ଆଜିଠୁ ମୋଦିଙ୍କ ତୃତୀୟ ପାଳି, ବାଲୁକା କଳାରେ ଶୁଭେଚ୍ଛା ଜଣାଇଲେ ସୁଦର୍ଶନ - Sand Sculpture Of PM Modi
Published : Jun 9, 2024, 9:04 AM IST
ପୁରୀ: ଆଜିଠୁ ଦେଶରେ ଆରମ୍ଭ ହେବ ମୋଦି 3.0 । ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେବେ ନରେନ୍ଦ୍ର ମୋଦି । ଶପଥ ଗ୍ରହଣ ପୂର୍ବରୁ ବାଲୁକା ଚିତ୍ରକଳା ମାଧ୍ୟମରେ ମୋଦିଙ୍କୁ ଶୁଭେଚ୍ଛା ଜଣାଇଛନ୍ତି ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ପୁରୀ ବେଳାଭୂମିର ନିଳାଦ୍ରୀ ବିଚରେ ଅତି ଆକର୍ଷଣୀୟ ବାଲୁକା କଳା ନିର୍ମାଣ କରିଛନ୍ତି ସୁଦର୍ଶନ । ଏଥିରେ ପ୍ରଧାନମନ୍ତ୍ରୀ ମୋଦିଙ୍କ ପ୍ରତିକୃତି ସହ ଅଭିନନ୍ଦନ ମୋଦିଜୀ 3.0ର ବାର୍ତ୍ତା ରହିଛି । ଏଥିସହ ବିକଶିତ ଭାରତ ମଧ୍ୟ ଉଲ୍ଲେଖ ରହିଛି । ଏହି ବାଲୁକା ଚିତ୍ରକଳାକୁ ଦେଖିବାକୁ ବେଳାଭୂମିରେ ପର୍ଯ୍ୟଟକଙ୍କ ଭିଡ ଲାଗିଛି । ଲୋକସଭା ନିର୍ବାଚନରେ ଏନଡିଏ ବହୁମତ ପାଇବା ପରେ ଦେଶରେ ସରକାର ଗଠନ କରିବାକୁ ଯାଉଛି । ନରେନ୍ଦ୍ର ମୋଦି ଆଜି ସନ୍ଧ୍ୟା 7ଟା15ରେ ତୃତୀୟ ଥର ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିବେ । ରାଷ୍ଟ୍ରପତି ଭବନରେ ଅନୁଷ୍ଠିତ ହେବ ହେବ ଶପଥ ଗ୍ରହଣ ସମାରୋହ ।
ଇଟିଭି ଭାରତ, ପୁରୀ