ବେରୁଟ(ଲେବାନନ): ଇସ୍ରାଏଲ ଓ ଇରାନ ମଧ୍ୟରେ ଜାରି ରହିଛି ଘମାଘୋଟ ଲଢେଇ । ଦିନ ଯେତିକି ଗଡୁଛି ସେତିକି ତୀବ୍ର ହେଉଛି ଦୁଇ ଦେଶ ମଧ୍ୟରେ ଶତ୍ରୁତା । ପରସ୍ପରକୁ ଆକ୍ରମଣ ପ୍ରତି ଆକ୍ରମଣ ଜାରି ରଖିଛନ୍ତି । ଫଳରେ ରକ୍ତରେ ଭିଜୁଛି ମାଟି, ଗଡୁଛି ଶହ ଶହ ମୁଣ୍ଡ । ପୁଣି ଥରେ ଲେବାନନ ଉପରେ ଇସ୍ରାଏଲ ରକେଡ ମାଡ କରିଛି । ବେରୁଟର ଏକ କୋଠା ଉପରେ ଏୟାରଷ୍ଟ୍ରାଇକ କରିବାକୁ 22 ଜଣଙ୍କର ମୃତ୍ୟୁ ହୋଇଥିବା ବେଳେ ଶତାଧିକ ଆହତ ହୋଇଥିଲା ସୂଚନା ମିଳିଛି । ଯାହା ହିଜବୁଲ ଆତଙ୍କୀଙ୍କ ସହିତ ଇସ୍ରାଏଲର ତିକ୍ତତାକୁ ଆହୁରି ବଢାଇ ଦେଇଛି ।
ଦୁଇ କୋଠା ଉପରେ ଏୟାର ଷ୍ଟ୍ରାଇକ:
ଘଟଣାସ୍ଥଳରେ ଉପସ୍ଥିତ ଥିବା ଜଣେ ଆସୋସିଏଟେଡ ପ୍ରେସ (AP) ଫଟୋ ଗ୍ରାଫରଙ୍କ କହିବାନୁସାରେ, ଗତ ଏକ ବର୍ଷ ମଧ୍ୟରେ ଇସ୍ରାଏଲ କରିଥିବା ଆକ୍ରମଣ ମଧ୍ୟରେ ଏହା ସବୁଠାରୁ ଭୟାନକ ଥିଲା । ମଧ୍ୟ ବେରୁଟର ଦୁଇଟି ଜନବସତି ଉପରେ ଏୟାରଷ୍ଟ୍ରାଇକ କରିଥିଲା ଇସ୍ରାଏଲ । ଏଥିରେ ଏକ ଆଠ ମହଲା କୋଠା ଭୁଶୁଡି ପଡିଥିବା ବେଳେ ଅନ୍ୟ ଏକ କୋଠାର ତଳ ମହଲା ପରା ନଷ୍ଟ ହୋଇଯାଇଛି । ଇସ୍ରାଏଲ ସେନା କହିଛି ଯେ, ଆକ୍ରମଣର ଯାଞ୍ଚ କରାଯାଉଛି । ବେରୁଟ ଦକ୍ଷିଣ ଉପକଣ୍ଠରେ ଇସରାଏଲ ଆକ୍ରମଣ କରିଛି । ଯେଉଁଠାରେ ହିଜବୁଲା ଆତଙ୍କୀର କାର୍ଯ୍ୟକଳାପ ଜାରି ରହିଛି । ଏୟାରଷ୍ଟ୍ରାଇକକୁ ନେଇ ହିଜବୁଲାର ଏଆଇମନାର ଟିଭି ରିପୋର୍ଟ କରିଛି ଯେ, ଜଣେ ବରିଷ୍ଠ ସୁରକ୍ଷା ଅଧିକାରୀ ୱାଫିକ୍ ସଫାଙ୍କୁ ହତ୍ୟା ଉଦ୍ୟମ ବିଫଳ ହୋଇଛି । ଯେଉଁ ଦୁଇଟି କୋଠା ଉପରେ ରକେଟ ମାଡ ହୋଇଛି ସେଠାରେ ସଫା ନଥିଲେ । ଗୁରୁବାରର ବେରୁଟରେ ହୋଇଥିବା ଏୟାର ଷ୍ଟ୍ରାଇକ ପୂର୍ବରୁ ହିଜବୁଲ୍ଲା ଏବଂ ଇସ୍ରାଏଲ ମଧ୍ୟରେ ଏକ ବର୍ଷର ତିକ୍ତତା ପରେ ଗତ ସପ୍ତାହ ପରଠୁ ଘମାଘୋଟ ଯୁଦ୍ଧରେ ପରିଣତ ହୋଇଥିଲା । ଇସ୍ରାଏଲ ଲେବାନନ୍ ଉପରେ ପ୍ରବଳ ଆକ୍ରମଣ କରିଥିଲା । ଯାହାର କଡା ଯବାବ ମଧ୍ୟ ଦେଉଛୁ ହିଜବୁଲା ସଂଗଠନ ।