ହାଇଦ୍ରାବାଦ: ଆପଲ୍ ନିକଟରେ ନିଜର ଟାବଲେଟ୍ ଲାଇନଅପକୁ ଆଗକୁ ବଢାଇ A17 ଚିପ୍ ବାଲା ଆଇପ୍ୟାଡ ମିନି (iPad Mini)ର ବଜାର ପ୍ରବେଶ କରିଛି । ଯାହାର ଦାମ ମଧ୍ୟ ବେଶ ସୁଲଭ ରହିଛି । ଏଥିରେ ଗ୍ରାହକଙ୍କୁ ଆପଲ୍ ଇଣ୍ଟେଲିଜେନ୍ସ ଓ ଆପଲ୍ ପେନସିଲ ପ୍ରୋ ସପୋର୍ଟ ମିଳିବ । ତେବେ iPad Miniର ଅନେକ ଫିଚର M2 ଚିପ୍ iPad Air ସହିତ ସମାନ ଥିବା ବେଳେ ଉଭୟ ପ୍ରଡକ୍ଟର ଦାମ ମଧ୍ୟ ପାଖାପାଖି ରହିଛି । ଫଳରେ ଏହି 2ଟିରୁ କେଉଁଟା କିଣିବା ଉଚିତ ସେ ନେଇ ଗ୍ରାହକ ଦ୍ବନ୍ଦ୍ବରେ ପଡ଼ିଛନ୍ତି ।
ଉଭୟ ପ୍ରଡକ୍ଟ ମଧ୍ୟରେ ତୁଳନାର ଆଉ ଏକ କାରଣ:-
ଆଇପ୍ୟାଡ୍ ମିନିର ଦାମ 49,000 ଟଙ୍କା ଥିବା ବେଳେ M2 ଚିପ୍ ସହିତ ଆସୁଥିବା iPad Airର ଦାମ 11 ଇଞ୍ଚ ଭାରିଏଣ୍ଟ ଲାଗି 59,000 ଟଙ୍କା ଓ 13-ଇଞ୍ଚ ମଡେଲ ଲାଗି 79,000ଟଙ୍କା ରହିଛି । ଉଭୟଙ୍କ ମଧ୍ୟରେ କିଛି ବିଶେଷତା ରହିଛି ସତ, ହେଲେ ଅନେକ ଫିଚର ସମାନ ରହିଛି । ଏଣୁ ଗ୍ରାହକ ଦ୍ବନ୍ଦ୍ବରେ ପଡ଼ିଛନ୍ତି ।
iPad Mini ବନାମ iPad Air
- ଡିସପ୍ଲେ ଓ କ୍ବାଲିଟି:- ଆଇପ୍ୟାଡ ମିନି 8.3 ଇଞ୍ଚ ଲିକ୍ବିଡ ରେଟିନା ଡିସପ୍ଲେ ସହିତ ଆସିଛି । ସେପଟେ iPad Air 2ଟି ଭାରିଏଣ୍ଟ ସହିତ ଆସିଛି । ଏଥିରେ ଗ୍ରାହକଙ୍କୁ 11 ଇଞ୍ଚ ଓ 13 ଇଞ୍ଚ ଲିକ୍ବିଡ ରେଟିନା ଡିସପ୍ଲେ ମିଳିବ ।
- ପ୍ରୋସେସର କାର୍ଯ୍ୟଦକ୍ଷତା:- ଆଇପ୍ୟାଡ୍ ମିନି ଆପଲର A17 ପ୍ରୋ ଚିପ୍ ଆପଲର ଶକ୍ତିଶାଳୀ ଆଇଫୋନ୍ 15 ପ୍ରୋରେ ମଧ୍ୟ ରହିଛି । ଏହି ଚିପ୍ ଦୈନନ୍ଦିନ କାର୍ଯ୍ୟ ଏବଂ କାଜୁଆଲ୍ ଗେମିଂ ପାଇଁ ସୁଗମ ଏବଂ ଦ୍ରୁତ କାର୍ଯ୍ୟଦକ୍ଷତା ପ୍ରଦାନ କରିଥାଏ । ଅନ୍ୟପଟେ ଆଇପ୍ୟାଡ୍ ଏୟାର ଆପଲର M2 ଚିପ୍ ବ୍ୟକ୍ତିଗତ କମ୍ପ୍ୟୁଟର ଏବଂ ହାଇ ଏଣ୍ଡ ଟ୍ୟାବଲେଟ୍ ପାଇଁ ତିଆରି କରାଯାଇଥିଲା । ଏହାର ଗୋଟିଏ 8-କୋର CPU ଓ 9-କୋର GPU ଅଛି । ଯାହାକି ଭିଡିଓ ଏଡିଟିଂ, ଗ୍ରାଫିକ୍ ଡିଜାଇନ୍ ଏବଂ ଗେମିଂ ପାଇଁ ଉପଯୁକ୍ତ ।
- କ୍ୟାମେରା:-ଉଭୟ ଆଇପ୍ୟାଡ ମିନି ଓ ଆଇପ୍ୟାଡ ଏୟାରରେ 12MP ୱାଇଡ କ୍ୟାମେରା ଯାହାକି 4K ଭିଡିଓ ସୁଟିଂ କରିବାର ଦକ୍ଷତା ରଖିଥାଏ । ଏହାସହତ 12MP ଅଲଟ୍ରା ୱାଇଡ ଫ୍ରଣ୍ଟ କ୍ୟାମେରା ରହିଛି । କହିବାକୁ ଗଲେ ଦୁଇଟି ପ୍ରଡକ୍ଟର କ୍ୟାମେରା ପ୍ରାୟତଃ ସମାନ ରହିଛି ।
- କନେକ୍ଟିଭିଟି:-ଉଭୟ ପ୍ରଡକ୍ଟରେ Wi-Fi 6E ଓ 5G ସେଲ୍ୟୁଲାର ସପୋର୍ଟ କରେ । ଉଭୟ USB-C ଫାଷ୍ଟ ଚାର୍ଜିଂ, ଆପଲ୍ ପେନସିଲ ଓ ବ୍ଲୁଟୁଥ କିବୋର୍ଡକୁ ସପୋର୍ଟ କରିଥାଏ ।
| Specifications | iPad Mini (A17 Pro) | iPad (Air M2) |
| ପରିମାପ | 195.4 x 134.8 x 6.3 mm | 247 x 178.5 x 6.1mm |
| ଓଜନ | 297 ଗ୍ରାମ | 462 ଗ୍ରାମ |
| ସ୍କ୍ରିନ | 8.3 ଇଞ୍ଚ LCD 60Hz | 11 ଓ 13 ଇଞ୍ଚ 60 Hz |
| ଦାମ | Rs. 49,000 | Rs. 59,000 |
| କ୍ୟାମେରା | 12MP F1.8 12MP ଫ୍ରଣ୍ଟ, ଅଲଟ୍ରା-ୱାଇଡ, f/2.4 |