ବୁଲା କୁକୁର ଆକ୍ରମଣରେ ବୃଦ୍ଧା ମୃତ, ବାଲେଶ୍ବରରେ ଅଭାବନୀୟ ଘଟଣା

Elderly Woman Dies Bitten By Stray Dog In Balasore, ବାଲେଶ୍ୱର: ଭୋଗରାଇ ଅଞ୍ଚଳରେ ବୁଲା କୁକୁର ଆତଙ୍କ । ବୁଲା କୁକୁର ଆକ୍ରମଣରେ ଜଣେ ବୃଦ୍ଧାଙ୍କ ଜୀବନ ଯାଇଛି । ବାଲେଶ୍ବର ଜିଲ୍ଲା ଭୋଗରାଇ ଜୟରାମପୁର ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ମୃତ ମହିଳା ଜଣଙ୍କ ହେଲେ ଶ୍ରୀଧର ସାହୁଙ୍କ ସ୍ତ୍ରୀ ବାସନ୍ତୀ  । ସୂଚନା ଅନୁସାରେ ପରିବାରର ସମସ୍ତେ ପଞ୍ଚୁକ ପାଇଁ ଅର୍ଘ୍ୟ ଦେବାକୁ ଯାଇଥିବାବେଳେ ବାସନ୍ତୀ ଘରେ ଏକା ଥିଲେ । ଆଉ ଏହି ସମୟରେ ବୁଲା କୁକୁର ପଲ ତାଙ୍କୁ ଆକ୍ରମଣ କରିଥିଲେ । 

ସ୍ଥାନୀୟ ଲୋକେ ପହଞ୍ଚି କୁକୁର ପଲକୁ ଘଉଡ଼ାଇବା ସହିତ ଗୋଟିଏ କୁକୁରକୁ ପିଟି ପିଟି ମାରି ଦେଇଥିବା ଜଣାପଡିଛି । ମହିଳାଙ୍କ ମୃତ୍ୟୁରେ ଗ୍ରାମରେ ଶୋକର ଛାୟା ଖେଳିଯାଇଛି । ଅନ୍ୟପଟେ କୁକୁରଙ୍କ ଏଭଳି ଦୌରାତ୍ମ୍ୟ ଯୋଗୁଁ ଆତଙ୍କିତ ସ୍ଥାନୀୟ ବାସିନ୍ଦା । 

ଏହା ବି ପଢନ୍ତୁ...ବ୍ରହ୍ମପୁରରେ ବୁଲା କୁକୁରଙ୍କ ଦୌରାତ୍ମ୍ୟ: କୁକୁର ଭୟରେ କାରରେ ପିଟିହେଲା ସ୍କୁଟି, ଭିଡିଓ ଭାଇରାଲ

ଏହା ବି ପଢନ୍ତୁ...ନୟାପଲ୍ଲୀବାସିଙ୍କ ନିଦ ହଜାଇଛି ବୁଲା କୁକୁର: ଯାହାକୁ ପାଇଲେ ତାଙ୍କୁ କାମୁଡିଲେ, ସମାଧାନ ବାଟ କହିଲେ ମେୟର - Dog attack cases Increase

ଇଟିଭି ଭାରତ, ବାଲେଶ୍ବର