ବନ୍ଦ ଘରୁ ମିଳିଲା ବାପା-ଝିଅଙ୍କ ମୃତଦେହ, ତାଲା ଭାଙ୍ଗି ଘରେ ପଶିଲା ପୋଲିସ

ନୟାଗଡ଼: ବାପା-ଝିଅଙ୍କ ମୃତଦେହ ଉଦ୍ଧାର । ଝିଅକୁ କୌଣସି ବିଷାକ୍ତ ଦ୍ରବ୍ୟ ଦେଇ ବାପା ନିଜେ ଜୀବନ ହାରିଥିବା ଅନୁମାନ କରୁଛି ପୋଲିସ । ଏଭଳି ଏକ ଘଟଣା ଘଟିଛି ନୟାଗଡ଼ ସହର ଦେବୋତ୍ତର ଲାଇନ୍ 4ରେ । ତେବେ ମୃତକ ଦୁଇ ଜଣ ହେଲେ ବାପା ପୁଲକ ବିଶ୍ୱାଳ ଓ ତାଙ୍କ ୫ ବର୍ଷର ଝିଅ ପଲକ୍ । ସୂଚନାଯୋଗ୍ୟ, ପ୍ରଥମ ପତ୍ନୀଙ୍କ ମୃତ୍ୟୁ ପରେ ପୁଲକ ଗତ 3 ମାସ ପୂର୍ବରୁ ଦ୍ୱିତୀୟ ବିବାହ କରିଥିଲେ । ଗତ ସୋମବାର ଦିନ ପତ୍ନୀ ନିଜ ବାପ ଘରକୁ ଯାଇଥିଲେ । ବାପ ଘରେ ୨ ଦିନ ରହି ସ୍ୱାମୀଙ୍କ ପାଖକୁ ଆସିବା ପରେ ଘର ଭିତରୁ କବାଟ ବନ୍ଦ ଥିଲା l ଭିତରୁ ତାଲା ପଡ଼ିଥିବା ଦେଖି ବହୁ ସମୟ ପର୍ଯ୍ୟନ୍ତ କବାଟ ବାଡେଇଥିଲେ । ପରେ ସନ୍ଦେହ ହେବାରୁ ପୋଲିସକୁ ଖବର ଦେଇଥିଲେ ପତ୍ନୀ ।