Vastu tips for prosperity: ବହୁ ପୁରାତନ କାଳରୁ ବାସ୍ତୁ ଶାସ୍ତ୍ରର ବିଶେଷ ଗୁରୁତ୍ବ ରହିଆସିଛି । ସାଧାରଣତଃ ଘରଟିଏ ତିଆରି କଲାବେଳେ ପ୍ରତ୍ୟେକ ଲୋକ ବାସ୍ତୁ ଶାସ୍ତ୍ର ଅନୁସାରେ ପ୍ରତିଟି ଜିନିଷ କରିଥାନ୍ତି । ଘରର କେଉଁ ସ୍ଥାନରେ ଆସବାବପତ୍ର ରହିବ, କେଉଁପଟେ ରୋଷେଇ ଘର, କେଉଁଠି ସିଡି ସବୁକିଛି ବାସ୍ତୁ ଶାସ୍ତ୍ର ଅନୁସାରେ କରାଯାଏ । କାରଣ ବାସ୍ତୁ ଦୋଷ ରହିଲେ ଘରେ ସର୍ବଦା ସମସ୍ୟା ଲାଗେ ରହେ । ଯେତେ ଟଙ୍କା ରୋଜଗାର କଲେ ଅଣ୍ଟେନି ଓ ମାନସିକ ଅଶାନ୍ତି ସୃଷ୍ଟି ହୁଏ । ତେଣୁ ଘରେ ଧନଧାନ୍ୟ, ସୁଖ ଓ ସମୃଦ୍ଧି ଆଣିବାରେ ବାସ୍ତୁ ଶାସ୍ତ୍ର ଅତ୍ୟନ୍ତ ପ୍ରଭାବଶାଳୀ ବିବେଚନା କରାଯାଏ ।
ବାସ୍ତୁ ଶାସ୍ତ୍ରରେ ଆର୍ଥିକ ସମସ୍ୟା ଦୂର କରିବା ପାଇଁ ମଧ୍ୟ ଅନେକ ଉପାୟ କୁହାଯାଇଛି । ଏହି ଉପାୟକୁ ଆପଣାଇ ଘରେ ସୁଖ ସମୃଦ୍ଧି ଆଣିପାରିବେ । ଚାଲନ୍ତୁ ଜାଣିବା କିଛି ବାସ୍ତୁ ଟିପ୍ସ ବିଷୟରେ...
ଦିଗ ଅନୁସାରେ ରଙ୍ଗ ବାଛନ୍ତୁ:
ଦିଗ ଅନୁସାରେ ନିଜ ଘର ରୁମଗୁଡିକର ରଙ୍ଗ ଚୟନ କରିବା ଉଚିତ୍ । ରୁମ୍ର ପୂର୍ବ ଦିଗରେ ହାଲକା ନୀଳ ରଙ୍ଗ, ଉତ୍ତରରେ ସବୁଜ, ପଶ୍ଚିମ ଦିଗରେ ନୀଳ ଓ ଦକ୍ଷିଣ ଦିଗରେ ଲାଲ୍ ରଙ୍ଗ ଦେବା ଉଚିତ୍ । ଏପରି କଲେ ଘରେ ସକରାତ୍ମକ ଶକ୍ତି ପ୍ରବେଶ କରିଥାଏ ।
ଟ୍ୟାପ୍ ଭଲ ଭାବେ ବନ୍ଦ କରନ୍ତୁ:
ଟ୍ୟାପ୍ରୁ ପାଣି ବୁନ୍ଦା ବୁନ୍ଦା ପଡିବାକୁ ବାସ୍ତୁ ଶାସ୍ତ୍ରରେ ଅଶୁଭ ମନେ କରାଯାଏ । ଏହାଦ୍ବାରା ଘରେ ସବୁବେଳେ ଆର୍ଥିକ ସମସ୍ୟା ଲାଗି ରହେ । ଯେତେ ରୋଜଗାର କଲେ ଅଣ୍ଟେନି । ତେଣୁ ସବୁବେଳେ ଭଲ ଭାବେ ଟ୍ୟାପ୍ ବନ୍ଦ କରିବା ଉଚିତ୍ । କୌଣସି ଟ୍ୟାପ୍ ଖରାପ ହୋଇ ପାଣି ବୁନ୍ଦା ପଡିଲେ ଏହାକୁ ତୁରନ୍ତ ଠିକ୍ କରାନ୍ତୁ ।
ଏଥିସହ ଘରର କେଉଁ ପଟେ ପାଣି ଟାଙ୍କି ରହିବା ଉଚିତ୍ ତାହା ମଧ୍ୟ ବାସ୍ତୁ ଶାସ୍ତ୍ରରେ କୁହାଯାଇଛି । ଘରେ ସବୁବେଳେ ପାଣିଟାଙ୍କି ଦକ୍ଷିଣ, ଦକ୍ଷିଣ-ପୂର୍ବ କିମ୍ବା ଦକ୍ଷିଣ ପଶ୍ଚିମ ଦିଗରେ ରଖିବା ଉଚିତ୍ । ଏହି ଦିଗରେ ଟାଙ୍କି ରହିଲେ ଧନ ଲାଭ ସ୍ଥିତି ହୋଇଥାଏ ।
କବାଟ ଓ ଝରକା: