ସୁନ୍ଦରଗଡ଼ରେ ବିଜୟ ପାଇଁ ଜିଲ୍ଲା ବିଜେଡିର ରଣନୀତି, ଗୁପ୍ତ ବୈଠକରେ ଯୋଗଦେଲେ ପ୍ରାର୍ଥୀ - BJD Election Preparation Meeting - BJD ELECTION PREPARATION MEETING
Published : Apr 13, 2024, 8:58 PM IST
BJD Election Preparation Meeting: ରାଉରକେଲା: ନିର୍ବାଚନ ପ୍ରସ୍ତୁତି ନେଇ ରାଉରକେଲାରେ ବସିଲା ଜିଲ୍ଲା ବିଜେଡିର ଗୁପ୍ତ ବୈଠକ । ଆଗାମୀ ନିର୍ବାଚନରେ ବିଜୁ ଜନତା ଦଳକୁ ବିଜୟୀ କରିବା ନେଇ ହୋଇଛି ଆଲୋଚନା । ସୁନ୍ଦରଗଡ଼ ପର୍ଯ୍ୟବେକ୍ଷକ ପ୍ରୀତି ରଞ୍ଜନ ଘଡାଇଙ୍କ ଉପସ୍ଥିତିରେ ରାଉରକେଲାର ଏକ ଘରୋଇ ତାରକା ହୋଟେଲରେ ଏହି ବୈଠକ କରାଯାଇଛି ।
ଏହି ବୈଠକରେ ପ୍ରୀତି ରଞ୍ଜନ ଘଡାଇଙ୍କ ସହିତ ରାଉରକେଲା ବିଧାୟକ ପ୍ରାର୍ଥୀ ତଥା ମନ୍ତ୍ରୀ ସାରଦା ନାୟକ ସହ ଲୋକସଭା ପ୍ରାର୍ଥୀ ପଦ୍ମଶ୍ରୀ ଦିଲ୍ଲୀପ ତିର୍କୀ ଏବଂ ରାଜଗାଙ୍ଗପୁର, ବୀରମିତ୍ରପୁର, ବଣାଇ, ଏବଂ ତଳସରାର ବିଧାୟକ ପ୍ରାର୍ଥୀ ଆଦି ଯୋଗ ଦେଇଥିଲେ । ଏଥର କିଭଳି ଭାବରେ ପୁଣି ବିଜେଡି ବିପୁଳ ସଂଖ୍ୟାରେ ବିଜୟୀ ହୋଇ ରାଜ୍ୟରେ ସରକାର ଗଢୁ ସେନେଇ ଆଲୋଚନା ହୋଇଥିବା ପ୍ରୀତି ରଞ୍ଜନ କହିଛନ୍ତି । ସୁନ୍ଦରଗଡ ଲୋକସଭା ଓ ୫ଟି ନିର୍ବାଚନ ମଣ୍ଡଳୀର ସମସ୍ତ ପ୍ରାର୍ଥୀମାନଙ୍କ ସହ ବିସ୍ତାର ଭାବେ ଆଲୋଚନା କରାଯାଇଛି । ଲୋକସଭା ଆସନ ସହ ସମସ୍ତ ବିଧାନସଭା ନିର୍ବାଚନମଣ୍ଡଳୀରେ କିପରି ବିଜେଡି ପ୍ରାର୍ଥୀମାନେ ବହୁମତରେ ବିଜୟୀ ହେବେ ସେ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା ହୋଇଛି ବୋଲି କହିଛନ୍ତି ପ୍ରୀତି ରଞ୍ଜନ ଘଡାଇ । ତେବେ ସେ କହିଛନ୍ତି ଯେ ଏଥର ବିଜେଡି ସମ୍ପୂର୍ଣ୍ଣ ଜିଲ୍ଲାରେ ଭଲ ପ୍ରଦର୍ଶନ କରିବ ଏବଂ ନିଶ୍ଚିତ ବିଜୟୀ ହେବ ।
ଇଟିଭି ଭାରତ, ରାଉରକେଲା