ଏକା ପ୍ରଚାର କରିବି, ବିଶାଳ ରାଲି ଦରକାର ନାହିଁ: ସିଦ୍ଧାର୍ଥ ରାଉତରାୟ - Sidharth Routray Reaction
Published : Apr 21, 2024, 4:12 PM IST
Sidharth Routray Reaction: ଭୁବନେଶ୍ବର: ନିମାପଡା ବିଧାନସଭା ମଣ୍ଡଳୀର କଂଗ୍ରେସର ପ୍ରାର୍ଥୀ ହୋଇଛନ୍ତି ସୁର ରାଉତରାୟଙ୍କ ବଡ଼ ପୁଅ ସିଦ୍ଧାର୍ଥ ରାଉତରାୟ । ପ୍ରାର୍ଥୀ ଭାବେ କଂଗ୍ରେସରୁ ସିଦ୍ଧାର୍ଥଙ୍କ ନାଁ ଘୋଷଣା ହେବା ପରେ କେନ୍ଦ୍ର ଓ ରାଜ୍ୟର ନେତୃବୃନ୍ଦଙ୍କୁ ଧନ୍ୟବାଦ ଜଣାଇଛନ୍ତି ସିଦ୍ଧାର୍ଥ ।
ସିଦ୍ଧାର୍ଥ କହିଛନ୍ତି, "ମୋ ଉପରେ ଦଳ ଆସ୍ଥା ପ୍ରକଟ କରି ଟିକେଟ ମତେ ଦେଇଛି, ସେଥିପାଇଁ ମୁଁ ବହୁତ ଖୁସି । ମୁଁ ସାଇକେଲରେ ବୁଲି ସାଧାରଣ ଲୋକଙ୍କ ସୁଖ ଦୁଃଖରେ ସାଧାରଣ ଭାବଧାରାକୁ ନେଇ ଯିବି, ଭୋଟ ମାଗିବି । ଏକା ପ୍ରଚାର କରିବି, ବିଶାଳ ରାଲି ନୁହେଁ । ଲୋକେ ଶିକ୍ଷିତ ନେତା ଚାହୁଁଛନ୍ତି । ବିଜେପି ମିଛୁଆ ହୋଇଥିବା ବେଳେ ବିଜେଡି ଆତ୍ମପ୍ରଚାର କରୁଛି । ତେଣୁ ଲୋକେ ବିକଳ୍ପ ବୋଲି କଂଗ୍ରେସକୁ ବାଛିଛନ୍ତି । କଂଗ୍ରେସକୁ ଭୋଟ ଦେବେ ଓ ଜିତାଇବେ ।" ସେପଟେ ତାଙ୍କ ପାଇଁ ତାଙ୍କ ବାପା ସୁର ରାଉତରାୟ ପ୍ରଚାର କରିବେ କି ନାହିଁ ପ୍ରଶ୍ନର ଉତ୍ତର ଦେଇନାହାନ୍ତି ସିଦ୍ଧାର୍ଥ । ଦଳ ବଦଳକୁ ସ୍ବାର୍ଥପର ବୋଲି କହିଛନ୍ତି । ତେଣୁ କଂଗ୍ରେସ ହିଁ ଏକମାତ୍ର ବିକଳ୍ପ ବୋଲି ସେ କହିଛନ୍ତି ।
ଇଟିଭି ଭାରତ, ଭୁବନେଶ୍ବର