କଟକ: ଓସିଏ ପାଇଲା ନୂଆ ସଭାପତି । ଓଡ଼ିଶା କ୍ରିକେଟ ଆସୋସିଏସନର ନୂଆ ସଭାପତି ହେଲେ ପଙ୍କଜ ଲୋଚନ ମହାନ୍ତି। ପୂର୍ବତନ ସଭାପତି ପ୍ରଣବ ପ୍ରକାଶ ଦାସଙ୍କ ଇସ୍ତଫା ପରେ ନିର୍ବାଚନରେ ନିର୍ଦ୍ୱନ୍ଦରେ ପଙ୍କଜଙ୍କ ନାମରେ ମୋହର ବାଜିଛି । ଆଗାମୀ ନିର୍ବାଚନ ପର୍ଯ୍ୟନ୍ତ ଓଡିଶା କ୍ରିକେଟ ସଂଘ ସଭାପତି ଦାୟିତ୍ୱ ସମ୍ଭାଳିବେ ସେ । ଏନେଇ ଆଜି ସ୍ୱତନ୍ତ୍ର ସାଧାରଣ ପରିଷଦ ବୈଠକରେ ପଙ୍କଜ ନୂଆ ସଭାପତି ଭାବେ ନିର୍ବାଚିତ ହୋଇଥିବା ଘୋଷଣା କରିଛନ୍ତି ନିର୍ବାଚନ ଅଧିକାରୀ ଏମ ଏଲ ମଜୁମଦା । ପୂର୍ବରୁ ମଧ୍ୟ ଓସିଏର ଉପ ସଭାପତି ଦାୟିତ୍ୱ ତୁଲାଇ ସାରିହନ୍ତି ପଙ୍କଜ ଲୋଚନ ମହାନ୍ତି।
ଦ୍ବିତୀୟ ଥର ଓସିଏ ସଭାପତି ହେଲେ ପଙ୍କଜ:
ପୂର୍ବରୁ ମଧ୍ୟ ଓସିଏର ଉପ ସଭାପତି ଦାୟିତ୍ୱ ତୁଲାଇ ସାରିହନ୍ତି ପଙ୍କଜ ଲୋଚନ ମହାନ୍ତି । 2019ରୁ 2022 ପର୍ଯ୍ୟନ୍ତ ସେ ଓସିଏ ସଭାପତି ଦାୟିତ୍ବରେ ଥିଲେ । ଏହାପରେ 2022 ମସିହାରେ ହୋଇଥିବା ନିର୍ବାଚନରେ ଓସିଏର ସଭାପତି ହୋଇଥିଲେ ପ୍ରଣବ ପ୍ରକାଶ ଦାସ ଓ ଉପସଭାପତି ହୋଇଥିଲେ ପଙ୍କଜ ଲୋଚନ ମହାନ୍ତି । ହେଲେ କାର୍ଯ୍ୟକାଳ ସରିବା ପୂର୍ବରୁ ଗତବର୍ଷ ଡିସେମ୍ବର ମାସରେ ଇସ୍ତଫା ଦେଇଥିଲେ ବବି ଦାସ । ଯାହା ଫଳରେ ନିୟମ ଅନୁଯାୟୀ, 45 ଦିନ ମଧ୍ୟରେ ନୂଆ ସଭାପତି ଚୟନ କରିବା ନେଇ ଓସିଏ ପକ୍ଷରୁ ସୂଚନା ଜାରି କରାଯାଇଥିଲା । 2025 ଜାନୁଆରୀ ୧୩ ତାରିଖରୁ ନିର୍ବାଚନ ପ୍ରକ୍ରିୟା ଆରମ୍ଭ ନେଇ ବିଜ୍ଞପ୍ତି ଜାରି ହୋଇଥିଲା । ଏହାପରେ ଫେବୃଆରୀ 15 ତାରିଖରୁ ବିଧିବଦ୍ଧ ନିର୍ବାଚନ ପ୍ରକ୍ରିୟା ଆଧାରରେ ଆଜି ନିର୍ଦ୍ୱନ୍ଦ୍ବରେ ସଭାପତି ଭାବରେ ପଙ୍କଜ ଲୋଚନ ମହାନ୍ତିଙ୍କୁ ଦାୟିତ୍ୱ ଭାର ପ୍ରଦାନ କରିଛି ଓଡିଶା କ୍ରିକେଟ ସଂଘ।
ଏହା ମଧ୍ୟ ପଢନ୍ତୁ-OCAରୁ ବବି ଦାସ ଆଉଟ୍, ସଭାପତି ପଦରୁ ଦେଲେ ଇସ୍ତଫା - BABI DAS QUIT OCA
ଏହା ମଧ୍ୟ ପଢନ୍ତୁ-ବବିଙ୍କ ସ୍ଥାନ ନେବେ କି ବେବି ? OCA ସଭାପତି ରେସରେ ପୂର୍ବତନ ରଣଜୀ ଖେଳାଳି - OCA PRESIDENT
ବାରବାଟୀ ନବକଳେବର ପାଇଁ ଚେଷ୍ଟା କରିବି:
ସଭାପତି ପଦବୀ ପାଇବା ପରେ ପଙ୍କଜ ଲୋଚନ ମହାନ୍ତି କହିଛନ୍ତି, ହାତରେ ଆଉ ଛ ,ସାତ ରହିଛି କାର୍ଯ୍ୟକାଳ ପୂରିବା ପାଇଁ । ତେଣୁ ଏହାରି ମଧ୍ୟରେ ବାରବାଟୀ ନବକଳେବର ପାଇଁ ରାଜ୍ୟ ସରକାର ଯେଉଁ ପ୍ରସ୍ତାବ ଦେଇଥିଲେ ତାହାକୁ ପୂର୍ଣ୍ଣ କରିବା ପାଇଁ ଚେଷ୍ଟା ରହିବ । ମୁଖ୍ୟମନ୍ତ୍ରୀ, କ୍ରୀଡା ବିଭାଗ ସହ ଆଲୋଚନା ମଧ୍ୟ ହେବ । ଏହା ବ୍ୟତୀତ କାର୍ଯ୍ୟକାଳ ମଧ୍ୟରେ ଗୋଟିଏ ବି ଖେଳାଳି ଆନ୍ତର୍ଜାତିକ ସ୍ତରରେ କିମ୍ବା ଭାରତୀୟ ଦଳରେ ଖେଳିଲେ ନାହିଁ । ହାତରେ ଆଉ ଅଳ୍ପ ଦିନ ତେଣୁ ଆଉ ଆଶା ନାହିଁ ମୋ ସମୟ ମଧ୍ୟରେ କିଏ ନୂଆ ଖେଳାଳି ଚୟନ ହୋଇ ପାରିବ। ସେଥିପାଇଁ ଆଗାମୀ ଦିନରେ କ୍ରିକେଟର ବିକାଶ ପାଇଁ କଟକରେ ଏମଜିଏମ ପକ୍ଷରୁ ଏକ କ୍ରିକେଟ ଏକାଡେମୀ କରାଯାଇଛି । ଯେଉଁଠି ରବି ଶାସ୍ତ୍ରୀ ପ୍ରଶିକ୍ଷଣ ଦେଉଛନ୍ତି ।
ଏହା ବ୍ୟତିତ ପୁରୀରେ ଓସିଏ ପକ୍ଷରୁ ଏକ ଏକଡେମୀ ନିର୍ମାଣ ହେବ । ଏହାଦ୍ୱାରା ଆଗାମୀ ଦିନରେ ଓଡ଼ିଆ ଖେଳାଳି ନିଶ୍ଚୟ ଆନ୍ତର୍ଜାତିକ ମ୍ୟାଚ ଖେଳିବାର ସୁଯୋଗ ପାଇ ପାରିବେ । ଏଯାବତ ରାଜ୍ୟରେ ୪୨ଟି ଏକାଡେମୀ ନିର୍ମାଣ ହୋଇ କାର୍ଯ୍ୟକ୍ଷମ ହୋଇଛି । ଓସିଏର ସ୍ୱପ୍ନ ନିଶ୍ଚିତ ଭାବରେ ଆଗାମୀ ଦିନରେ ପୂର୍ଣ୍ଣ ହେବ ବୋଲି କହିଛନ୍ତି ପଙ୍କଜ ଲୋଚନ ।
ଇଟିଭି ଭାରତ, କଟକ
