ଅନୁଗୋଳକୁ ଆସନ୍ତାକାଲି ଆସିବେ ପ୍ରଧାନମନ୍ତ୍ରୀ ମୋଦି, ଶେଷ ପର୍ଯ୍ୟାୟରେ ପ୍ରସ୍ତୁତି - PM Modi Angul Campaign Preparation
Published : May 19, 2024, 7:14 PM IST
PM Modi Angul Campaign Preparation: ଅନୁଗୋଳ: କେନ୍ଦ୍ରୀୟ ନେତୃତ୍ବଙ୍କ ଘନ ଘନ ଗସ୍ତକୁ ନେଇ ଓଡିଶା ବିଜେପି ବେଶ ଉତ୍ସାହିତ । ଆଜି ଓଡିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭୁବନେଶ୍ବର କଟକ ସମେତ ପୁରୀ ଓ ଅନୁଗୋଳ ଜିଲ୍ଲାରେ ରହିଛି କାର୍ଯ୍ୟକ୍ରମ । ଅନୁଗୋଳ ନାଲକୋ ସ୍ପୋର୍ଟସ କମ୍ପ୍ଲେକ୍ସ ଠାରେ ଆୟୋଜିତ ସଂକଳ୍ପ ସମାବେଶରେ ସାମିଲ ହେବେ ପ୍ରଧାନମନ୍ତ୍ରୀ । ଏଥିପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ବିଶେଷ କରି ସମ୍ବଲପୁର ଓ ଢେଙ୍କାନାଳ ଲୋକସଭା କ୍ଷେତ୍ର ପାଇଁ ସେ ଭୋଟ ଭିକ୍ଷା କରିବେ ।
ଏହା ମଧ୍ୟ ପଢନ୍ତୁ ... କଟକରେ ମୋଦିଙ୍କ ସୁରକ୍ଷା ପାଇଁ 30 ପ୍ଲାଟୁନ ଫୋର୍ସ, SPG କଲେ ସମୀକ୍ଷା - SECURITY ARRANGEMENT FOR PM VISIT
ତେଣୁ ଦୁଇ ସାଂସଦ ପ୍ରାର୍ଥୀ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ରୁଦ୍ରନାରାୟଣ ପାଣି ଏବଂ ସମସ୍ତ ବିଧାନସଭା ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ମାନେ ଉପସ୍ଥିତ ରହିବେ । ଏହାଛଡା ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ସମେତ ବହୁ ରାଜ୍ୟସ୍ତରୀୟ ନେତା ମଧ୍ୟ ଉପସ୍ଥିତ ରହିବେ । ଦୁଇ ଲୋକସଭା କ୍ଷେତ୍ରରୁ ଲକ୍ଷାଧିକ କର୍ମୀ ଓ ସାଧାରଣ ଜନତାଙ୍କ ସମାଗମ ହେବାର କାର୍ଯ୍ୟକ୍ରମ ରହିଛି । ସେଥିପାଇଁ ବ୍ୟାପକ ପ୍ରସ୍ତୁତି ମଧ୍ୟ ଚାଲିଛି । ଏନେଇ ପ୍ରଧାନମନ୍ତ୍ରୀଙ୍କ ମଞ୍ଚ ନିକଟରେ ତଦାରଖ କରୁଥିବା ବିଜେପି ରାଜ୍ୟ ପ୍ରବକ୍ତା ଠାକୁର ରଞ୍ଜିତ ଦାସଙ୍କ ସହ କଥା ହୋଇଥିଲେ ଆମ ପ୍ରତିନିଧି ।
ଇଟିଭି ଭାରତ, ଅନୁଗୋଳ