- ఝార్ఖండ్లో కొనసాగుతున్న రెండో విడత పోలింగ్
- ఝార్ఖండ్లో 9 గంటల వరకు 12.71 శాతం నమోదు
- సాయంత్రం 5 గంటల వరకు కొనసాగనున్న పోలింగ్
- రెండో విడతలో 38 నియోజకవర్గాల్లో పోలింగ్
- సమస్యాత్మక ప్రాంతాల్లోని 31 పోలింగ్ కేంద్రాల్లో సాయంత్రం 4 వరకు పోలింగ్
- ఈనెల 23న ఝార్ఖండ్లో ఎన్నికల ఫలితాలు
ఝార్ఖండ్లో రెండో దశ పోలింగ్ - ఉదయం 9 గంటల వరకు 12.71 శాతం ఓటింగ్ నమోదు
JHARKHAND ELECTIONS SECOND PHASE (source ETV Bharat)
Published : 4 hours ago
Jharkhand Assembly Elections 2024 Live Updates :ఝార్ఖండ్లో చివరిదైన రెండో విడతకు సంబంధించి 38 నియోజకవర్గాల్లో కొనసాగుతోంది. సాయంత్రం 5 గంటల వరకు ఓటింగ్ జరగనుంది. సమస్యాత్మక ప్రాంతాల్లోని 31 పోలింగ్ కేంద్రాల్లో మాత్రం సాయంత్రం 4 గంటలకే ఓటింగ్ ముగించనున్నారు.
LIVE FEED
నా యువ స్నేహితులను అభినందిస్తున్నా : ప్రధాని మోదీ
"ఈరోజు ఝార్ఖండ్లో చివరి రెండో దశ పోలింగ్. ఈ ప్రజాస్వామ్య పండుగలో ఓటర్లందరూ ఉత్సాహంగా పాల్గొని పోలింగ్లో రికార్డు సృష్టించాలని కోరుతున్నా. తొలిసారిగా ఓటు వేయబోతున్న నా యువ స్నేహితులందరినీ ప్రత్యేకంగా అభినందిస్తున్నా. మీ ప్రతి ఓటు రాష్ట్రానికి బలం" అని ప్రధాని నరేంద్ర మోదీ అన్నారు.
పోలింగ్ స్టార్ట్
ఝార్ఖండ్లో రెండో దశలో 38 శాసనసభ నియోజకవర్గాలకు పోలింగ్ ప్రారంభం అయింది. ఉదయం నుంచే పోలింగ్ కేంద్రాల వద్ద ఓటర్లు బారులు తీరారు.
ఝార్ఖండ్లో మొత్తం 81 శాసనసభ స్థానాలు ఉన్నాయి. వాటిలో తొలి విడతలో ఈనెల 13న 43స్థానాలకు పోలింగ్ జరిగింది. 43 స్థానాలకు 683 మంది అభ్యర్థులు పోటీపడగా 66.18 శాతం పోలింగ్ నమోదైంది. ఝార్ఖండ్లో జేఎంఎం, కాంగ్రెస్, ఆర్జేడీ, సీపీఐ కలిసి మహాఘట్‌బంధన్‌ పేరుతో పోటీ చేస్తున్నాయి. బీజేపీ, ఆల్ ఝార్ఖండ్ స్టూడెంట్ యూనియన్‌, JDU, లోక్‌జన్‌ శక్తి రామ్ విలాస్‌ పార్టీ కలిసి NDA కూటమిగా పోటీ చేస్తున్నాయి. ఝార్ఖండ్, మహారాష్ట్ర ఎన్నికల ఫలితాలు ఈ నెల 23న వెలువడనున్నాయి.