీ, బీజేపీపై తీవ్ర స్థాయిలో మండిపడ్డారు. ప్రధాని నరేంద్ర మోదీకి గతంలో ఉండే 56 అంగుళాల ఛాతీ ఇప్పుడు లేదని ఎద్దేవా చేశారు. జమ్ముకశ్మీర్​లో బీజేపీ ప్రజల హక్కులను హరించిందని ఆరోపించారు. అంతటా బీజేపీ ద్వేషాన్ని వ్యాపింపజేస్తోందని ఫైర్ అయ్యారు.

Rahul Gandhi Fires On BJP : గతంలో ప్రధాని నరేంద్ర మోదీకి ఉన్న 56 అంగుళాల ఛాతీ ఇప్పుడు లేదని కాంగ్రెస్​ అగ్రనేత రాహుల్ గాంధీ వ్యంగ్యాస్త్రాలు సంధించారు. మన్​కీ బాత్ గురించి మాట్లాడే ప్రధాని, కామ్​ కీ బాత్​(పని) గురించి ఎప్పుడు మాట్లాడతారని ప్రశ్నించారు. 25మంది వ్యాపారవేత్తల కోసం రూ.16లక్షల కోట్లు మాఫీ చేశారని ఆరోపించారు. జమ్ముకశ్మీర్​లో లెఫ్టినెంట్​ గవర్నరే రాజు అని కాంగ్రెస్ అగ్రనేత రాహుల్​ గాంధీ అన్నారు. ఆయన జమ్ముకశ్మీర్ వ్యక్తి కాదని, ఔట్​సైడర్​ అని చెప్పారు. ఇక్కడి ప్రజలు కోరుకునే అభివృద్ధిని ఆయన చేయలేడని, ఇక్కడి పరిస్థితుల గురించి గవర్నర్​కు ఏం తెలియదని అన్నారు. మోదీ ప్రభుత్వం జమ్ముకశ్మీర్​ ప్రజల హక్కులను హరించిందని ధ్వజమెత్తారు. పూంఛ్​ జిల్లాలోని సూరన్​కొటె, శ్రీనగర్​ జిల్లాలోని జైన్​కొటెలో సోమవారం జరిగిన ఎన్నికల సభల్లో రాహుల్ మాట్లాడారు. ఈ సందర్భంగా బీజేపీపై తీవ్ర స్థాయిలో మండిపడ్డారు.

"బీజేపీ, ఆర్​ఎస్​ఎస్​ సభ్యులు జమ్ముకశ్మీర్​, ఇతర రాష్ట్రాల్లో 24/7 ద్వేషాన్ని వ్యాప్తి చేస్తున్నారు. వారు ఎక్కడి వెళ్లినా, సోదరులను ఒకరిపైకి ఒకరిని ఉసిగొల్పుతున్నారు. ఇదీ వారి పని. వారి రాజకీయాలు ద్వేషంపై ఆధారపడి ఉంటాయి. ఒకవైపు ద్వేషాన్ని వ్యాపింపజేసే వ్యక్తులు, మరోవైపు 'మొహబ్బత్ కీ దుకాణాలను తెరిచే వారు ఉన్నారు. గతంలో మోదీకి 56 అంగుళాల ఛాతీ ఉండేది. అది ఇప్పుడు లేదు"
--రాహుల్​ గాంధీ, లోక్​సభలో ప్రతిపక్ష నాయకుడు

'అన్యాయంగా యూటీ చేశారు'
భారత్​లో కేంద్ర పాలిత ప్రాంతాలు(యూటీ) రాష్ట్రాలుగా మారాయని తెలిపారు రాహుల్. మధ్యప్రదేశ్​ నుంచి ఛత్తీస్​గఢ్​, బిహార్​ నుంచి ఝార్ఖండ్​, ఆంధ్రప్రదేశ్​ నుంచి తెలంగాణ ఏర్పాటు అయ్యాయని అన్నారు. అయితే, భారతదేశ చరిత్రలో ఒక రాష్ట్రాన్ని యూటీ చేయడం జరగలేదన్నారు. కానీ మొట్టమొదటి సారి ఓ రాష్ట్ర ప్రజల హక్కులను హరించి యూటీ చేశారని మండిపడ్డారు. జమ్ముకశ్మీర్​ ప్రజలు అన్యాయానికి గురయ్యారని చెప్పారు.

'పార్లమెంట్​ జమ్ముకశ్మీర్​ ప్రజల వాయిస్​ వినిపిస్తా'
పార్లమెంట్​లో జమ్ముకశ్మీర్​ ప్రజల వాణి వినిపిస్తానని, రాష్ట్ర హోదా కోసం కేంద్రంపై ఒత్తిడి తీసుకువస్తామని రాహుల్ అన్నారు. అవసరముంటే, ఆర్డర్​ వేయగానే ప్రత్యక్షమవుతానని అన్నారు. "రాష్ట్ర హోదా పునరుద్ధరించడం ఇక్కడి ప్రజలకు అదిపెద్ద సమస్య. బీజేపీ చేయకున్నా(ఎన్నికల తర్వాత) ఆ పని మేము చేస్తామని గ్యారెంటీ ఇస్తున్నా. దేశవ్యాప్తంగా బీజేపీ హెచ్​ఎమ్​టీ వంటి అనేక కంపెనీలను ముసేసింది. సామాన్యులను పట్టించుకోకుండా, 25మంది వ్యాపారవేత్తలకు, రూ.16లక్షల కోట్లు మాఫీ చేసింది. కానీ పేదలు, రైతులు, కార్మికులు, విద్యార్థులు, మహిళలకు చేయలేదు. తప్పుల తడకగా ఉన్న జీఎస్​టీతో అనేక, చిన్న మధ్యతరగతి పరిశ్రమనలు మూతపడటానికి కారణమైంది. ఫలితంగా ఇక్కడి వారితో సహా యువతకు ఉద్యోగాలు లేకుండా పోయాయి. ఇది నరేంద్ర మోదీ గిఫ్ట్​. ప్రధాని, మన్​కీ బాత్​లో అర్థం లేని సుదీర్ఘ ప్రసంగాలు ఇస్తారు, కానీ ప్రజల సమస్యలు పట్టించుకోరు. కామ్​ కీ బాత్​ మాట్లాడరు. ఇకపై ఎవరూ మోదీ మన్​కీ బాత్​ వినరు." అని రాహుల్ అన్నారు.

'లాల్​ చౌక్​లో​ ఐస్​క్రీం తినడం- మీ హయాంలో సాధ్యమయ్యేదా రాహుల్?'
రాహుల్​, శ్రీనగర్​కు వచ్చినప్పుడల్లా, తన చెల్లెలు, స్నో బాల్స్​తో ఆడుకుంటారని, లాల్​ చౌక్​లో ఐస్​ క్రీం తింటారని, కాంగ్రెస్ ప్రభుత్వ హయాంలో ఇది సాధ్యమయ్యేదా అంటూ కేంద్ర మంత్రి జితేంద్ర సింగ్ ప్రశ్నించారు. వాళ్లు ద్వేషాన్ని వ్యాప్తి చేయడం వల్ల 30ఏళ్లు జమ్ముకశ్మీర్​ ఉగ్రవాద నీడలో ఉందని ఆరోపించారు. ఇప్పుడు ఆ పరిస్థితిని ప్రధాని మోదీ మార్చారని అన్నారు.