ହାଇଦ୍ରାବାଦ: ଅଭିନେତା ଅର୍ଜୁନ କପୁର ଆଜିକାଲି ତାଙ୍କର ଆଗାମୀ ଫିଲ୍ମ 'ସିଙ୍ଘମ ଏଗେନ' ପାଇଁ ଶିରୋନାମାରେ ରହିଛନ୍ତି । ଫିଲ୍ମ ରିଲିଜକୁ ଆଉ ମାତ୍ର ଦୁଇ ଦିନ ବାକି ଥିବା ବେଳେ ଫିଲ୍ମର ପୁରା ଟିମ୍ ଜୋରଦାର ପ୍ରମୋସନରେ ବ୍ୟସ୍ତ ଅଛନ୍ତି । ନିକଟରେ ଦୀପୋତ୍ସବ ଉତ୍ସବରେ 'ସିଙ୍ଘମ ଏଗେନ' ତାରକା କାଷ୍ଟ ଅଂଶଗ୍ରହଣ କରିଥିଲେ । ଏହି ସମୟରେ ଅର୍ଜୁନ କପୁରଙ୍କୁ ମଧ୍ୟ ଦେଖିବାକୁ ମିଳିଥିବା ବେଳେ ମଲାଇକା ଆରୋରାଙ୍କ ସହ ତାଙ୍କର ବ୍ରେକଅପ୍ ନିଶ୍ଚିତ କରିଥିଲେ ।
Crowd: Malaika Kashi aahe?
— $@M (@SAMTHEBESTEST_) October 28, 2024
Arjun: I am single now 😂 #ArjunKapoor confirms his breakup with #MalaikaArora
Chants #JaiMaharashtra at #Deepotsav2024 #SinghamAgain pic.twitter.com/Smcgu6Hy9I
ମଲାଇକାଙ୍କ ସହ ବ୍ରେକଅପ୍ କନଫର୍ମ କଲେ ଅର୍ଜୁନ କପୁର
ଦୀପୋତ୍ସଭ ଉତ୍ସବରେ ଅର୍ଜୁନ କପୁର, ଅଜୟ ଦେବଗାନ, ଟାଇଗର ଶ୍ରଫ, ନିର୍ଦ୍ଦେଶକ ରୋହିତ ଶେଟ୍ଟୀ ସାମିଲ ଥିଲେ । ଏହି ସମୟରେ ଅର୍ଜୁନ କପୁର ନିଜ ଭାଷଣରେ କହିଥିଲେ 'ବର୍ତ୍ତମାନ ମୁଁ ସିଙ୍ଗଲ ଅଛି । ମୁଁ ଆରାମରେ ଅଛି । ସେ ମୋତେ କହିଥିଲେ ଯେ ସେ ଲମ୍ବା ଏବଂ ସୁନ୍ଦର, ତେଣୁ ଲାଗୁଥିଲା ଯେପରି ସେ ବିବାହ ବିଷୟରେ କହୁଛନ୍ତି । କିନ୍ତୁ (I am Single)ମୁଁ ଏକା ହିଁ ଅଛି । ଶୁଭ ଦିୱାଲୀ । '
'ସିଙ୍ଘମ ଏଗେନ' ବିଷୟରେ ପ୍ୟାନ୍ସଙ୍କୁ କଲେ ଏହା ଅପିଲ୍
ଅର୍ଜୁନ କପୁର ଫିଲ୍ମକୁ ନେଇ କହିଲେ, 'ମୁଁ କହିବି ଅଜୟ ଏବଂ ଟାଇଗର ଯାହା କହିଛନ୍ତି, ଆମେ ତୁମ ପାଇଁ ବହୁତ ଭଲପାଇବା ସହିତ ଫିଲ୍ମ କରିଛୁ, ମୁଁ ଆଶା କରେ ତୁମେ ସମସ୍ତେ ଆମ ତଥା ଆମ ଚଳଚ୍ଚିତ୍ର ସହିତ ଦିୱାଲୀ ପାଳନ କରିବ । ଏଠାକୁ ଆସିଥିବାରୁ ସମସ୍ତଙ୍କୁ ଧନ୍ୟବାଦ । ମୁଁ ମରାଠୀ କହିବି ଭାବି ଆସିଥିଲି କିନ୍ତୁ ବର୍ତ୍ତମାନ ଏହା ମୋ ପାଟିରୁ ବାହାରୁନାହିଁ, ପରବର୍ତ୍ତୀ ସମୟରେ ମୁଁ ଆସି ସମ୍ପୂର୍ଣ୍ଣ ମରାଠୀରେ କହିବି । ସେପର୍ଯ୍ୟନ୍ତ ଜୟ ମହାରାଷ୍ଟ୍ର ।'
ମଲାଇକା ଆରୋରାଙ୍କ କ୍ରିପ୍ଟିକ୍ ପୋଷ୍ଟ
ଅର୍ଜୁନ କପୁରଙ୍କ ବ୍ରେକଅପ୍ ଖବରକୁ ନିଶ୍ଚିତ କରିବା ପୂର୍ବରୁ ମଲାଇକା ଆରୋରା ମଧ୍ୟ ନିଜ ଇନଷ୍ଟାଗ୍ରାମ ଷ୍ଟୋରୀରେ ଏକ କ୍ରିପ୍ଟିକ୍ ପୋଷ୍ଟ ସେୟାର କରିଛନ୍ତି। ମଲାଇକା ଲେଖିଛନ୍ତି, ତୁମର ଯାତ୍ରାରେ ତୁମର ଖୁସି ହୁଅ ।'
5 ବର୍ଷର ସମ୍ପର୍କରେ ପୂର୍ଣ୍ଣଚ୍ଛେଦ
କହିରଖୁଛୁ କି, ମଲାଇକା ଆରୋରା ଅରବାଜ ଖାନଙ୍କୁ ବିବାହ କରିଥିଲେ । 2017ରେ ଉଭୟ ଅଲଗା ହୋଇଥିଲେ। ଏହା ପରେ ମଲାଇକା ଅର୍ଜୁନଙ୍କ ପ୍ରେମରେ ପଡିଥିଲେ । ଉଭୟ 2018ରୁ ପରସ୍ପରକୁ ଡେଟ୍ କରିଆସୁଥିଲେ । ପ୍ରାୟ ସମୟରେ ଉଭୟଙ୍କୁ ଏକାଠି ଦେଖିବାକୁ ମିଳିଥିଲା । ଏପରିକି ସୋସିଆଲ ମିଡିଆରେ ମଧ୍ୟ ଉଭୟ ରୋମାଣ୍ଟିକ ଅନ୍ଦାଜରେ ପରସ୍ପରକୁ ପ୍ରେମବ୍ୟକ୍ତ ମଧ୍ୟ କରୁଥିଲେ । ଶେଷଥର ମଲାଇକାଙ୍କ ବାପାଙ୍କ ଦେହାନ୍ତ ସମୟରେ ଅର୍ଜୁନ ମଲାଇକାଙ୍କ ସହ ଠିଆ ହୋଇଥିଲେ । ହେଲେ ସେମାନଙ୍କ ବ୍ରେକଅପ୍ ଖବର କିଛି ମାସ ପୂର୍ବରୁ ସାମ୍ନାକୁ ଆସିଥିଲା । ଏହାରି ମଧ୍ୟରେ ବର୍ତ୍ତମାନ ଅର୍ଜୁନଙ୍କ ବିବୃତ୍ତିରୁ ଏହା ସ୍ପଷ୍ଟ ହୋଇଛି ଯେ ସେ ମଲାଇକାଙ୍କ ସହ ଅଲଗା ହୋଇଯାଇଛନ୍ତି ଏବଂ ବର୍ତ୍ତମାନ ସେ ଏକା(Single) ଅଛନ୍ତି ।
ଏହା ମଧ୍ୟ ପଢନ୍ତୁ: 'ପରିବର୍ତ୍ତନ ହିଁ ଜୀବନର ନିୟମ'; ଅର୍ଜୁନଙ୍କ ସହ ବ୍ରେକଅପ୍ ଗୁଜବ, ମଲାଇକା ସେୟାର କଲେ କ୍ରିପ୍ଟିକ୍ ପୋଷ୍ଟ
'ସିଙ୍ଘମ ଏଗେନ'ରେ ଖଳନାୟକ ଭୂମିକାରେ ନଜର ଆସିବେ ଅର୍ଜୁନ
ରୋହିତ ଶେଟ୍ଟୀଙ୍କ ଏହି ଫିଲ୍ମରେ ବଲିଉଡର ମଲ୍ଟି ଷ୍ଟାରଙ୍କୁ ଦେଖିବାକୁ ମିଳିବ । ଅଜୟ ଦେବଗନ, ଅକ୍ଷୟ କୁମାର, ରଣଭୀର ସିଂ, ଦୀପିକା ପାଦୁକୋନ, କରୀନା କପୁର, ଟାଇଗର ଶ୍ରଫ ନଜର ଆସିବେ । ଏଥିସହ ବର୍ତ୍ତମାନ ଏହି ଫିଲ୍ମରେ ଅର୍ଜୁନ କପୁର ମଧ୍ୟ ନଜର ଆସିବେ । ଅର୍ଜୁନ କପୁର ଏତିରେ ଭିଲେନ୍ ଭୂମିକାରେ ନଜର ଆସିବେ । ତେବେ ଏହି ଫିଲ୍ମ ଦୀପାବଳୀ ଅବସରରେ ନଭେମ୍ୱର 1 ରେ ରିଲିଜ ହେବ ।
ଏହା ମଧ୍ୟ ପଢନ୍ତୁ: ସିଙ୍ଘମ ଏଗେନରେ ଅର୍ଜୁନ କପୁରଙ୍କ ଏଣ୍ଟ୍ରି; ଖଳନାୟକ ଭୂମିକାରେ ଆସିବେ ନଜର
ବ୍ୟୁରୋ ରିପୋର୍ଟ, ଇଟିଭି ଭାରତ
