ଶେଷଯାତ୍ରାରେ ମିଡିଆ ବାଦଶାହ ରାମୋଜୀ ରାଓ, ଦେଖନ୍ତୁ LIVE - RAMOJI RAO LAST RITES - RAMOJI RAO LAST RITES

ହାଇଦ୍ରାବାଦ: ଚିର ନିଦ୍ରାରେ ରାମୋଜୀ ଗ୍ରୁପ ପ୍ରତିଷ୍ଠାତା ପଦ୍ମବିଭୂଷଣ ରାମୋଜୀ ରାଓ । ଗତକାଲି ତାଙ୍କର ଦେହାନ୍ତ ହୋଇଥିବା ବେଳେ ଆଜି ରାଷ୍ଟ୍ରୀୟ ମର୍ଯ୍ୟାଦାରେ ସମ୍ପନ୍ନ ହେବ ଶେଷକୃତ୍ୟ । ତାଙ୍କ ବିୟୋଗରେ ସାରା ଦେଶରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି । ପ୍ରଧାନମନ୍ତ୍ରୀଙ୍କଠାରୁ ଆରମ୍ଭ କରି ବିଭିନ୍ନ ବିଶିଷ୍ଟ ବ୍ୟକ୍ତିବିଶେଷ ଗଭୀର ଶୋକ ବ୍ୟକ୍ତ କରିଥିଲେ । ରାମୋଜୀ ଫିଲ୍ମ ସିଟିରେ ଥିବା ମୁଖ୍ୟ କାର୍ଯ୍ୟାଳୟରେ ରାମୋଜୀ ରାଓଙ୍କୁ ଶେଷ ଦର୍ଶନ କରିଛନ୍ତି ତାଙ୍କର ଶହ ଶହ ଶୁଭେଚ୍ଛୁ, ରାଜନେତା, ଅଭିନେତା ଓ କର୍ମଚାରୀ । ଗଣମାଧ୍ୟମ, ସିନେମା ଓ ସାହିତ୍ୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସେ ପଦ୍ମବିଭୂଷଣ ସମ୍ମାନରେ ସମ୍ମାନିତ ହୋଇଥିଲେ । ସେ ମିଡିଆ ଜଗତରେ ବୈପ୍ଲବିକ ପରିବର୍ତ୍ତନ ଆଣିଥିଲେ । ଫିଲ୍ମ ସିଟି ମୁଖ୍ୟାଳୟରେ ପହଞ୍ଚି ମିଡିଆ ଜଗତର ବେତାଜ୍ ବାଦଶାହଙ୍କ ଶେଷ ଦର୍ଶନ କରିଛନ୍ତି ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଥିବା ଏନ୍‌ ଚନ୍ଦ୍ରବାବୁ ନାଇଡୁ, କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ, ପୂର୍ବତନ ଉପରାଷ୍ଟ୍ରପତି ଭେଙ୍କିୟା ନାଇଡୁଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଓ ସେଲିବ୍ରିଟି ।