ఎన్నికల వేళ భారీ స్థాయిలో మద్యం పట్టివేత- రూ.98 కోట్ల బీర్లు సీజ్​ - 98crore beer seized in Karnataka

Beer worth 98 crore seized in Karnataka : త్వరలో సార్వత్రిక ఎన్నికల జరగనున్న నేపథ్యంలో రూ.98 కోట్ల విలువైన అక్రమ బీర్ల నిల్వలను పోలీసులు సీజ్​ చేశారు. ఈ ఘటన కర్ణాటకలో జరిగింది.

Beer worth 98 crore seized in Karnataka :లోక్​సభ ఎన్నికల నేపథ్యంలో కర్ణాటకలోని చామరాజనగర్​లో భారీ స్థాయిలో అక్రమ మద్యాన్ని పట్టుకున్నారు అధికారులు. రూ.98 కోట్ల విలువైన బీర్లను అధికారులు సీజ్​​​ చేశారు. మంగళవారం (ఫిబ్రవరి 2) జరిగిన ఈ ఘటన ఆలస్యంగా వెలుగులోకి వచ్చింది. చామరాజనగర్​ లోక్​సభ నియోజకవర్గం ఎన్నికల అధికారి​ సీటీ శిల్పనాగ్​కు గుర్తుతెలియని వ్యక్తి నుంచి కాల్​ వచ్చింది. ఓ ప్రదేశంలో అక్రమంగా మద్యం నిల్వ ఉంచారని సదరు వ్యక్తి సమాచారం అందించాడు. దీంతో అలాంటి అక్రమ మద్యం నిల్వలపై చర్యలు తీసుకోవాలని శిల్పానాగ్ ఎక్సైజ్ డీసీ నాగశయన​ను ఆదేశించారు ఎలక్టోరల్ ఆఫీసర్. ఈ మేరకు మైసూర్ జిల్లా నంజనగూడు మండలం తాండ్యా ఇండస్ట్రియల్ ఏరియాలోని యునైటెడ్ బ్రేవరీస్ లిమిటెడ్ యూనిట్‌పై ఎక్సైజ్ డిప్యూటీ కమిషనర్ బృందం దాడులు జరిపింది. రూ.98.52 కోట్ల విలువైన బీర్లను సీజ్​ చేసింది.

ఈ విషయంపై ఎక్సైజ్​ డిప్యూటీ​ కమిషనర్​ నాగశయన వివరాలు వెల్లడించారు. 'ఎన్నికల అధికారి శిల్పనాగ్​ ఆదేశాల మేరకు బ్రేవరీస్​ యూనిట్​ రికార్డులు, సీసీటీవీలు తనిఖీ చేశాం. మార్చి 30న ఈ యూనిట్​ నుంచి 14 వేల కాటన్​ల బీర్లు 17 లారీల్లో బయటలు వెళ్లినట్లు తెలిసింది. 7వేల కాటన్​ల అక్రమ బీరు నిల్వలు, మరో 5,81,000 కాటన్​ల బీర్లు కూడా సీజ్​ చేశాం. వీటితో పాటు మద్యం తయారీకి ఉపయోగించే ముడిసరకును కూడా సీజ్​ చేసి ఫ్యాక్టరీకి సీల్​ వేశాం. ఇలా అక్రమంగా మద్యం నిల్వ ఉంచడం ఎక్సైజ్​ చట్టానికి విరుద్ధం. దీనికి సంబంధించి కేసు నమోదు చేశాం. 17 మందిపై ఎఫ్​ఐఆర్​ నమోదు చేశాం. తుదుపరి విచారణ కోసం వీరిని అదుపులోకి తీసుకుంటాం. ఇక ఎన్నికల ప్రవర్తనా నియామవళి కింద కూడా కేసు నమోదు చేశాం' అని వివరించారు.

ఇదిలా ఉండగా చమరాజనగర్​ లోక్​సభ నియోజకవర్గంలో ఏప్రిల్​ 2 పోలింగ్​ జరగనుంది. ఇక్కడ బీజేపీ నుంచి ఎస్​ బాలరాజు బరిలోకి దిగారు. కాంగ్రెస్​ తరఫున సునీల్​ బోస్​ పోటీ చేస్తున్నారు. ఈ ఇద్దరు బుధవారం తమ నామినేషన్​ పత్రాలను ఎన్నికల అధికారి శిల్పనాగ్​కు సమర్పించారు.