ଭୁବନେଶ୍ବର:ସରକାର ବଦଳିଲା... କିନ୍ତୁ ବଦଳିଲା ନାହିଁ ସରକାରୀ ଅଧିକାରୀଙ୍କ ସ୍ଵଭାବ । ବାରମ୍ବାର ତାଗିଦ ସତ୍ତ୍ବେ ରାଜ୍ୟର ସରକାରୀ କର୍ମଚାରୀ ନିଜର ବାର୍ଷିକ ସମ୍ପତ୍ତି ବିବରଣୀ ଦାଖଲ କରୁନାହାନ୍ତି । ବାରମ୍ବାର ସରକାର ଅବଧି ବଢ଼ାଉଥିଲେ ମଧ୍ୟ ପ୍ରତିବର୍ଷ ନିଦ୍ଧାରିତ ସମୟସୀମା ମଧ୍ୟରେ ଦାଖଲ ହେଉନାହିଁ ସମ୍ପତ୍ତି ତାଲିକା । ଅନୁରୂପ ଭାବେ ଏଥର ମଧ୍ୟ ପୁଣି ଫେବୃଆରୀ 28 ପର୍ଯ୍ୟନ୍ତ ସମୟ ବଢ଼ାଇଛନ୍ତି ସରକାର । ଏହି ସମୟ ଅବଧି ମଧ୍ୟରେ ସମ୍ପତ୍ତି ତାଲିକା ଦାଖଲ ପାଇଁ ଶେଷ ସୁଯୋଗ ବୋଲି କୁହାଯାଇଛି । ସରକାରୀ ଅଧିକାରୀ ସରକାରଙ୍କ ନିର୍ଦ୍ଦେଶ ମାନୁନଥିବାରୁ ଆରମ୍ଭ ହୋଇଛି ଏହାକୁ ନେଇ ରାଜନୀତି । ବର୍ତ୍ତମାନର ସରକାରକୁ କେହି ମାନୁ ନଥିବା ବିଜେଡି କହିଥିବା ବେଳେ ଏହାର ଉତ୍ତରରେ ଧର୍ଯ୍ୟ ଧରନ୍ତୁ ବୋଲି କହିଛି ବିଜେପି ।
'ବର୍ତ୍ତମାନର ସରକାର ଓ ମୁଖ୍ୟମନ୍ତ୍ରୀଙ୍କୁ କେହି ମାନୁ ନାହାନ୍ତି':
ବିଜେଡି ବିଧାୟକ ଗୌତମବୁଦ୍ଧ ଦାସ କହିଛନ୍ତି, "ବର୍ତ୍ତମାନର ସରକାର ଓ ମୁଖ୍ୟମନ୍ତ୍ରୀଙ୍କୁ କେହି ମାନୁ ନାହାନ୍ତି । ମୁଖ୍ୟମନ୍ତ୍ରୀଙ୍କୁ ମନ୍ତ୍ରୀ ମାନେ ଖାତିର କରୁନାହାନ୍ତି । ମୁଖ୍ୟମନ୍ତ୍ରୀ ମଞ୍ଚରେ ଛିଡା ହୋଇଥିବାବେଳେ ମନ୍ତ୍ରୀ ମାନେ ତଳେ ଗୋଡ଼ରେ ଗୋଡ଼ ଟେକି ବସୁଛନ୍ତି । ଏହାକୁ ଦେଖି ବାବୁ ମାନେ ମଧ୍ୟ ସରକାରଙ୍କୁ ମାନୁ ନାହାନ୍ତି । ସମ୍ପତ୍ତି ତାଲିକା ଅଫିସର ଦେଉନାହାନ୍ତି । ଆଗକୁ ମଧ୍ୟ ଦେବେ ନାହିଁ । ସରକାର ତାଙ୍କର କିଛି କରିପାରିବେ ନାହିଁ । ଗାଁ'କୁ ଯାଇ ରାତ୍ରୀଯାପନ କରିବା ସହ ଲୋକଙ୍କ ସମସ୍ୟା ବୁଝିବାକୁ ବାବୁଙ୍କୁ ନିର୍ଦ୍ଦେଶ ଦିଆଯାଇଥିଲା । ରିମାଇଣ୍ଡର ପରେ ମଧ୍ୟ ଯାଇନାହାନ୍ତି । ପ୍ରଶାସନ ଉପରେ ସରକାରଙ୍କର ନିୟନ୍ତ୍ରଣ ନାହିଁ । ସରକାର ଦିଗ ଓ ଦିଶା ହୀନ ଭାବେ କାର୍ଯ୍ୟ କରୁଛନ୍ତି । ସରକାର ଅଚାନକ ଆସିଯାଇଥିବାରୁ କେବଳ ନିଜକୁ ବିଜ୍ଞପିତ କରିବାରେ ଲାଗିଛନ୍ତି । ପ୍ରଶାସନକୁ ଚଳେଇବାରେ ଏମାନଙ୍କର ମନ ଧ୍ୟାନ ନାହିଁ ।"
ଏହା ମଧ୍ୟ ପଢନ୍ତୁ-ସମ୍ପତ୍ତି ତାଲିକା ଦାଖଲ ନ କେଲ ଦରମା ବନ୍ଦ, 31 ଜାନୁଆରୀ ଶେଷ ତାରିଖ - ସରକାରୀ କର୍ମଚାରୀଙ୍କ ସମ୍ପତ୍ତି ତାଲିକା
ଏହା ବି ପଢନ୍ତୁ...ଶୁଣୁନାହାନ୍ତି ଅଧିକାରୀ, ପୁଣି ଚିଠି ଲେଖିଲେ ସରକାର
'ସମସ୍ତେ ଧର୍ଯ୍ୟ ଧରନ୍ତୁ, ଏହା ଏକ ଟ୍ରାନ୍ସପ୍ୟାରେଣ୍ଟ ସରକାର':