ଭବାନୀପଟଣା:ଆଜି କଳାହାଣ୍ଡି ଜିଲ୍ଲାରୁ ନିର୍ବାଚନୀ ରଣହୁଙ୍କାର ଦେଇଛି କଂଗ୍ରେସ । ଆଜି ଶକ୍ତି ପ୍ରଦର୍ଶନ କରିଛି ଦଳ । ସଭା ମଞ୍ଚରୁ ସିଧାସଳଖ ବିଜେପି ଓ ବିଜେଡିକୁ ଟାର୍ଗେଟ କରିଛି କଂଗ୍ରେସ । ଆଜି କଳାହାଣ୍ଡି ଜିଲ୍ଲା ଭବାନୀପାଟଣା ବିଶ୍ଵବିଦ୍ୟାଳୟ ପଡିଆଠାରେ କଂଗ୍ରେସର ହୁଙ୍କାର ଯାତ୍ରା ଅନୁଷ୍ଠିତ ହୋଇ ଯାଇଛି ।ଏଥିରେ ଦଳ ବହୁ ପଦାଧିକାରୀ ଯୋଗ ଦେଇଥିବାବେଳେ ବିଜେଡ଼ି ଝାଡି କଂଗ୍ରେସରେ ଯୋଗଦେଇଛନ୍ତି ପୂର୍ବତନ ମନ୍ତ୍ରୀ ବଳଭଦ୍ର ମାଝୀ ।
ପ୍ରଥମେ ଅଧିଷ୍ଠାତ୍ରୀ ଦେବୀ ମାଁ ମାଣିକେଶ୍ୱରୀ ମନ୍ଦିରରୁ ଏକ ଶୋଭାଯାତ୍ରା ବାହାରି ସହର ପରିକ୍ରମା କରିବା ପରେ ବିଶ୍ଵବିଦ୍ୟାଳୟ ପଡ଼ିଆରେ ପହଞ୍ଚିଥିଲେ । ଅନୁଷ୍ଠିତ କାର୍ଯ୍ୟକ୍ରମରେ ରାଜ୍ୟ ପ୍ରଭାରୀ ଅଜୟ କୁମାରଙ୍କ ଉପସ୍ଥିତିରେ ବଳଭଦ୍ର ମାଝୀ କଂଗ୍ରେସରେ ଯୋଗଦାନ କରିଥିବାବେଳେ ଆସନ୍ତା ଦିନରେ ଦଳ ଯେଉଁ ଦାୟିତ୍ବ ଦେବା ତାହା ସୂଚାରୁ ରୂପେ ତୁଲାଇବେ ବୋଲି କହିଛନ୍ତି ।
ସେପଟେ ରାଜ୍ୟ ପ୍ରଭାରୀ ସିଧାସଳଖ ଭିକେ ପାଣ୍ଡିଆନକୁ ବିରୋଧ କରିବା ସହ ପାଣ୍ଡିଆନ ବେକ୍ କରିବ ଓ କଂଗ୍ରେସ ଫେରିବ ବୋଲି କହିଥିଲେ । ଆସନ୍ତା ଦିନରେ ଓଡ଼ିଶାରେ କଂଗ୍ରେସ ସରକାର କରିବା ସହ ରାହୁଲ ଗାନ୍ଧୀଙ୍କ ନେତୃତ୍ୱରେ ସରକାରଙ୍କୁ କାଠ ଗଢାକୁ ଟାଣିବା ବୋଲି ପ୍ରକାଶ କରିଛନ୍ତି ।
ସେହିପରି ଶରତ ପଟ୍ଟନାୟକ କହିଛନ୍ତି ,"ରାହୁଲ ଗାନ୍ଧୀ ଓଡିଶା ୪ ଦିନ ପାଇଁ ଆସୁଛନ୍ତି । ଏଥିପାଇଁ କର୍ମୀଙ୍କ ଭିତରେ ଉତ୍ସାହ ଦେଖିବାକୁ ମିଳିଛି । ସମସ୍ତେ ଜାଣି ସାରିଲେଣି ବିଜେପି ଏବଂ ବିଜେଡି ସରକାର ଯାହା ଦୁର୍ନିତି କରୁଛନ୍ତି । ନବୀନ ପଟ୍ଟନାୟକ ୨୪ ବର୍ଷ ଭିତରେ ରାଜ୍ୟରୁ ଦରିଦ୍ର କରିଦେଇଛନ୍ତି । ପରିବର୍ତ୍ତନର ସ୍ବର ଆରମ୍ଭ ହୋଇଛି । ଏଥର ସରକାର ପରିବର୍ତ୍ତନ ନିଶ୍ଚିତ । ୯ ରୁ ୯୦ ହେବ କଂଗ୍ରେସ ସରକାକ ଗଠନ କରିବ ।"