ਚਿਹਰੇ 'ਤੇ ਜ਼ਿਆਦਾ ਪਸੀਨਾ ਆਉਦਾ ਹੈ, ਤਾਂ ਇਨ੍ਹਾਂ ਤਰੀਕਿਆਂ ਨਾਲ ਇਸ ਸਮੱਸਿਆ ਨੂੰ ਕਰੋ ਘੱਟ - Health Tips

Health Tips: ਪਸੀਨਾ ਆਉਣਾ ਇੱਕ ਕੁਦਰਤੀ ਪ੍ਰੋਸੈਸ ਹੁੰਦਾ ਹੈ, ਜੋ ਸਰੀਰ 'ਚੋ ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕੱਢਣ ਦਾ ਕੰਮ ਕਰਦਾ ਹੈ। ਇਸਦੇ ਨਾਲ ਹੀ, ਚਿਹਰੇ 'ਤੇ ਜ਼ਿਆਦਾ ਪਸੀਨਾ ਆਉਣ ਪਿੱਛੇ ਹੋਰ ਵੀ ਕਈ ਕਾਰਨ ਹੋ ਸਕਦੇ ਹਨ।

ਹੈਦਰਾਬਾਦ: ਗਰਮੀਆਂ ਦੇ ਮੌਸਮ ਆਉਣ ਵਾਲੇ ਹਨ। ਇਸ ਮੌਸਮ 'ਚ ਚਮੜੀ ਆਪਣੇ ਆਪ ਬਦਲਣ ਲੱਗਦੀ ਹੈ ਅਤੇ ਕਈ ਲੋਕਾਂ ਨੂੰ ਖੁਸ਼ਕੀ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਪਸੀਨਾ ਇੱਕ ਕੁਦਰਤੀ ਪ੍ਰੋਸੈਸ ਹੈ, ਜੋ ਸਰੀਰ 'ਚੋ ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕੱਢਣ ਦਾ ਕੰਮ ਕਰਦਾ ਹੈ। ਹਾਲਾਂਕਿ, ਕੁਝ ਲੋਕਾਂ ਨੂੰ ਜ਼ਿਆਦਾ ਪਸੀਨਾ ਆਉਦਾ ਹੈ, ਜਿਸ ਨਾਲ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਪਸੀਨਾ ਸਰੀਰ ਦੇ ਕਿਸੇ ਵੀ ਹਿੱਸੇ 'ਚ ਹੋ ਸਕਦਾ ਹੈ, ਪਰ ਜੇਕਰ ਚਿਹਰੇ 'ਤੇ ਪਸੀਨਾ ਆਵੇ, ਤਾਂ ਕਾਫ਼ੀ ਪਰੇਸ਼ਾਨੀ ਹੋ ਜਾਂਦੀ ਹੈ। ਚਿਹਰੇ 'ਤੇ ਜ਼ਿਆਦਾ ਪਸੀਨਾ ਆਉਣ ਪਿੱਛੇ ਕਈ ਕਾਰਨ ਜ਼ਿੰਮੇਵਾਰ ਹੋ ਸਕਦੇ ਹਨ। ਇਸ ਸਮੱਸਿਆ ਤੋਂ ਤੁਸੀਂ ਕਈ ਤਰੀਕਿਆਂ ਨਾਲ ਛੁਟਕਾਰਾ ਪਾ ਸਕਦੇ ਹੋ।

ਚਿਹਰੇ 'ਤੇ ਪਸੀਨਾ ਆਉਣ ਦੇ ਕਾਰਨ: ਜ਼ਿਆਦਾ ਪਸੀਨਾ ਆਉਣ ਦੀ ਸਮੱਸਿਆ ਪਿੱਛੇ ਸ਼ੂਗਰ, ਇੰਨਫੈਕਸ਼ਨ, ਮੋਟਾਪਾ, ਘੱਟ ਬਲੱਡ ਸ਼ੂਗਰ, ਮੇਨੋਪੌਜ਼, ਗਾਊਟ, ਟਿਊਮਰ, ਥਾਇਰਾਇਡ, ਪਾਰਕਿੰਸਨ'ਸ ਦੀ ਬਿਮਾਰੀ ਆਦਿ ਕਾਰਨ ਜ਼ਿੰਮੇਵਾਰ ਹੋ ਸਕਦੇ ਹਨ।

ਚਿਹਰੇ 'ਤੇ ਆ ਰਹੇ ਪਸੀਨੇ ਤੋਂ ਛੁਟਕਾਰਾ ਪਾਉਣ ਦੇ ਤਰੀਕੇ:

1. ਪਸੀਨੇ ਤੋਂ ਛੁਟਕਾਰਾ ਪਾਉਣ ਲਈ ਗਰਮ ਜਗ੍ਹਾਂ 'ਤੇ ਜਾਣ ਤੋਂ ਬਚੋ।
2. ਬਾਹਰ ਜਾਂਦੇ ਸਮੇਂ ਸਨਸਕ੍ਰੀਨ ਦਾ ਇਸਤੇਮਾਲ ਕਰੋ।
3. ਸਵੀਟ ਬੈਂਡ ਪਹਿਨਣ ਨਾਲ ਚਿਹਰੇ 'ਤੇ ਪਸੀਨੇ ਦੀ ਸਮੱਸਿਆ ਨੂੰ ਰੋਕਿਆ ਜਾ ਸਕਦਾ ਹੈ।
4. ਗਰਮੀਆਂ ਦੇ ਮੌਸਮ 'ਚ ਤੁਸੀਂ ਆਪਣੇ ਨਾਲ ਫੇਸ ਕੂਲਰ ਜਾਂ ਛੋਟਾ ਪੱਖਾਂ ਰੱਖ ਸਕਦੇ ਹੋ।
5. ਜ਼ਿਆਦਾ ਤੋਂ ਜ਼ਿਆਦਾ ਪਾਣੀ ਪੀਓ।
6. ਆਪਣੇ ਵਾਲਾਂ ਨੂੰ ਚਿਹਰੇ ਅਤੇ ਗਰਦਨ ਤੋਂ ਉੱਪਰ ਜੂੜਾ ਬਣਾ ਕੇ ਰੱਖੋ।
7. ਹਮੇਸ਼ਾ ਅਜਿਹੇ ਕੱਪੜੇ ਪਾਓ, ਜਿਸ ਰਾਹੀ ਸਾਹ ਲੈਣਾ ਆਸਾਨ ਹੋਵੇ।
8. ਬਾਹਰ ਜਾਂਦੇ ਸਮੇਂ ਪਾਊਡਰ ਦਾ ਇਸਤੇਮਾਲ ਕਰੋ।
9. ਹਮੇਸ਼ਾ ਆਪਣੇ ਨਾਲ ਸਾਫ਼ ਤੋਲੀਆਂ ਰੱਖੋ। ਅਜਿਹਾ ਕਰਕੇ ਤੁਸੀਂ ਆਸਾਨੀ ਨਾਲ ਪਸੀਨੇ ਨੂੰ ਸਾਫ਼ ਕਰ ਸਕਦੇ ਹੋ।