மத்திய பட்ஜெட் 2024 - 2025: பட்ஜெட்டில் நிதி பற்றாக்குறை எவ்வளவு?

Union Budget 2024-25: பட்ஜெட் தரவுகளின் படி அரசின் மொத்த செலவீனமான ரூ.41.87 லட்சம் கோடியில் ரூ.17.55 லட்சம் கோடி நிதி பற்றாக்குறை, கடன் அளவு இருக்கும் என திருத்தப்பட்ட மதிப்பீடுகள் தெரிவிக்கின்றன.

டெல்லி:நாடாளுமன்றத் தேர்தல் நெருங்கும் நிலையில் தேர்தலுக்கு முந்தைய கால கட்டத்திற்கான அரசின் செலவீனங்களுக்கான இடைக்கால பட்ஜெட்டை மத்திய நிதி அமைச்சர் நிர்மலா சீதாராமன் பிப்ரவரி 1ஆம் தேதி தாக்கல் செய்ய உள்ளார். தேர்தலை எதிர்நோக்கி பட்ஜெட்டில் முக்கியமான சலுகைகள் இடம்பெறலாம் என்பதால் பட்ஜெட் மீதான எதிர்பார்ப்பு அனைத்து தரப்பினர் மத்தியிலும் காணப்படுகிறது.

ஒரு நாட்டின் பொருளாதார நிலை நல்ல நிலையில் இருப்பது நிதி உபரி ஆக இருக்கும் போது தெரிய வருகிறது. அதுவே நிதி பற்றாக்குறை ஏற்படும் போது அந்த நாட்டின் நிதி நிலை தெரிய வருகிறது. நிதி பற்றாக்குறை அதிகமாகும் போது நாட்டின் நிதிநிலை மோசமான கட்டத்தில் இருப்பது தெரிய வருகிறது.

2021 - 2022ஆம் நிதியாண்டில் பட்ஜெட் தரவுகளின் படி மத்திய அரசின் மொத்த செலவுகள் ரூ.37.94 லட்சம் கோடி. அந்த ஆண்டு மொத்த செலவீனத்திற்கும் வருவாய்க்கும் இடையிலான பற்றாக்குறையை சமாளிப்பதற்காக ரூ.15.84 லட்சம் கோடிக்கு மேல் கடன் வாங்கப்பட்டிருந்தது. அரசின் செலவீனத்தில் 42 சதவீதம் கடன் மூலம் நிவர்த்தி செய்யப்பட்டிருந்தது. இது நாட்டின் மொத்த உற்பத்தியில் (GDP) 6.7 சதவீதம் ஆகும்.

இதே போல் கடந்த 2022 - 2023 நிதியாண்டு பட்ஜெட்டில் செலவும் மற்றும் வரவுக்கான பற்றாக்குறை மொத்த உற்பத்தியில் 6 சதவீதத்திற்கு மேல் இருந்தது. திருத்தப்பட்ட பட்ஜெட்டின் படி அரசின் மொத்த செலவீனம் ரூ.41.87 லட்சம் கோடி. நிதி பற்றாக்குறை அல்லது கடன் அளவு ரூ.17.55 லட்சம் கோடி இருக்கும் என கூறப்பட்டு உள்ளது.

அதாவது கடந்த நிதி ஆண்டிற்கான மொத்த செலவீனத்தில் 42 சதவீதத்தை கடனாக பெற வேண்டும் என பட்ஜெட் தரவு காட்டுகிறது. ஆனால் நிதி அமைச்சர் நிர்மலா சீதாராமனின் தரவுகளின் படி நடப்பு நிதியாண்டிற்கான நிதி பற்றாக்குறை மொத்த் உற்பத்தியில் 6 சதவீதத்திற்கும் குறைவாக இருக்கும் என எதிர்பார்க்கப்படுகிறது.

பட்ஜெட் தரவுகளின் படி, கடந்த பிப்ரவரியில் தாக்கல் செய்யப்படு இந்த ஆண்டு மார்ச் 31ஆம் தேதி உடன் நிதிஆண்டில் நிதி பற்றாக்குறை ரூ.17.87 லட்சம் கோடியாக உயரும் என எதிர்பார்க்கப்படுகிறது. இது மொத்த உற்பத்தியில் 5.9 சதவீதமாக இருக்கும் எனவும், அரசின் மொத்த செலவீனம் ரூ.45 லட்சம் கோடிக்கும் அதிகமாக இருக்கும் எனவும் எதிர்பார்கப்படுகிறது.