వాషింగ్ మెషీన్​లో బట్టలకు గంజి పెట్టొచ్చని మీకు తెలుసా? - ప్రాసెస్ వెరీ ఈజీ - ఇప్పుడే తెలుసుకోండి! - How To Apply Ganji To Clothes

Ganji In Washing Machine : మీకు బట్టలకు గంజి పెట్టుకునే అలవాటు ఉంది. కానీ, దుస్తులు ఉతకడానికి వాషింగ్ మెషీన్ యూజ్ చేస్తున్నారు. అయితే, అందులో కూడా బట్టలకు గంజి పెట్టొచ్చని మీకు తెలుసా? లేదు.. అంటే మాత్రం ఈ స్టోరీ చదవాల్సిందే.

How To Apply Ganji To Clothes : చాలా మందికి బట్టలకు గంజి పెట్టుకొని వేసుకొనే అలవాటు ఉంటుంది. అందులో ముఖ్యంగా కాటన్ చీరలు, టవల్స్​తో పాటు ఇతర కాటన్ దుస్తులకైతే తప్పనిసరిగా గంజి లేదా స్టార్చ్ యూజ్ చేస్తుంటారు. అలా చేయడం ద్వారా అవి స్టిఫ్​గా, ఫ్రెష్​గా కనిపిస్తాయి. కానీ, ప్రస్తుత రోజుల్లో దాదాపు అందరి ఇళ్లలో బట్టలు ఉతకడానికి వాషింగ్ మెషీన్స్ యూజ్ చేస్తున్నారు. ఈ క్రమంలోనే చాలా మంది వాషింగ్ మెషీన్​లో దుస్తులు వాష్ చేశాక మళ్లీ నీళ్లలో నానబెట్టి బట్టలకు గంజి పెడుతుంటారు. కానీ, అలాకాకుండా వాషింగ్ మెషీన్​లోనే బట్టలకు గంజి లేదా స్టార్చ్ పెట్టుకోవచ్చని మీకు తెలుసా? అది కూడా చాలా సింపుల్. ఇంతకీ, వాషింగ్ మెషీన్​లో దుస్తులకు గంజి ఎలా పెట్టాలి? ఆ ప్రాసెస్ ఏంటో ఈ స్టోరీలో తెలుసుకుందాం.

వాషింగ్ మెషీన్​లో బట్టలకు గంజి ఎలా పెట్టాలంటే?

• ఇందుకోసం మీరు ముందుగా గంజి పెట్టాలనుకుంటున్న దుస్తులను వాషింగ్ కోసం మెషీన్​లో వేసుకోవాలి. ఆపై మీరు డైలీ ఎలా వాష్ చేసుకుంటారో ఆ విధంగా నార్మల్​గా దుస్తులను వాష్ చేసుకోవాలి.
• బట్టలను వాష్ చేసుకోవడం అయిపోయాక.. చివర్లో మళ్లీ ఫైనల్ రిన్స్ సైకిల్ లేదా రిన్స్ సైకిల్ బటన్​ను ప్రెస్ చేయాలి. లేదంటే మాత్రం బట్టలు వాష్ అవుతున్నప్పుడే మధ్యలో ఫైనల్ రిన్స్ సైకిల్ ముందు పాజ్ చేసి అప్పుడే గంజి వేసుకోవచ్చు.
• అయితే, ఇక్కడ గుర్తుంచుకోవాల్సిన విషయమేమిటంటే.. మీరు లిక్విడ్ స్టార్చ్ యూజ్ చేస్తే ముందుగా ఒకసారి బాటిల్‌ను బాగా షేక్ చేసి ఆపై అవసరమైనంత స్టార్చ్​ను వాడుకోవాలి
• అదే ఒకవేళ.. మీరు పౌడర్ రూపంలో స్టార్చ్ యూజ్ చేస్తున్నట్లయితే 1 లేదా 2 చెంచాల స్టార్చ్ పౌడర్‌ను 1 కప్పు నీళ్లలో బాగా కలిసేలా మిక్స్ చేసుకొని ఉపయోగించాలి.
• అలాకాకుండా.. స్టార్చ్ పౌడర్​ను నేరుగా బట్టల్లో వేయకూడదనే విషయాన్ని గుర్తుంచుకోవాలి. ఒక్క పౌడరే కాదు గంజి, స్టార్చ్ లిక్విడ్​ కూడా డైరెక్ట్​గా దుస్తులపై వేయకూడదు.
• మీరు ఏది యూజ్ చేస్తున్నా.. వాషింగ్ మెషీన్​లో డిటర్జెంట్ లేదా ఫ్యాబ్రిక్ సాఫెనర్ కోసం ఉన్న డ్రా లేదా స్పేస్ బాక్స్​లో పోసుకోవాలి.
• ఆ విధంగా పోసుకున్నాక చివరగా మరోసారి ఫైనల్ రిన్స్ సైకిల్ ఆన్ చేసుకోవాలి. అప్పుడు సైకిల్ మొత్తం కంప్లీట్ అయ్యాక బట్టలను తీసి బయట ఆరేసుకోవాలి.
• అయితే, బట్టలను ఆరేసుకునేటప్పుడే ముడతలు లేకుండా దులిపి ఆరబెట్టుకుంటే మంచిది. ఇలా చేయడం ద్వారా ముడతలు ఉంటే పోతాయి.
• ఇక చివరగా.. బట్టలు ఆరిన తర్వాత ఐరన్ చేసుకొని మడత పెట్టుకుంటే చాలు. మీ గంజి పెట్టిన దుస్తులు స్టిఫ్​గా, ఫ్రెష్​గా కనిపిస్తూ తళతళ మెరిసిపోతాయి!

గుర్తుంచుకోవాల్సిన విషయాలు :

• గంజి పెట్టేటప్పుడు బట్టలన్నీ ఒకేసారి కాకుండా.. తెల్లని బట్టలు ఒకసారి, మిగతా వాటిని మరోసారి వేసుకోవడం బెటర్. లేదంటే అన్నీ కలిపి వేస్తే అనవసరంగా కలర్స్ అంటుకుని దుస్తులు పాడైపోతాయంటున్నారు నిపుణులు.
• అలాగే.. సింథటిక్స్, సిల్క్, ఉన్ని దుస్తులు, స్వెట్టర్లు, పాలిస్టర్ దుస్తులు, నైలాన్ బట్టలు వంటి వాటికి వీలైనంత వరకు గంజి పెట్టకపోవడమే మంచిదంటున్నారు. అదేవిధంగా గంజి పెట్టిన దుస్తుల్ని చాలా రోజులు వేసుకోకుండా షెల్ఫుల్లో, బీరువాలో స్టోర్ చేయకూడదు. ఎందుకంటే అవి చిన్న పురుగుల్ని ఆకర్షిస్తాయని, తద్వారా బట్టలు పాడైపోయే ఛాన్స్ ఉంటుందంటున్నారు.