ହାଇଦ୍ରାବାଦ:ନଭେମ୍ବର ୧୦ ତାରିଖରେ କାର୍ତ୍ତିକ ଶୁକ୍ଳ ପକ୍ଷ ଅଁଳା ନବମୀ । ଏହି ପୁଣ୍ୟ ତିଥିରେ ଦର୍ଶନ କରାଯାଏ ଶ୍ରୀରାଧାଙ୍କ ପାଦପଦ୍ମ । ଏହି ପବିତ୍ର ଦିନଠାରୁ କିଛି ରାଶିର ଗ୍ରହ ନକ୍ଷତ୍ର ପରିବର୍ତ୍ତନ କରିବାକୁ ଯାଉଛନ୍ତି । ଫଳରେ ଧର୍ମ ମାସର ଶେଷ ଆଡ଼କୁ ରାଶିଗୁଡ଼ିକରେ ମଧ୍ୟ ପରିବର୍ତ୍ତନ ଘଟିବ । ଏହି ପରିବର୍ତ୍ତନ କିଛି ରାଶିଙ୍କ ପାଇଁ ସମସ୍ୟା ସୃଷ୍ଟି କରିବାକୁ ଥିବା ବେଳେ ଆଉ କିଛି ରାଶିଙ୍କ ପାଇଁ ରାଜଯୋଗ ନେଇ ଆସୁଛି । ତେବେ ଅଁଳା ନବମୀ ପରଠାରୁ ୫ ରାଶିର ଗ୍ରହ ଶକ୍ତିଶାଳୀ ହେବେ । ପ୍ରଭାବରେ ମାନସମ୍ମାନ ବୃଦ୍ଧି ସହ ଆର୍ଥିକ ସମସ୍ୟ ମଧ୍ୟ ଦୂର ହେବ । ତେବେ ଜାଣନ୍ତୁ କେଉଁ ୫ ରାଶିର ବ୍ୟକ୍ତିଙ୍କ ଉପରେ ସୁଖ ସମୃଦ୍ଧି ବର୍ଷା ହେବାକୁ ଯାଉଛି..
ମେଷ: ଅଁଳା ନବମୀ ପରଠାରୁ ମେଷ ରାଶିର ବ୍ୟକ୍ତିଙ୍କ ମନରେ ସକରାତ୍ମକ ଭାବନା ଜାଗ୍ରତ ହେବ । ଫଳରେ ପ୍ରତ୍ୟେକ କାର୍ଯ୍ୟକୁ ସଫଳତାର ସହ ସମ୍ପାଦନ କରିବା ପାଇଁ ଶକ୍ତି ପାଇବେ । ଆପଣ ବିଦେଶରେ ଚାକିରି ପାଇପାରନ୍ତି । ସମସ୍ତ ବିଚାରାଧୀନ କାର୍ଯ୍ୟ ସମାପ୍ତ ହେବ । ଆପଣ ଅଟକି ରହିଥିବା ଟଙ୍କା ଫେରସ୍ତ ପାଇବେ । ପ୍ରତିଭା ପାଇଁ ପ୍ରଶଂସିତ ହେବ । ନୂଆ ବ୍ୟବସାୟ ଆରମ୍ଭ କରି ପ୍ରାରମ୍ଭରୁ ହିଣ ଲାଭବାନ ହେବେ । ବିବାହ ସ୍ଥିର ହୋଇପାରେ । ଆପଣଙ୍କ ପରିବାରରେ ସୁଖ ବିସ୍ତାର ହେବ । ଆପଣଙ୍କର କ୍ୟାରିୟର ପୂର୍ବ ଅପେକ୍ଷା ଅଧିକ ଶକ୍ତିଶାଳୀ ହେବ ।
ମିଥୁନ:କାର୍ତ୍ତିକ ମାସ ପଞ୍ଚୁକ ସମୟରେ ଆପଣଙ୍କ ରାଶିରେ ଧନପ୍ରାପ୍ତିର ସଂକେତ ଯୋଗ ରହିଛି । ଏକ ବଡ଼ କାର୍ଯ୍ୟର ଅୟମାରମ୍ଭ କରିବେ, ଏହାସହ ସେଥିରେ ସଫଳତା ମଧ୍ୟ ହାସଲ କରିବେ । ନିଜ ପିତାମାତାଙ୍କ ଖୁସି ପାଇଁ ସେମାନଙ୍କୁ ବିଦେଶ ବୁଲାଇବାକୁ ନେଇପାରନ୍ତି । ନୂତନ ଚାକିରିର ରାସ୍ତା ଉଜ୍ଜଳ ରହିଛି । କ୍ୟାରିୟରରେ ଅଗ୍ରଗତି ହେବ । ଆୟ ବୃଦ୍ଧିରେ କୌଣସି ପ୍ରତିବନ୍ଧ ଆପଣଙ୍କ ପାଖ ମାଡିବ ନାହିଁ । ଏକ ନୂତନ ଘର କିମ୍ବା କାର କିଣି ପାରିବେ । ନୂତନ ପଦ ଏବଂ ଦାୟିତ୍ୱ ପାଇବେ । ସମାଜରେ ନିଜ କାର୍ଯ୍ୟ ପାଇଁ ସମ୍ମାନ ବୃଦ୍ଧି ପାଇବ । ଶତ୍ରୁମାନେ ପରାସ୍ତ ହେବେ । ସ୍ବାସ୍ଥ୍ୟରେ ଉନ୍ନତି ହେବ ।
ସିଂହ:ସିଂହ ରାଶିର ବ୍ୟକ୍ତିଙ୍କ ପାଇଁ ପଞ୍ଚୁକ ବିଶେଷ ସ୍ବତନ୍ତ୍ର ରହିବ । ଆପଣ ସ୍ବାସ୍ଥ୍ୟରେ ଉନ୍ନତି ଆସିବ । ନିଜକୁ ଶକ୍ତିଶାଳୀ ମନେ କରିବେ । ଯେଉଁମାନେ ଅଧ୍ୟୟନ ପାଇଁ ବାହାରକୁ ଯିବାକୁ ଚାହୁଁଛନ୍ତି ସେମାନଙ୍କ ପାଇଁ ସଫଳ ହେବ । କିଛି ଦିନ ମଧ୍ୟରେ ବହୁଦିନ ଧରି ଲାଗି ରହିଥିବା ସମସ୍ୟାର ସମାଧାନ ହେବ । ପ୍ରେମୀଯୁଗଳ ବିବାହ କରିବା ପାଇଁ ନିଷ୍ପତ୍ତି ନେବେ । ପରିବାରରେ ଆପଣଙ୍କ ପ୍ରେମ ବିବାହ ପାଇଁ ସ୍ବୀକୃତି ମିଳିବ । ଆୟ ବୃଦ୍ଧି ପାଇପାରେ । ଏହି ସମୟରେ ବ୍ୟବସାୟରେ ଉନ୍ନତି ହେବା ସହ ଲାଭ ମିଳିବ । ସ୍ବାସ୍ଥ୍ୟରେ ଉନ୍ନତି ଆସିବ । ଟଙ୍କା ସଞ୍ଚୟ କରିବାର ଉପାୟ ମିଳିବ । ଉପହାର ସ୍ବରୁପ କୌଣସି ଦାମୀ ରତ୍ନ ଆପଣଙ୍କୁ ପ୍ରାପ୍ତ ହୋଇପାରେ ।
ତୁଳା: ଅଁଳା ନବମୀ ତଥା ରାଧା ପାଦ ଦର୍ଶନ ପରଠାରୁ ଆପଣଙ୍କୁ ଏକ ବଡ଼ ଖୁସି ଖବର ମିଳିବ । ରାଧାରାଣୀଙ୍କ କୃପାରୁ ଆପଣଙ୍କ ଜୀବନ ପ୍ରେମମୟ ହେବ । ନିଜର ଚାତୁରି କଥାରେ ଅନ୍ୟମାନଙ୍କୁ ଆକର୍ଷିତ କରିବେ । ରାଶିରେ ଗ୍ରହ ନକ୍ଷତ୍ର ଚାଳନା ସଠିକ ଭାବରେ ରହୁଥିବାକୁ ପ୍ରତ୍ୟେକ କ୍ଷେତ୍ରରେ ସଫଳତା ଆପଣଙ୍କ ସପକ୍ଷରେ ଯିବ । ରାଜନୀତିରେ ସ୍ଥିତି ଓ ପ୍ରତିଷ୍ଠା ବୃଦ୍ଧି ପାଇବେ । କର୍ମକ୍ଷେତ୍ରରେ ପୂର୍ବରୁ ଥିବା ପ୍ରତିବନ୍ଧକଗୁଡିକ ଦୂରହେବ । ଆୟର ଉତ୍ସ ବୃଦ୍ଧି ପାଇବ । ଚାକିରିରେ ପଦୋନ୍ନତି ପାଇବା ସମ୍ଭାବନା ରହିବ । ସକରାତ୍ମକ ଚିନ୍ତାଧାରା ଯୋଗୁଁ ଆପଣ ସମ୍ମାନ ପାଇବେ । ଦୁଃସାହସିକ କାର୍ଯ୍ୟ କରିବାରେ ସଫଳ ହେବେ । ଟଙ୍କା ସମ୍ବନ୍ଧୀୟ ସମସ୍ୟାର ସମାଧାନ ହେବ ।
ବିଛା: ରାଧା ପାଦ ଦର୍ଶନ ଅର୍ଥାତ ଅଁଳା ନବମୀ ଆପଣଙ୍କ ଜୀବନରେ ବିଶେଷ ପ୍ରଭାବ ପକାଇବ । ନୂଆ ପ୍ରେମର ଆରମ୍ଭ କରିବେ । ଆର୍ଥିକ ସ୍ଥିତିରେ ସୁଧାର ଆସିବ । କରଜ ମୁକ୍ତ ହେବେ । ଅଟକି ରହିଥିବା ଆପଣଙ୍କ ଟଙ୍କା ଫେରି ପାଇବେ । ସେଭିଂ କରିବେ । ବ୍ୟବସାୟ ସହ ଜଡ଼ିତ ବ୍ୟକ୍ତି ନୂତନ ଡିଲ୍ ଚୁଡାନ୍ତ କରିବେ । କର୍ମକ୍ଷେତ୍ରରେ ପଦୋନ୍ନତି ସହିତ ନିଜର ଦବଦବା ବୃଦ୍ଧି ପାଇବ । ଚାକିରି କରିଥିବା ବ୍ୟକ୍ତିମାନଙ୍କ ପଦୋନ୍ନତି ହେବାର ଅନେକ ସମ୍ଭାବନା ରହିଛି । ଆପଣଙ୍କୁ ବୁଝି ପାରୁଥିବା ମନ ପସନ୍ଦର ଜୀବନସାଥୀ ମିଳିବେ ।
