திருநெல்வேலி:8வது டிஎன்பில் கிரிக்கெட் தொடர் சேலம், மற்றும் கோவையைத் தொடர்ந்து தற்போது திருநெல்வேலியில் நடைபெற்று வருகிறது. லீக் சுற்று போட்டிகள் இறுதிக்கட்டத்தை எட்டியுள்ளதால் டாப் 4 இடத்தை பிடிக்க அணிகள் தீவிரம் காட்டி வருகின்றன.
இந்த தொடரின் 21வது லீக் போட்டியில் ஆண்டனி தாஸ் தலைமையிலான திருச்சி கிராண்ட் சோழாஸ் - பாபா அப்ரஜித் தலைமையிலான சேப்பாக் சூப்பர் கில்லீஸ்ஸை எதிர் கொண்டது. திருநெல்வேலியில் உள்ள இந்தியா சிமெண்ட் கிரிக்கெட் மைதானத்தில் நேற்று நடைபெற்ற இந்த போட்டியில் டாஸ் வென்ற திருச்சி அணி பந்துவீச்சைத் தேர்வு செய்தது.
அதன் படி முதலில் களமிறங்கிய சேப்பாக் அணியின் ஓபனிங் பேட்ஸ்மேன்களாக சந்தோஷ் குமார் - ஜெகதீசன் ஆகியோர் களமிறங்கினர். இருவரும் இணைந்து 105 ரன்கள் பார்ட்னர்ஷிப் அமைத்து அணிக்கு வலுவான தொடக்கத்தை கொடுத்தனர்.
இதில் சந்தேஷ் குமார் 56 ரன்களுக்கும், ஜெகதீசன் 51 ரன்னிலும் ஆட்டமிழந்தனர். கேப்டன் அப்ரஜித் 2 ரன்களுக்கு அவுட் ஆகி ஏமாற்றம் அளித்தார். இதனை தொடர்ந்து களமிறங்கிய பெராரியோ (30 ரன்கள்), பிரதோஷ் ரஞ்சன் பால் (29 ரன்கள்) மற்றும் அபிஷேக் தன்வார் (26 ரன்கள்) ஆகியோர் அதிரடியாக விளையாட 20 ஓவர்கள் முடிவில் 4 விக்கெட்டுகள் இழப்பிற்கு 198 ரன்களை குவித்தது சேப்பாக் சூப்பர் கில்லீஸ்.