ନୂଆଦିଲ୍ଲୀ: ଲଗାତାର ଦ୍ବିତୀୟ ଥର ବିଶ୍ବ ବିଜେତା ଅଣ୍ଡର 19 ଭାରତୀୟ ମହିଳା ଟି20 ଟିମକୁ ପୁରସ୍କାର ଦେଲା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (BCCI)। ଭାରତୀୟ ଟିମକୁ 5 କୋଟି ଟଙ୍କା ନଗଦ ପୁରସ୍କାର ରାଶି ଘୋଷଣା କରିଛି ବିସିସିଆଇ ।
ଅଧିନାୟକ ନିକି ପ୍ରସାଦଙ୍କ ନେତୃତ୍ବରେ ଭାରତୀୟ ଟିମ ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟରେ ଅପରାଜୟ ରହିବା ସହ ଚମତ୍କାର ପ୍ରଦର୍ଶନ କରିଥିଲେ । ଭାରତୀୟ ମହିଳା ଟିମ ଟୁର୍ଣ୍ଣାମେଣ୍ଟରେ ଦମ୍ଭର ସହ ପ୍ରଦର୍ଶନ କରି ଏକତରଫା ଫାଇନାଲରେ ଦକ୍ଷିଣ ଆଫ୍ରିକାକୁ 9 ୱିକେଟରେ ହରାଇ ବିଶ୍ବବିଜୟୀ ଟାଇଟଲ ହାସଲ କରିଛି।
- 5 କୋଟି ଟଙ୍କା ନଗଦ ପୁରସ୍କାର
ବିସିସିଆଇ 5 କୋଟି ଟଙ୍କା ନଗଦ ପୁରସ୍କାର ରାଶି ଘୋଷଣା କରି କହିଛି ‘‘ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ମାଲେସିଆରେ ଆଇସିସି ଅଣ୍ଡର 19 ମହିଳା ଟି20 ବିଶ୍ବକପ 2025 ଟ୍ରଫିକୁ ସଫଳତାପୂର୍ବକ ପୁଣି ଥରେ ହାସଲ କରିଥିବାରୁ ଭାରତର ଅଣ୍ଡର 19 ଟିମକୁ ହାର୍ଦ୍ଦିକ ଶୁଭକାମନା’’ । ଏହି ଉଲ୍ଲେଖନୀୟ ଉପଲବ୍ଧିକୁ ସମ୍ମାନ ଜମାଇ ବିସିସିଆଇ ମୁଖ୍ୟ କୋଚ ନୁସିନ ଅଲ ଖାଦିରଙ୍କ ନେତୃତ୍ବ ବିଜୟୀ ଟିମ ଓ ସହଯୋଗୀ ଷ୍ଟାଫଙ୍କ ପାଇଁ ନଗଦ 5 କୋଟି ଟଙ୍କାର ପୁରସ୍କାର ରାଶି ଘୋଷମା କରିଛି ।
- ବିସିସିଆଇ ଅଧ୍ୟକ୍ଷ ରୋଜର ବିନ୍ନି ଦେଲେ ଶୁଭକାମନା
ଅଧ୍ୟକ୍ଷ ରୋଜର ବିନ୍ନି ନିଜ ଖୁସି ଜାହିର କରି କହିଛନ୍ତି ‘‘ଅଣ୍ଡର 19 ମହିଳା ବିଶ୍ବକପ ଟ୍ରଫିକୁ ପୁଣି ହାତେଇ ଥିବାରୁ ଆମ ଝିଅମାନଙ୍କୁ ଶୁଭେଚ୍ଛା । ଏହି ଟ୍ରଫି ଭାରତରେ ମହିଳା କ୍ରିକେଟର ବିକାଶକୁ ଦର୍ଶାଉଛି । ମୁଁ ପ୍ରତି ସଦସ୍ୟଙ୍କୁ ଚମକୁ ଥିବା ଦେଖି ବହୁତ ଖୁସି ଅଛି’’ ।
- ନାରୀ ଶକ୍ତି ଉପରେ ଗର୍ବିତ
ପିଏମ ମୋଦି ଏହା ପୂର୍ବରୁ ଭାରତର ଯୁବ ମହିଳା ଟିମକୁ ବିଶ୍ବ ଚାମ୍ପିଆନ ହେବା ପରେ ଶୁଭେଚ୍ଛା ଦେଇଥିଲେ । ପିଏମ ମୋଦି ଏକ୍ସରେ ପୋଷ୍ଟ କରିଥିଲେ ଯେ ‘‘ଆମ ନାରୀ ଶକ୍ତି ଉପରେ ବହୁତ ଗର୍ବିତ ! ଆଇସିସି ଅଣ୍ଡର 19 ମହିଳା ଟି 20 ବିଶ୍ବକପ 2025ରେ ବିଜୟୀ ହେବା ପାଇଁ ଭାରତୀୟ ଟିମକୁ ଶୁଭେଚ୍ଛା’’ ।