போலி பாஸ்போர்ட்டுடன் இந்தியாவில் உலாவிய நான்கு வெளிநாட்டினர் பெங்களூருவில் கைது! - 4 foreign nationals arrested

கர்நாடக உள்துறை அமைச்சர் ஜி.பரமேஸ்வரா கூறுகையில், "எனக்குக் கிடைத்த தகவலின்படி, கடந்த 10 ஆண்டுகளாக இவர்கள் இந்தியாவில் இருக்கிறார்கள். ஓராண்டுக்கு முன் பெங்களூரு வந்தனர். இவர்கள் 10 ஆண்டுகளாக இங்கு இருந்தும், புலனாய்வு அமைப்புக்கு ஏன் தகவல் கிடைக்கவில்லை? இவர்கள் எதற்காக இங்கு வந்தார்கள் என்பது குறித்து போலீசார் விசாரணையை தொடங்கியுள்ளனர்" என தெரிவித்துள்ளார்.

பெங்களூரு: பெங்களூரு புறநகரான ஜிகானி பகுதியில் போலி பாஸ்போர்ட்டுடன் சட்டவிரோதமாக இந்தியாவில் தங்கியிருந்த வெளிநாட்டினர் 4 பேரை பெங்களூரு போலீசார் கைது செய்தனர்.

கர்நாடக உள்துறை அமைச்சர் ஜி.பரமேஸ்வராவின் கூற்றுப்படி, பிடிபட்ட வெளிநாட்டினர் கடந்த 10 ஆண்டுகளாக இந்தியாவில் சட்டவிரோதமாக வசித்து வருகின்றனர். இவர்கள் ஓராண்டுக்கு முன்பு பெங்களூரு வந்துள்ளனர். இவர்களைப் பற்றிய எந்தத் தகவலும் கிடைக்காததற்கு உளவுத்துறையிடம், அமைச்சர் பரமேஸ்வரா கேள்வி எழுப்பினார். மேலும், பிடிபட்டவர்களிடம் போலி இந்திய கடவுச்சீட்டுகள் இருப்பதாகவும் அவர் கூறினார்.

இது தொடர்பாக அமைச்சர் ஜி.பரமேஸ்வரா மேலும் கூறுகையில், "எனக்குக் கிடைத்த தகவலின்படி, கடந்த 10 ஆண்டுகளாக அவர்கள் இந்தியாவில் இருக்கிறார்கள். ஓராண்டுக்கு முன் பெங்களூரு வந்தனர். 10 வருடங்களாக அவர்கள் தங்கியிருப்பது பற்றிய உறுதியான தகவல் எனக்குத் தெரியாது.

இதையும் படிங்க:திருப்பதி லட்டு விவகாரம்: "ஆதாரம் எங்கே? கடவுள் விஷயத்தில் அரசியல் வேண்டாம்" - ஆந்திர அரசை சாடிய உச்ச நீதிமன்றம்

அவர்கள் 10 ஆண்டுகளாக இங்கு இருந்தும், புலனாய்வு அமைப்புக்கு ஏன் தகவல் கிடைக்கவில்லை? அவர்கள் போலி பாஸ்போர்ட் தயாரிப்பில் ஈடுபட்டுள்ளனர். இதுபற்றி முழுமையாக ஆய்வு செய்யப்படும். அவர்கள் எதற்காக இங்கு வந்தார்கள் என்பது குறித்து போலீசார் விசாரணையை தொடங்கியுள்ளனர்" என்றார்.

பெங்களூரு புறநகர் எஸ்பி- சி.கே.பாபா கூறுகையில், "இந்த விவகாரம் தொடர்பாக வழக்குப்பதிவு செய்யப்பட்டு, விசாரணை நடைபெற்று வருகிறது. அவர்கள் போலி பாஸ்போர்ட் வைத்திருந்தனர். அனைத்து விவரங்களையும் நாங்கள் சரிபார்த்து வருகிறோம்" என்றார்.

ஈடிவி பாரத் தமிழ் வாட்ஸ்ஆப் சேனலில் இணையஇங்கே க்ளிக் செய்யவும்