ଆଜି ନୟାଗଡ଼ ଆସୁଛନ୍ତି ଶାହ, ବିଜେପି ଶିବିରରେ ପ୍ରସ୍ତୁତି ଜୋରଦାର - Amit Shah To Visit Nayagarh
Published : May 21, 2024, 6:49 AM IST
Amit Shah To Visit Nayagarh: ନୟାଗଡ଼: ଆଜି ଦିନ ୩ ଟା ବେଳେ ନୟାଗଡ଼ ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ବିରାଟ ସମାବେଶର ଆୟୋଜନ ପାଇଁ ନୟାଗଡ଼ ବିଜେପି କର୍ମୀଙ୍କ ମଧ୍ୟରେ ବେଶ ଉତ୍ସାହ ଦେଖାଦେଇଛି । ଅମିତ ଶାହଙ୍କ ନୟାଗଡ଼ ଗସ୍ତ ନେଇ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛି ଜିଲ୍ଲା ବିଜେପି । ରାଜ୍ୟ ବିଜେପିର ସୂଚନା ଅନୁସାରେ, ନୟାଗଡ଼ ଲାଠିପଡ଼ାଠାରେ ଏକ ବିଶାଳ ଜନସଭାକୁ ସମ୍ବୋଧନ କରିବେ ଅମିତ ଶାହ ।
ଏହା ବି ପଢନ୍ତୁ...ଆଟାକିଂ ମୁଡ୍ରେ ବିଜେପି, କେତେ ପ୍ରଭାବ ପକାଇବ ମୋଦିଙ୍କ ଗସ୍ତ ? - PM Modi Visit Impacts
"ବିଜେପିର ବିଜୟ ଏବଂ ବିଜେପିର ଇସ୍ତାହାର ବିଷୟରେ ସମ୍ବୋଧନ କରିବେ । ବିଜେଡି କରିଥିବା କୁକର୍ମ, ବିଫଳତା ଓ ଅରାଜଗତା ବିଷୟରେ ଜନସାଧାରଣଙ୍କୁ ମନେ ପକାଇଦେବାକୁ ଶାହ ପୁଣି ଥରେ ଆସୁଛନ୍ତି" ବୋଲି କହିଛନ୍ତି ବିଜେପି ନେତା ସନ୍ତୋଷ ପ୍ରଧାନ । ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ର ଏବଂ ନୟାଗଡ଼ ବିଜେପି ବିଧାୟକ ପ୍ରାର୍ଥୀ ପ୍ରତ୍ୟୁଷା ରାଜେଶ୍ୱରୀ ସିଂହଙ୍କ ନେତୃତ୍ୱରେ ଶାହଙ୍କ ସ୍ବାଗତ ପାଇଁ ବ୍ୟାପକ ପ୍ରସ୍ତୁତି ହୋଇଛି ।
ଇଟିଭି ଭାରତ, ନୟାଗଡ଼