ହାଇଦ୍ରାବାଦ: BSNL ମୁହାଁ ଗ୍ରାହକ । ଜିଓ, ଏୟାରଟେଲ ଓ ଭୋଡାଫୋନ ଭଳି ଲୋକପ୍ରିୟ ଘରୋଇ ଟେଲିକମ କମ୍ପାନୀଗୁଡିକ ନିଜର ରିଜାର୍ଜ ପ୍ଲାନ ଅଚାନକ ବୃଦ୍ଧି କରିବା ପରେ ଏହାକୁ ନେଇ ସାଧାଣରେ ଅସନ୍ତୋଷ ବଢିବାରେ ଲାଗିଛି । ଅନ୍ୟପଟେ ଏହି ଘରୋଇ ଟେଲିକମ କମ୍ପାନୀଗୁଡିକ ଅପେକ୍ଷା ବେଶ ଶସ୍ତା ପ୍ଲାନ ଯୋଗାଇଦେଉଥିବା ଭାରତ ସଞ୍ଚାର ନିଗମ ଲିମିଟେଡ୍(BSNL) ପ୍ରତି ଉପଭୋକ୍ତାମାନେ ଆକୃଷ୍ଟ ହେଉଛନ୍ତି । ସୋସିଆଲ ମିଡିଆରେ "BSNL କି ଘର ଓ୍ବାପସି" ବେଶ ଟ୍ରେଣ୍ଡ୍ କରୁଥିବା ଦେଖିବାକୁ ମିଳିଛି ।
ରିଲାଏନ୍ସ ଜିଓ, ପ୍ରସାର ଭାରତୀ ଏୟାରଟେଲ ଓ ଭୋଡାଫୋନ ଜୁଲାଇ ୩ରୁ ନିଜର ରିଚାର୍ଜ ଦର ବଢାଇଛନ୍ତି । ଲୋକପ୍ରିୟ ପ୍ଲାନଗୁଡିକରେ ୨୦-୨୫ ପ୍ରତିଶତ ଭଳି ଦର ବୃଦ୍ଧି ହୋଇଥିବା ବେଳେ ଏହି ମହଙ୍ଗା ମାଡକୁ ନେଇ ସାଧାରଣ ଲୋକମାନେ ବିରୋଧ କରିବା ଆରମ୍ଭ କରିଦେଇଛନ୍ତି । ସେପଟେ ଅନ୍ୟ କମ୍ପାନୀଗୁଡିକ ରିଚାର୍ଜ ବଢାଇବା ପରେ ସରକାରୀ କମ୍ପାନୀ ବିଏସଏନଏଲ ଏବେ ବେଶ ଲାଭରେ ରହିଛି । ଗ୍ରାହକମାନେ ବିଏସଏଲ ପ୍ରତି ଆକୃଷ୍ଟ ହେବା ସହ ନିଜ ସିମଗୁଡିକ ବିଏସଏଲରେ ପୋର୍ଟେବୁଲ କରାଇବା ପାଇଁ ଅଫିସ ସାମ୍ନାରେ ଲମ୍ବା ଲାଇନ ଲଗାଉଥିବା ଦେଖିବାକୁ ମିଳିଛି।
ସୋସିଆଲ ମିଡିଆରେ ମଧ୍ୟ "BSNL କି ଘର ଓ୍ବାପସି" ଗତ କିଛି ଦିନ ହେଲା ଲଗାତର ଭାବେ ଟ୍ରେଣ୍ଡିଂରେ ରହିଆସୁଛି । ଗ୍ରାହକମାନେ ଘରୋଇ ସିମକୁ ବର୍ଜନ କରି BSNL ମୁହାଁ ହେଉଛନ୍ତି । 'BSNL କି ଘର ଓ୍ବାପସି' କୁ ନେଇ ସୋସିଆଲ ମିଡିଆ 'ଏକ୍ସ' ପ୍ଲାଟଫର୍ମରେ ୪୦ ହଜାରରୁ ଉର୍ଦ୍ଧ୍ୱ ପୋଷ୍ଟ କରାଯାଇଥିବା ଜଣାପଡିଛି । ବିଏସଏନଏଲ ମଧ୍ୟ ଖୁବଶୀଘ୍ର ଗ୍ରାହକମାନଙ୍କୁ 4G ସେବା ଯୋଗାଇବାକୁ ଯାଉଛି । ତାମିଲନାଡୁରେ ଏହି ୪ଜି ସେବାର ଶୁଭାରମ୍ଭ ହୋଇଯାଇଛି । ଖୁବଶୀଘ୍ର ସାରା ଦେଶରେ ବିଏଲଏନଏଲ ୪ ଜି ସେବା ଆରମ୍ଭ ହେବ ବୋଲି କୁହାଯାଇଛି ।
ନଜର ପକାନ୍ତୁ BSNLର କିଛି ଶସ୍ତା ରିଚାର୍ଜ ପ୍ଲାନ ଉପରେ:
BSNL ୧୦୭ଟଙ୍କିଆ ପ୍ଲାନ:ଏହି ବିଏସଏନଏଲର ଶସ୍ତା ପ୍ଲାନ ମଧ୍ୟରେ ଅନ୍ୟତମ । ୧୦୭ ରିଚାର୍ଜ କରି ଆପଣ ୩୫ ଦିନ ପର୍ଯ୍ୟନ୍ତ ଭ୍ୟାଲିଟିଡି ପାଇପାରିବେ ।ଆଉମଧ୍ୟ ଏଥିରେ ୩ଜିବି, ୪ ଜି ଡାଟା ଓ ୨୦୦ ମିନିଟ ଭଏଲ କଲ ଉପଭୋଗ କରିପାରିବେ ।