Published : Jun 8, 2024, 10:38 PM IST
ଚକ୍ ଆର୍ଟରେ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ଯୁବଶିଳ୍ପୀ - Chalk Art of Ramoji Rao
ବ୍ରହ୍ମପୁର: ରାମୋଜୀ ଗ୍ରୁପ ପ୍ରତିଷ୍ଠାତା ତଥା ଅଧ୍ୟକ୍ଷ ରାମୋଜୀ ରାଓଙ୍କ ବିୟୋଗରେ ସାରା ଦେଶରେ ଶୋକର ଛାୟା ଖେଳିଯାଇଛି । ଏହି ଅବସରରେ ଚକ୍ ଆର୍ଟ ମାଧ୍ୟମରେ ରାମୋଜୀ ରାଓଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜଣାଇଛନ୍ତି ଜଣେ ଇଞ୍ଜିନିୟର ଛାତ୍ର ତଥା ଯୁବ ଶିଳ୍ପୀ କେ. ବିଜୟ କୁମାର ରେଡ୍ଡୀ । ଆଜି ଭୋର ସମୟରେ ଏହି ମହାମାନବଙ୍କର ଏକ ଘରୋଇ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ପରଲୋକ ଘଟିଛି । ଦେଶର ମିଡିଆ ଜଗତର ମହାନାୟକ ତଥା ଇଟିଭି ପ୍ରତିଷ୍ଠାତାଙ୍କ ଏଭଳି ବିୟୋଗ ଦେଶର ଏକ ଅପୂରଣୀୟ କ୍ଷତି ବୋଲି କହିବା ସହିତ ନିଜର ଚକ୍ ଆର୍ଟ ମାଧ୍ୟମରେ ଶ୍ରଦ୍ଧାଞ୍ଜଳି ଜଣାଇ ଅମର ଆତ୍ମାର ସଦଗତି କାମନା କରିଛନ୍ତି ବ୍ରହ୍ମପୁର ସହର ଉପକଣ୍ଠ ଡୁରା ଅଞ୍ଚଳର ଯୁବଶିଳ୍ପୀ ବିଜୟ ।
ଇଟିଭି ଭାରତ, ବ୍ରହ୍ମପୁର