ବେଗୁନିଆରେ ବିଜେଡିର ବିଜୟ, ଗଡ଼ ବଜାୟ ରଖିଲା ଦଳ - BJD Wins In Begunia - BJD WINS IN BEGUNIA
Published : Jun 4, 2024, 5:44 PM IST
BJD Wins In Begunia: ଖୋର୍ଦ୍ଧା: ବେଗୁନିଆରେ ବିଜେଡିର ବିପୁଳ ବିଜୟ । ଅପ୍ରତ୍ୟାଶିତ ଭାବେ ରାଜ୍ୟରେ ଥିବା ବିଜେଡି ସରକାର ପରିବର୍ତ୍ତନ ହେବାକୁ ଯାଉଛି । ବିଜେପି ରାଜ୍ୟରେ ସରକାର କରିବାକୁ ଯାଉଛି । ଚଳିତ ନିର୍ବାଚନରେ ବାଜି ଓଲଟି ଯାଇଛି । ବହୁ ହେଭିୱେଟ ନେତା ପରାଜିତ ହୋଇଥିବା ଦେଖିବାକୁ ମିଳିଛି । ସେହିଭଳି ବେଗୁନିଆରେ ବିଜୁ ଜନତା ଦଳର ପ୍ରାର୍ଥୀ ପ୍ରଦୀପ କୁମାର ସାହୁ ବିପୁଳ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି । ପ୍ରଦୀପ ସାହୁ 47 ହଜାର 359 ଭୋଟରେ ବିଜୟୀ ହୋଇଛନ୍ତି ।
ରାଜ୍ୟରେ ବିଜେପି ବହୁମତ ହାସଲ କରିଥିବାବେଳେ କିଛି କିଛି ସ୍ଥାନରେ ବିଜେଡି ନିଜର ଗଡ଼ ବଜାୟ ରଖିବାରେ ସଫଳ ହୋଇଛି । ବେଗୁନିଆ ବିଧାନସଭା ଆସନରେ ବିଜେଡି ପ୍ରାର୍ଥୀ ପ୍ରଦୀପ କୁମାର ସାହୁଙ୍କ ବିଜୟ ହୋଇଛି । ପ୍ରଦୀପ କହିଛନ୍ତି,"ଉନ୍ନତି ପାଇଁ କାମ କରିବି । ଅଞ୍ଚଳର ସମସ୍ୟା ସରକାରଙ୍କ ନିକଟରେ ଉପସ୍ଥାପନ କରିବି ।"
ଇଟିଭି ଭାରତ, ଖୋର୍ଦ୍ଧା