மும்பை:அஜித் அகர்கர் தலைமையிலான தேர்வு குழு தற்போது இந்திய அணிக்கு வீரர்களை தேர்வு செய்து வருகிறது. இந்நிலையில், அந்த தேர்வு குழுவின் புதிய உறுப்பினராக முன்னாள் விக்கெட் கீப்பர் அஜெய் ராத்ரா நியமிக்கப்பட்டுள்ளார். இது தொடர்பான அதிகாரப்பூர்வ அறிவிப்பை இந்திய கிரிக்கெட் வாரியம் பிசிசிஐ வெளியிட்டுள்ளது.
தேர்வு குழு உறுப்பினர் சலில் அன்கோலாவின் பதவிக் காலம் நிறைவு பெறுவதை அடுத்து புதிய தேர்வு குழு உறுப்பினராக அஜெய் ராத்ரா நியமிக்கப்பட்டுள்ளார். இது தொடர்பாக பிசிசிஐ வெளியிட்டுள்ள அறிக்கையில், அஜித் அகர்கர் தலைமையிலான இந்திய தேர்வு குழு உறுப்பினர்கள் அணியில் முன்னாள் விக்கெட் கீப்பர் அஜெய் ராத்ரா நியமிக்கப்பட்டுள்ளார் எனத் தெரிவிக்கப்பட்டுள்ளது.