ଦିଗପହଣ୍ଡି ଗୋକର୍ଣ୍ଣପୁରରେ ବିଜେପିର ପାଓ୍ବାର ଶୋ, ବିଜେଡିକୁ କଟାକ୍ଷ କଲେ ପ୍ରାର୍ଥୀ - BJP CAMPAIGN IN DIGAPAHANDI

ବ୍ରହ୍ମପୁର: ହାତରେ ମାତ୍ର ଆଉ କେଇ ଘଣ୍ଟାର ସମୟ । ଗଡ ଦାଖଲ କରିବା ପାଇଁ ପ୍ରାଣପଣେ ଚେଷ୍ଟା ଚଳାଇଛଡନ୍ତି ପ୍ରାର୍ଥୀ । ତେବେ ଚଳିତ ନିର୍ବାଚନରେ ବିଜେଡି ଗଡରେ ପଦ୍ମ ଫୁଟାଇବା ଲକ୍ଷ୍ୟ ରଖିଛି ବିଜେପି । ତେବେ ଦିନକୁ ଦିୱ ବୃଦ୍ଧି ପାଇବାରେ ଲାଗିଛି ବିଜେପି ଦଳର ଶକ୍ତି । ପ୍ରଥମ ପର୍ଯ୍ୟାୟ ମତଦାନ ପାଇଁ ଶେଷ ପର୍ଯ୍ୟାୟରେ ପ୍ରଚାର ପହଞ୍ଚିଥିବା ବେଳେ ଗଞ୍ଜାମ ଜିଲ୍ଲାର ଦିଗପହଣ୍ଡିର ନିର୍ବାଚନ ମଣ୍ଡଳୀର ଗୋକର୍ଣ୍ଣପୁର ଠାରେ ନିଜର ଶକ୍ତି ଦେଖାଇଛି ବିଜେପି । ତେବେ ରାଲିରେ ବିପୁଳ ଜନ ସମର୍ଥନ ଦେଖିବାକୁ ମିଳିଥିଲା । ତେବେ ଏହି ଶୋଭାଯାତ୍ରାରେ ବିପୁଳ ଜନ ସମର୍ଥକଙ୍କୁ ଦେଖି ବିଜୁ ଜନତା ଦଳକୁ ସମାଲୋଚନା କରିଛନ୍ତି ବିଜେପି ଦଳରୁ ବିଧାନସଭା ପ୍ରାର୍ଥୀ ହୋଇଥିବା ସିଦ୍ଧାନ୍ତ ମହାପାତ୍ର ଏବଂ ବ୍ରହ୍ମପୁର ଲୋକସଭା ଆସନ୍ନରୁ ପ୍ରାର୍ଥୀ ହୋଇଥିବା ପ୍ରଦୀପ କୁମାର ପାଣିଗ୍ରାହୀ । ଦିଗପହଣ୍ଡି ଅଞ୍ଚଳର ପୂର୍ବତନ ବ୍ଲକ ଅଧ୍ୟକ୍ଷ ବିପିନି ପ୍ରଧାନ ଓ ତାଙ୍କ ସମର୍ଥକମାନେ ଏଥିରେ ଉପସ୍ଥିତ ରହିଥିବା ଦେଖିବାକୁ ମିଳିଥିଲା । ଏହା ହିଁ ପରିବର୍ତ୍ତନର ଚିତ୍ର ବୋଲି କହିଛନ୍ତି ବିଧାନସଭା ପ୍ରାର୍ଥୀ ସିଦ୍ଧାନ୍ତ ମହାପାତ୍ର ଏବଂ ବ୍ରହ୍ମପୁର ଲୋକସଭା ଆସନ୍ନର ପ୍ରାର୍ଥୀ ପ୍ରଦୀପ କୁମାର ପାଣିଗ୍ରାହୀ ଓ ସ୍ଥାନୀୟ ଅଞ୍ଚଳର ଟାଣୁଆ ନେତା ବିପିନି ପ୍ରଧାନ । ଏହି ଅବସରରେ ଅଧିକ ଆଲୋଚନା କରିଚନ୍ତି ଆମ ବ୍ରହ୍ମପୁର ସମ୍ୱାଦଦାତା ସମୀର ଆଚାର୍ଯ୍ୟ । 
 

ଇଟିଭି ଭାରତ, ବ୍ରହ୍ମପୁର