ହାଇଦ୍ରାବାଦ: ଆମ ଦେଶରେ ରାଜନୀତି ଏବଂ ମନୋରଞ୍ଜନ ଶିଳ୍ପ ମଧ୍ୟରେ ବହୁତ ପୁରୁଣା ସମ୍ପର୍କ ଅଛି । ଅନେକ କଳାକାର ଅଛନ୍ତି ଯେଉଁମାନେ ଦ୍ୱିତୀୟ କ୍ୟାରିୟର ଭାବରେ ରାଜନୀତି ଆରମ୍ଭ କରିଥିଲେ ଏବଂ ସଫଳ ହୋଇଥିଲେ । ଏପରି ଅନେକ ତାରକା ଅଛନ୍ତି ଯେଉଁମାନେ ରାଜନୀତିରେ ଏଣ୍ଟ୍ରି କରିଥିଲେ ହେଁ ସଫଳ ହୋଇପାରିନାହାନ୍ତି ଏବଂ ପୁଣି ବଲିଉଡକୁ ଫେରିଥିଲେ । ତେବେ ଏହି ଆର୍ଟିକିଲରେ ଚାଲନ୍ତୁ ଜାଣିବା, କେଉଁ କେଉଁ ତାରକା ରାଜନୀତିରେ ସାମିଲ ହୋଇଛନ୍ତି ଏବଂ କାହାର ଚମକିଛି ଭାଗ୍ୟ ?
ରାଜନୀତିରେ ମିଶିବା ପରେ ଅଭିନୟ ଛାଡ଼ିଛନ୍ତି ଏହି ତାରକା
ଥାଲାପତି ବିଜୟ
ସାଉଥ ସୁପରଷ୍ଟାର ଥାଲାପତି ବିଜୟ ଅନେକ ହିଟ୍ ଫିଲ୍ମ ଦେବା ସହ ଲୋକପ୍ରିୟ ତାରକା ହୋଇପାରିଛନ୍ତି । କିନ୍ତୁ ବର୍ତ୍ତମାନ ଏହି ତାରକା ନିଜର ତୀୟ କ୍ୟାରିୟର ଭାବରେ ରାଜନୀତିକୁ ବାଛିଛନ୍ତି । ଚଳିତ ବର୍ଷ ଅଭିନେତା ରାଜନୀତିରେ ଏଣ୍ଟ୍ରି ମାରିଛନ୍ତି । ଚଳିତ ବର୍ଷ ସେ ରାଜନୀତିରେ ସାମିଲ ହେବା ସହ ନିଜ ଦଳର ନାଁ 'ତାମିଲାଗା ଭେଟ୍ରି କାଝାଗାମ' (ଟିଭିକେ) ମଧ୍ୟ ଘୋଷଣା କରିଥିଲେ । ଏଥିସହ ସେ ନିକଟରେ ନିଜ ଶେଷ ଫିଲ୍ମ ଅନଟାଇଟଲ୍ଡ ଫିଲ୍ମ 'ଥାଲାପତି 69' ମଧ୍ୟ ଘୋଷଣା କରିଥିଲେ । ଏହି ଫିଲ୍ମ ପରେ କୁହାଯାଉଛି ଯେ, ଥାଲାପତି ବିଜୟ ନିଜ ଆକ୍ଟିଂ କ୍ୟାରିଅର ଛାଡ଼ି ରାଜନୀତି କରିବେ । ବର୍ତ୍ତମାନ ବିଜୟ ତାମିଲନାଡୁ ବିଧାନସଭା ନିର୍ବାଚନ 2026 ପାଇଁ ପ୍ରସ୍ତୁତ ହେଉଥିବା କୁହାଯାଉଛି । ବିଜୟ ରାଜନୀତିରେ କେତେ ସଫଳ ହେବେ ବିଧାନସଭା ନିର୍ବାଚନରୁ ଜଣାପଡିବ । ଏଥି ସହିତ ବିଜୟ ଏକମାତ୍ର ଷ୍ଟାର ନୁହଁନ୍ତି ଯିଏ ଫିଲ୍ମ ଇଣ୍ଡଷ୍ଟ୍ରି ଛାଡ଼ି ରାଜନୀତିରେ ଯୋଗ ଦେଇଛନ୍ତି ।
NT ରାମା ରାଓ
NTR ଭାବରେ ଜଣାଶୁଣା ନନ୍ଦାମୁରୀ ତାରକା ରାମା ରାଓ (ଜୁନିଅର ଏନଟିଆରଙ୍କ ଜେଜେବାପା) ପ୍ରଥମେ ତାଙ୍କର ଅଭିନୟରେ କ୍ୟାରିଅର ଆରମ୍ଭ କରିଥିଲେ ଏବଂ କୃଷ୍ଣ ଏବଂ ରାମ ପରି ହିନ୍ଦୁ ଦେବତାମାନଙ୍କୁ ଚିତ୍ରଣ କରି ଖ୍ୟାତି ଅର୍ଜନ କରିଥିଲେ । ଏହା ପରେ ସେ 1982 ରେ ତେଲୁଗୁ ଦେଶମ ପାର୍ଟି (ଟିଡିପି) ପ୍ରତିଷ୍ଠା କରି ରାଜନୀତିରେ ପ୍ରବେଶ କରିଥିଲେ । ସେ ତିନିଥର ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଥିଲେ । ତାଙ୍କର ଅବଦାନ ହେତୁ ତାଙ୍କୁ 1968 ମସିହାରେ ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଥିଲା ।
ଜୟଲଳିତା
ତାମିଲନାଡୁର ସ୍ୱର୍ଗତ ମୁଖ୍ୟମନ୍ତ୍ରୀ ଜୟଲଳିତା ମଧ୍ୟ 1961 ରୁ 1980 ମଧ୍ୟରେ 140 ଚଳଚ୍ଚିତ୍ର ସହିତ ଇଣ୍ଡଷ୍ଟ୍ରିରେ ଜଣେ ସଫଳ ଅଭିନେତ୍ରୀ ଭାବରେ ପ୍ରତିଷ୍ଠିତ ହେବା ପରେ ରାଜନୀତିରେ ପରିଣତ ହୋଇଥିଲେ । ଅଭିନେତ୍ରୀ ଭାବରେ ତାଙ୍କର ଅଭିନୟ ଏବଂ ଡ୍ୟାନ୍ସ ପାଇଁ ତାଙ୍କୁ ପ୍ରଶଂସା କରାଯାଇଥିଲା । 1982 ମସିହାରେ, ଜୟଲଳିତା AIADMK ରେ ଯୋଗ ଦେଇଥିଲେ, ଯାହାକି M.G ରାମଚନ୍ଦ୍ରନଙ୍କ ଦ୍ୱାରା ପ୍ରତିଷ୍ଠିତ ହୋଇଥିଲା, ଯିଏକି ତାଙ୍କର ସହ-ଷ୍ଟାର ମଧ୍ୟ ଥିଲେ । 1991 ରେ, ସେ ତାମିଲନାଡୁର ମୁଖ୍ୟମନ୍ତ୍ରୀ ହୋଇଥିଲେ ଏବଂ ଏହି ପଦବୀ ହାସଲ କରିଥିବା ସବୁଠାରୁ କନିଷ୍ଠ ବ୍ୟକ୍ତି ଥିଲେ ସେ । 75 ଦିନ ହସ୍ପିଟାଲରେ ଭର୍ତ୍ତି ହେବା ପରେ ଜୟଲଳିତାଙ୍କର ଡିସେମ୍ବର 5, 2016 ରେ ହୃଦଘାତରେ ମୃତ୍ୟୁ ହୋଇଥିଲା ।
ବିଜୟକାନ୍ତ
ବିଜୟକାନ୍ତ ଜଣେ ଅଭିନେତା ତଥା ନେତା ହୋଇଥିଲେ । ସେ ଅଭିନୟ ପରେ 2011ରେ ରାଜନୀତିରେ ଏଣ୍ଟ୍ରି କରିଥିଲେ । ଏହା ପରେ ସେ 2016 ପର୍ଯ୍ୟନ୍ତ ତାମିଲନାଡୁ ବିଧାନସଭାରେ ବିରୋଧୀ ଦଳର ନେତା ଭାବରେ କାର୍ଯ୍ୟ କରିଥିଲେ । 2005 ରେ, ଦେଶିଆ ମୁର୍ପୋକ୍କୁ ଦ୍ରାବିଡ କାଜଗାମର ପ୍ରତିଷ୍ଠାତା ହୋଇଥିଲେ । 2016 ରେ ଏକ ନିର୍ବାଚନ ଭାଷଣ ସମୟରେ ସେ ସମାଲୋଚନାର ସମ୍ମୁଖୀନ ହୋଇଥିଲେ । କରୋନାରେ ପୀଡିତ ହୋଇ ସେ ଡିସେମ୍ୱର 28, 2023ରେ ଆଖି ବୁଜିଥିଲେ ।
ଜୟା ପ୍ରଦା
ବଲିଉଡ ଏବଂ ସାଉଥ ସିନେମାର ଅନେକ ହିଟ୍ ଫିଲ୍ମରେ କାମ କରିଥିବା ସୁନ୍ଦର ଅଭିନେତ୍ରୀ ଜୟା ପ୍ରଦା ଏବେ ଫିଲ୍ମ ଇଣ୍ଡଷ୍ଟ୍ରି ଛାଡିଛନ୍ତି । 1986 ରେ ରାଜ୍ୟସଭା ସାଂସଦ ହେବା ପରଠାରୁ ତାଙ୍କୁ ଫିଲ୍ମରେ ଦେଖିବାକୁ ମିଳି ନଥିଲା । ଏଥିସହ 2004 ମସିହାରେ ସେ ତେଲୁଗୁ ଦେଶମ ପାର୍ଟି ପାଇଁ ଲୋକସଭା ନିର୍ବାଚନରେ ମଧ୍ୟ ଜିତିଥିଲେ । 2004 ରୁ 2010 ପରେ ସେ ସମାଜବାଦୀ ପାର୍ଟିର ଅଂଶ ଏବଂ 2014 ରୁ 2019 ପର୍ଯ୍ୟନ୍ତ ରାଷ୍ଟ୍ରୀୟ ଲୋକ ଦଳ ପାର୍ଟିର ଅଂଶ ହୋଇଥିଲେ । ଏବେ ସେ ବିଜେପିରେ ଯୋଗ ଦେଇଛନ୍ତି ।
ସୁନୀଲ ଦତ୍ତ
ବଲିଉଡ ଅଭିନେତା ସଞ୍ଜୟ ଦତ୍ତଙ୍କ ବାପା ସୁନୀଲ ଦତ୍ତ 9 ବର୍ଷ ଧରି ଫିଲ୍ମ ଇଣ୍ଡଷ୍ଟ୍ରିରେ କାମ କରି ଅନେକ ହିଟ୍ ଫିଲ୍ମ ଦେଇ ଲୋକଙ୍କ ମନ ଜିତିଥିଲେ । ପରେ ସେ ରାଜନୀତିରେ ପ୍ରବେଶ କରିଥିଲେ । 2004 ମସିହାରେ ସେ କଂଗ୍ରେସ ସରକାରରେ କ୍ୟାବିନେଟ ମନ୍ତ୍ରୀ ଥିଲେ । ପରେ 25 ମେ 2005 ରେ 75 ବର୍ଷ ବୟସରେ ତାଙ୍କର ହୃଦଘାତରେ ମୃତ୍ୟୁ ହୋଇଥିଲା ।
ସ୍ମୃତି ଇରାନୀ
ଟିଭିର ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତ୍ରୀ ସ୍ମୃତି ଇରାନୀ ରାଜନୀତିରେ ଯୋଗଦେବା ପରେ 2009 ରେ ଆକ୍ଟିଂ କ୍ୟାରିଅର ଛାଡିଥିଲେ । ଯେପରି 'କ୍ୟୁକି ଶାଶ ଭି କଭି ବୋହୂ ଥି' ସିରିଏଲରେ ଦମଦାର ଅଭିନୟ କରି ସେ ସାରା ଦେଶରେ ବେଶ ଲୋକପ୍ରିୟତା ହାସଲ କରିଥିଲେ । ସେପରି ସେ ବିଜେପି ସରକାରରେ ସାଂସଦ ଏବଂ କ୍ୟାବିନେଟ ମନ୍ତ୍ରୀ ରହିସାରିଛନ୍ତି ।
ଏହା ମଧ୍ୟ ପଢନ୍ତୁ: କିଏ ଫ୍ୟାକ୍ଟ୍ରିରେ କାମ କରୁଥିଲା ତ କିଏ ଥିଲା ଟ୍ରାଭେଲ ଏଜେଣ୍ଟ, ଆଜି କୋଟି କୋଟି ଟଙ୍କାର ମାଲିକ ସହ ସାଜିଛନ୍ତି ସୁପରଷ୍ଟାର, ଜାଣନ୍ତୁ ସେମାନେ କିଏ ?
ରାଜନୀତିରେ ଫେଲ୍ ଏହି ତାରକା
ସେପଟେ ଅନେକ ବଲିଉଡ ଏବଂ ସାଉଥ ତାରକା ଅଛନ୍ତି ଯେଉଁମାନେ ରାଜନୀତିରେ ନିଜକୁ ପ୍ରତିଷ୍ଠିତ କରିପାରିନାହାନ୍ତି । ଏହି ତାଲିକାରେ ଅମିତାଭ ବଚ୍ଚନ, ବିନୋଦ ଖନ୍ନା, ଚିରଞ୍ଜୀବୀ, ଗୋବିନ୍ଦା, କମଲ ହାସନ, ମିମି ଚକ୍ରବର୍ତ୍ତୀ, ଉର୍ମିଲା ମାତେଣ୍ଡକର, ବିଶାଲ ଦଦଲାନି, ବିଗ୍ ବସ୍ ପ୍ରତିଯୋଗୀ ଅର୍ଶୀ ଖାନ୍ ଭଳି ତାରକା ଅଛନ୍ତି । କହିରଖୁଛୁ କି, ଗୋବିନ୍ଦା ପୁଣି ଥରେ ଦଳର ସଦସ୍ୟ ଭାବରେ ରାଜନୀତିରେ ଯୋଗ ଦେଇଛନ୍ତି । ଅନ୍ୟ ତାରକା ମାନେ ରାଜନୀତିରେ ଫେଲ୍ ହେବା ପରେ ପୁଣି ନିଜ ଅଭିନୟ କ୍ୟାରିଅର ଜାରି ରଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
